انهيار

Pineapple_51881 🇪🇬

منذ 4 ساعات

شعور مستنزف

انا مش عارف اكلم مين بقيت وحيد بدرجه سيئة عارفين الميم بتاع لا حبيب ولا قريب ولا غريب انا بقيت ده حرفيا ومش لاقي حد اكلمه ومش عارف اعمل اي بجد حياتي اتدمرت ومبقاش فيه حد جمبي حتى البنت اللي حبيتها سابتني لما تعبت مش عارف اعمل اي

Popcorn_74058 🇪🇬

منذ 23 ساعة

شعور مستنزف

انا كنت كنت شخص اجتماعي جدًا، بحب الخروجات واللمة والضحك والهزار، وكلامي ما بيخلصش مع الناس. لكن جالي اكتئاب من ٤ سنين و الحمد الله رجعت بعد سنة من الاكتئاب بس انت اتغيرت كتير والوحدة. الليل بقى مريح بالنسبالي أكتر من النهار. حتى مع الناس القريبة ليا وكلامي معاهم قلّ جدًا، مش زي زمان. ساعات بحس إ

Mushroom_68593 🇪🇬

منذ يوم واحد

شعور لا مبالٍ

امبارح اتعرضت لموقف لو كنت اتعرضت ليه من سنه واحده كان جالي فيه انهيار عصبي بس انا اتعاملت عادي و حقيقي مفرقش معايا حتي دمعه واحده منزلتش اكتفيت بس اني امشي و بكل هدوء لدرجه ان اللي قصادي مصدقش ان دا انا حتي انا مش عرفاني لحد دلوقتي!!!(يظهر ان انا اتجننت)

Orange_68178 🇪🇬 كلنا مجانين لا تقلقي

عرض الكل 17 نصيحة

Apple_73772 🇪🇬

منذ يوم واحد

شعور مذنب

موضوع:

اتخدعت ف حد قبل كدة؟

عبّر عن شعورك بشكل مجهول

انا كنت بحب واحده وسابتني بدون اي سبب قعدنا سنه مرتبطين و4 شهور صحاب بس بدون تفاصيل لقيت نفسي بعد م سابتني اني عادي وطبيعي ودي حقيقه اتضح ليا اني مكنتش بحبها ودا كان تعلق بس تصادفني واحده حرفيآ مش هقول خطفط قلبي لا دي خطفط روحي حرفيآ انا مبقتش قادر ابطل اسمع صوتها بحبها بدون اي مقابل وكل ده انا مش عارف بحبها بجنون كده ليه بس سابتني بعد سناتين وقالتلي انها مش مرتاحه ف طبعآ حالتي النفسيه اتبهدلت 3 شهور حرفيآ مبخروجش من الاوضه شربت مخدرات ومش كله تحديدآ شربت حشيش بقيت كل م اشرب افتكرها واشوفها قدامي اشرب اشوفها قدامي ومبعرفش انام ولا عارف اعيش سابتني 6 شهور ولقيتها داخله تطمن عليا لما شوفت رقمها اتجننت ورجعتلي نفس حالتي تاني لا واسواء من الاول بس هي قعدت يومين تكلمني لقيت نفسي في اليومين دول حكيتلها كل حاجه حصلت معايا من ساعة م سابتني  وبدون تفكير لاني كنت ناوي اني هتجوزها ف كنت حرفيآ لو هقوم اشرب كنت بعرفها المهم بعد م حكيتلها كل حاجه لقيتها اتضايقت ف استغربت وبعد كده سألت نفسي سؤال؟  مش هي سابتني عشان مش مرتاحه معايا وفعلآ سألتها لقيتها بتقولي انا اه مش مرتاحه بس من المشاكل اللي كنا فيها ف استغربت اكتر وقفلت معاها ومكلمتهاش كانت بتبعت وانا مردش لأني حسيتها بتكدب ومن ساعتها وانا شايف كل الناس كدابه ومفيش حد ليه امان في الدنيا وهي لسه بتحاول اننا نرجع وانا اللي بهرب منها بس

انا عارف اني اتجننت

Mango_60502 🇪🇬

منذ يومين

شعور قلق

يا جماعه انا معنتش قادر اكمل في مجالي (البرمجه) انا كنت داخل كلية حاسبات بحب المجال جدا وبذاكر كورسات و الدنيا كويسه لحد ما ادوات الذكاء الاصطناعي السنه دي بقت كويسه جدا بتعمل شغل كتير احنا كنا بنعمله و الفرص قلت عن زمان و تسريحات كتير و المستقبل بقي مظلم خالص انا هتجنن يا جماعه انا كنت محتار زمان م

Apple_4481 🇪🇬

منذ أسبوع واحد

شعور متعب

بتعملو اي لما بتهجم عليكم موجه زكريات وحشه وحاجات اتعرضتولها خلتكم تحسو بشعور وحش وان نفسكم صعبانه عليكم؟ حاسين ان التراكمات اللي سبتوها لوقت طويل جت مره واحده بسبب موقف خلت ثباتكم ينهار 💔

Potato_71552 🇪🇬

منذ أسبوع واحد

شعور محبط

Kiwi_71514 🇪🇬 بص حاول تنسي ولما بتقدريش تعمل كده حاول تروح لدكتور نفسي الموضوع هيفرق جدا معاك بلص انسي الماضي ونصحي لسه عندك حياه تقدر تعيشها وربنا يوفقك

عرض الكل 15 نصيحة

عبّر عن شعورك بشكل مجهول

هاي ازيكو
انا مش ملاگ بس ف نفس الوقت مش شيطان عرفت بنات كتير واتسليت اكتر وارتبط كتير وكنت دايما انا الخاين والبايع ومكنتش بندم جايز قسوة اهلي عليا هي اللي خلتني انسان اجوف مش عارف بس انا غلط كتير وانا عارف اني كإنسان بشري وضيع لازم اعلق أخطائي ع اي شماعة بس للاسف حبيت كانت بالنسبالي كل اهلي وبنتي وامي وحبيبتي وصاحبتي كانت الروح اللي بتحركني بعد سنة م حبنا وكنت بجهز بيتنا اللي هنتجوز فيه وكنا متفقين شهرين بالظبط وهروح اتقدملها عشان والدها لسه طالع م عمليه كبيره وخطيره ف القلب يوم اتخانقنا خناقه تافهه زي باقي الخناقات اللي بتعدي كنا لسه الصبح لقيتها قافله النت خالص ملهاش اي ظهور ع السوشيال ورنيت عليها لقيتني محطوط ف البلاك ليست طبعا اتحولت م الغضب وانا لما بتجنن بسوق عربيتي وزي ماتيجي تيجي بعد ما خلصت جري بالعربية ومجازفات مطاردات ولعب قولت اركن ف جراچ ما ع البحر بدون ذكر اسمه انزل اجيب ريدبل او قهوة وامشي تاني والجراچ ده معروف ان اي حد مع بنت بيخش يركن فيه يعملو اللي هيعملوه ويظبطو السايس ويمشو المهم ركنت فلفت نظري حاجه 💔 لقيتها ف عربية مع شخص بتعملو اللي اي بنت ركلام مشقوطه م اي نايت ممكن تعملو لشخص ف عربيته ف جراچ ضلمه انا مكنتش متأكد ان هي وقفت تنحت قدام العربيه لقيت الولا اللي معاها بيقولها اتعدلي عشان اتوتر م وقفتي قدامه وهنا اما اتعدلو عشان يظبطو هدومهم اتأكدت انها هي الولا لسه بيفتح الباب عشان ينزلي لقيتها اتعلقت ف ايده ومش عارف قالتله ايه الولا فرك العربية وطار وكان هيخبطني انا م صدمتي مكنتش لا عارف اتحرك ولا انطق حسيت بوجع جامد ميتوصفش ف جنبي بعد كده الوجع طلع لصدري مقدرتش اتنفس وحسيت بصداع واغمي عليا وقعت ف مكاني كل ده حصل ف دقيقه فوقت لقيت الناس ملمومه حواليا هما اللي فوقوني سيبت العربية واقفه مكانها ف الجراچ واديت للسايس فلوس بزياده قولتله هسيبها هنا لحد بكره وركبت تاكسي لحد البيت وروحت وانا حاسس ان روحي بتتسحب مني دخلت الحمام فضلت ارجع وانا بعيط وحاسس بنار بتاكل اعضائي م جوا جسمي ونمت ع نفسي وانا ف الحمام بعيط وم ساعتها وانا مش لاقيني تايه مش عارف اشتغل بقيت بخاف م الناس ونظراتهم ملامح وشي كليا اتغيرت مش قادر اكمل حياتي حاولت كتير انتحر بس فشلت مرتين افوق الاقي نفسي ف المستشفي اهلي طبعا ما سألونيش مالك شتموني وهانوني اني جرجرتهم ورايا ف المستشفيات بقيت كل يومين لازم اعلق محلول انا بالمعني الحرفي اتدمرت جسمي مبقاش قادر يستحمل تعبي النفسي انا بس طمعان ف رحمة ربنا انه ياخدني عنده ويخفف وجعي مش اكتر

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Ice Cream_71204 🇪🇬

منذ أسبوعين

شعور مكسور القلب

بالليل، لما الدنيا تهدى… وباب الأوضة يتقفل… تلاقي نفسك قاعد في الضلمة، بتسمع صوت دقات قلبك أسرع من العادي، وتحس نفسك بتختنق من كتر الأفكار. إيدك على وشك… مش عارف تمسح دمعة ولا تخبيها. الهدوم اللي كنت لابسها طول اليوم لسه عليك… كأنك ما كنتش موجود في يومك أصلًا. تفكر في كل حاجة كنت عامل فيها قوي قدا

Chocolate_65012 🇪🇬

منذ أسبوعين

شعور وحيد

احساس ان الواحد لوحده ملوش ضهر يجري يستخبي فيه دا مقرف جدااااا بجد مهما كنت قويه وبسند اي حد بس محتاجه سند فالاخر بنت بابا الله يرحمه مكنش بيدور وسايب كل حاجه لماما اه طلعت شخصيه قوي ويعتمد عليها بس وانا صعيره كنت مهزوزه جدااا ومكسوره اوي وااقل كلمه تهدني وفقررت اول مدخلت ثانوي اتمرد للنقيض واكون ح

Coffee_54538 🇪🇬

منذ أسبوعين

شعور محبط

Watermelon_65497 🇪🇬 يسبرك ويكرمك بي واحده احسن منهم بس انت غلطان انك تكمل في علاقة زي ده سبتك ورجعت تاني واتستك تاني ورجعت تالت وبردك سبتك انت غلطان انك تكمل البنت لما تعرف انك خلاص اتعلقت بيها كده اعرف ان العلاقه انتهت اول ماتعرف كده متقولش لي بنت اوعي تسبيني والكلام ده اياك انا لو مكانك اقسم بالله خليها تندم ندم السنين كلها ارجع ليها بس المراضي انت الي هتسبها واكسر قلبها زي ماكسرت قلبك ودوقها من نفس الكاس

عرض الكل 12 نصيحة

عبّر عن شعورك بشكل مجهول

مساء الخير 
فالاول بس حابب اوضح الشريط من اوله بختصار : 
كان ليا ٣ علاقات فالاول 
اول واحده استمرت ٧ سنين و فجأه و بدون مقدمات عرفت ان البنت اتجوزت 
تاني علاقه مطولتش بس البنت سابتني 
( بعدها حسيت انه خلاص مش هعرف احب تاني ) 
ف خدت الخطوه و رحت اتقدمت لبنت صالونات و اتخطبنا بس للاسف بعد الخطوبه بيوم البنت كلمتني و قالتلي تعالى خد حاجتك مفيش نصيب بينا و لما رحت اخد حاجتي كنت رايح بنية اشوف ايه المشكله و احاول اوصل لحد بس اتفاجت ان الباب مقفول بنسبالهم تماما و اهلها رافضين ان العلاقه دي تكمل … 
مرت سنتين كامله و انا مش عايز ادخل اي علاقه لحد ما قابلت بنت اسمها يارا كنت اعرفها عن طريق الشغل و بقينا صحاب جدا و فالوقت ده هي كانت بتحاول تنسى شخص كان في حياتها و انا فضلت واقف ف ظهرها و بساعدها تتخلص من الم العلاقه دي ،، 
اتطورت العلاقه بينا لحد ما هي قالتلي انها فعلا مبقتش تفكر فالعلاقه القديمه دي و ابنتدينا نقرب لبعض جدا لحد ما اعترفنا لبعض اننا بنحب بعض و فضلنا فتره مع بعض و انا قولتلها عن كل الي حصل قبلها و عرفتها اني خايف اتعلق بحد و يمشي تاني و اني هدي لنفسي اخر فرصه اني ادخل ف علاقه ف ياريت متخذلنيش و طبعا وعدتني ان ده مستحيل يحصل مهما حصل  
 لحد ما جت فجأه و قالتلي انها مش حابه تكمل فالعلاقه دي و بعدها انا تعبببت جداا و قررت ادخل مصحه نفسيه اتعالج و مده العلاج بتكون ٦ شهور .. 
عدى اول شهر و جت ماما تزورني و قالتلي انه يارا بتسأل عليا ف خليتها تكلمهالي و لما كلمتها قالتلي اني وحشتها جدا و تلقائيا لقيت نفسي بقولها ان هي وحشتني اكتر و اني مستني بس اقف على رجلي و هخرج اتقدم لها و اخطبها و طبعا خلال فتره العلاج ممنوع يكون معايا موبيل غير بعد الشهر الرابع ف كنت بستنى كل زياره كن امي عشان اتصل عليها و اكلمها لحد ما جيه يوم عيد الحب كلمت امي و قولتها هاتي لـ يارا هديه قالتلي تمام 
بعدها امي جالتي ورتني المسدج بعد ما هي كانت جابت الهديه و بتقولها انا عايز اقابلك عشان اديكي الهديه الي" انا" جبتهالها ردت عليها قالت لها 
يا طنط انا في حد هيتقدملي و مش هعرف اخد هديه منه و اصلا هو كل حاجه بينا كانت اتنتهت من قبل ما يدخل المستشفى 
و بعدها بفتره قليله انا اخدت موبيلي و بدات انزل ستوري ف لقتها بتكلمني و بتقولي هو انت خرجت ؟ ف قولتلها انه مظنش انه يفرقلك و كدا و عامةً احنا اخوات لما تحتاجيني ف اي وقت انا موجود لحد ما خرجت و قالتلي انها حابه تقابلني و اتقابلنا و قالتلي انه مفيش حد في حياتها و لا حاجه و ان هي مش عارفه ليه قالت كدا ،، و انا اصلا كنت متاكد انه مفيش حد في حياتها و فالوقت ده رجعنا لبعض تاني و اتقابلنا بعدها حوالي ٧ مرات بكل حب و ود و المفروض انه هتقدملها الايام الجايه بس فجاه قالتلي انه مش هنيفع تكمل معايا و حاولت افهم منها ليه طب ايه الي حصل معرفتش اوصل لأي حاجه و اتفقنا نفضل صحاب و ده الي حصل بس بعدها بأقل من اسبوع هي عملتلي بلوك في كل حته حتى على الاتصال و عدى شهرين و انا محاولتش اكلمها تاني 
بس امبارح حنيت لها اووووي و اتصلت عليها من رقم مش متسجل عندها و ردت عليا 
فضلت اسالها ليه عملتي بلوك مش اتفقنا نبقى صحاب ؟ قالتلي مش هينفع و الله !! 
طب فكي البلوك خلينا نتكلم ، لا و الله مش هينفع 
طب انتي ليه عملتي كل ده الموضوع كان خلصان من بدري ليه رجعتيلي مره و اتنين و تلاته !! 
قالتلي رد قاسي جدددا : 
قالت عشان انت مش شبهي 
و ياريت متكلمنيش تاني او تحاول توصلي 
و حتى صحوبيتنا انا مش عايزاها !!

انا بكتب كل الكلام ده لاي تعبان جدددا و مش طالب حاجه و لا عارف افكر اصلا عايز بس اشوف رأيي الناس ايه ؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_70287 🇪🇬

منذ أسبوعين

شعور مستنزف

موضوع:

إيه أكتر حاجة بتحاول تبينها للناس بس مش حقيقية؟

كنت دايما من انا عيلة في اعدادي ببين لاهلي اني شخصية مثالية و اضغط على نفسي عشان كنت فاكرة اني كدا ببرهم و عشان محطش عليهم حمل اكتر لحد ما صحتي ادمرت و نفسيتي من كتر الضغط الي حطيت نفسي فيه انا كنت لسا مراهقة مش فاهمة حاجة كان كل همي اني اعدي المرحلة الصعبة دي علي خير بدون ما اضيع نفسي زي ما بسمع عن

Jackfruit_65540 🇪🇬 انت مش لوحدك,ومتضغطيش ع نفسك كده نهائي عيشي مع نفسك ومتجيش أبداً ع صحتك النفسيه، انت ضغطي ع نفسك كثير وعملت اللي عليكي و زياده و ده مفهوم وانتي مش مسؤوله عن توقعات اهلك وحبك ليهم مش معناه انك تنسي نفسك واي حب حتى منهم لازم يكون غير مشروط (مش محتاج حاجه عشان يحبوكي) انتي تستحقي ترتاحي وتعيش ك بني آدم سيبك من قناع المثاليه واعملي اللي عليك بس وكلمي اي صحبه قريبه منك جدا وعبري عن مشاعرك كلها ليها

عرض الكل 5 نصيحة

Ice Cream_55489 🇪🇬

منذ 3 أسابيع

شعور مكسور القلب

موضوع:

إزاي العلاقات السامة بتسرق منك نفسك؟

العلاقات سامه كتير اوي يا اما حد بيعرفك مصلحه او حد نرجسي عايز ترضي له غروره ... انا سني صغير لكن تعاملت مع أسوأ ناس ممكن الواحد يقابلها خاين العيش والملح واللي بتاجر بالدين واللي بيحلف بالله عشان يوصل لمصلحته وهو عارف انه كذاب .. والفضحي واللي مبيسترش واللي عايز حاجه منك ... بقيت بحس نفسي جذابه الع

Biscuit_67212 🇪🇬 ربنا يهونها عليكي ويريح قلبك ويزرع السكينة جواه استهدي بالله أنت مش عارفة الخير فين يمكن ربنا مرتب ده كلو عشان يخليكي انسانة قوية في المستقبل

عرض الكل 4 نصيحة

Sugar_49832 🇪🇬

منذ 3 أسابيع

شعور متعب

Apple_69016 🇪🇬 مككنزتهدي كدا وتهدي كدا وتعالي اتكلمي وطلعي لي جواكي انا تهالي اتكلم معايا ولبيش تعيط اصل دموعك غليه انا ترف اني الموضزع صعب عليكي بس انتي محتاج شويا اهتمام منهمزبس ممكن تكلمي ونحكي ونتوصل واناممكن اسعدك في حال الموضوع

عرض الكل 25 نصيحة

عبّر عن شعورك بشكل مجهول

من اقل من ساعة خلصت اصعب حالة انهيار تحصلى فى حياتى 
اول مرة اعرف تاثير المشاعر الكتيييير اووووى و دموعى اللى مش بتنزل 
كانت شوية خنقة وقاعدة فى اوضتى ابى جه قالى اعمليلى شاى 
دخلت المطبخ حلف عليا ما هخرج غير لما اكل عملت ساندوتش صغير بس معجبوش الساندوتش زعقلى عشان اعمل غيره وكانت لحظة..... عيط.. عيط لدرجة نفسى واقف مش قاادرة اخده... واقفة قدام ابى كل حتة فيا بتترعش بعيط قداامه وبشهق وهو بيزعقلى عشان اكل 
كنت مصدووومة من تفاهة الموقف.. اصل ليييه 
امى دخلت عشان تقوله وطى صوتك اعمل اللى تعمله بس وطى صوتك... مش عشانى لا.. عشان الجيران عشان محدش يسمع 
ابى وقف قدامى ورمى الكوباية اللى فى ايده فى قلب الحووض ومن حيث لا ادرى بقيت بعيط من السهر وبقيت بفكر عكس ما هما عايزين من السهر وبقيت اكلى قليل من السهر 
ايه علاقة دة بدة معرفش 
امى دخلت عملت ساندوتش غيره حطته فى ايدى وقعدت قدامى تتفرج علياا.. كل اللى قالته ابوكى عملك ايه يعنى امال لو كان ضربك.. اقسم بالله ما فكرت تطبطب عليا حتى ما قربتش وقفت تتفرج... بتتفرج علياا وانا حاسة النفس اللى بيخرج منى مش هيرجع تانى.. ابى خرج يتفرج على المسلسل عادى جداا ويضحك 
انااا مكنتش عارفة بعيط لييه... بس ياا خلق مفيش حضن 
مفيش كلمة واحدة تهدينى 
كسرة خاطر وحرقة وقهر بس ولا فاارق.. اصل لازم اقولهم انا بعيط عشان كذا وقتها يقرروا اذا كان الموضوع يستاهل او لا
قمت اوضتى عشان امى تدخلى قومى ظبطى هدومك عشان الفرح.. اصل فرح ناس قرايبنا هنا والناس هناك عيشيتهم مرتاحة فامى هتاخدنى معاها وامى بايدها هتحطلى ميكب عشان اروح وناس كتير تعرفنى فيتقدملى عرسان كتير فنرفضهم عشان انا لسة صغيرة 
تفكير من عمق المرض 
اناا مش عارفة اقوول ايه... مش اول مرة دموعى تخونى واعيط قدامهم.. بس اول مرة انهاار كدة مصعبتش عليهم حتى 
دة لو وااحدة غريبة بتعيط قدامهم كدة هتصعب عليهم.. ليييه 
اناا عملت ايه لكل دة..اقسم بالله انا ما بطلب منهم بسكوتة حتى 
مش عايزة اكتر من انهم يسيبونى فى حالى 
المشكلة انى فعلا مكنتش متواقعاها منهم خااالص مع ان مش اول مرة امى تطنش دموعى بس انا كنت بمووووت 
ابى خرج وسابنى 
لازم دلوقتى هروح الفرح وهضحك غصب عنى عشان لو معملتش كدة هروح البيت اشوف ايام سواد زى ما امى قالت 
من زمان وكل حاجة ابدا الاقى راحتى بيها مجرد ما اتمسك بيها لازم يثبتولى ان القرار ليهم فمش بايدى 
كل محاولة كان بعدها كسر ودلوقتى حتى دموعى بتحاسب عليها......

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Marshmallow_69067 🇪🇬

منذ 3 أسابيع

شعور مستنزف

من كام يوم كنت في الشارع وكنت منهكة جدا من يوم طويل اوي ومكنتش عارفة اخد نفسي وعايزة اعيط كنت وسط الناس لحظتها رفعت راسي للسما بكل ضعفى ومتكسفتش او مكنتش حاسة بوجود الناس اصلا رفعت راسي بأخر قطرة طاقة موجودة عندي كنت بوري ربنا ضعفي وبترجاه بعيني وبقلبي وبكل كياني ان كل دا يخلص كل دا يخلص..

Apple_68085 🇪🇬

منذ 3 أسابيع

شعور آسف

انا علي حافة الانهيار انا 38 سنه حياتى ادمرت طلقت وشغلي قفلته وعليا ديون ونفسيتى اتدمرت واهلي بنسبه كبيىره هم السبب ف اللي انا فيه بجد تعبت كفايه بعدى عن ولادى واشتغلت عند الناس بعد ما كنت صاحب شغل بجد نفسي اخلص من حياتى مش قادر استحمل كل ده كتييير قوى

Apple_64761 🇪🇬

إحساسي بالفشل والبعد عن هدف وجودي في الجنة

إنى اخرج من الحياة وأحس أن اعمال وافعالى كلهاء هباء منثور وفساد ومقدرش أحقق هدف وجودى ووجود الكل وهو انى اكون ف الجنة برحمة ربنا وقربى منه قدر المستطاع باقى المخاوف الرزق والاهل والحياة واى اختبار ثانويات مقدر لها ما ستقع وانا عليا السعى فقط ...عرض المزيد

0 الدعم

0 نصيحة

Hazelnut_72929 🇪🇬

تعبت من علاقة سامه وقلقانه خايفة من الرعشه بالليل

السلام عليكم انا اول مرة ادخل الابلكيشن دا بقالى فترة طويلة اوى ف تعب وارهاق بسبب علاقة سامه مع نرجسى وبحاول اتعافى لكن انا مش عارفة قلقانه خايفة مش بعرف انام بقى يجيلى رعشة كدا ف رجلى بالليل مبنامش بسببها بتخلينى عاوزة اقطعها ولعياذو بالله انا خايفة اوى بجد ومش عارفه اعمل اى ...عرض المزيد

2 الدعم

26 نصيحة

Marshmallow_74240 🇪🇬

خايفة من رد فعل أهلي على خطوبتي من سعودي

السلام عليكم انا عمري ١٧ ومن يوم ماكان عندي شهرين بابا اخدنا معاه السعوديه عشان شغلو وعشت هناك حياتي كلها ولسه جايه من شهر عشان جامعتي بس انا هناك كنت بتعامل معاهم كتير وتعلمت لهجتهم وكدا وكنت اسوي صداقات اونلاين مع البنات سواء سعوديات او مغربيات او يمنيات او غيرو بس بالصدفه تعرفت على ولد عمرو ٢٣ مش عارفين بعض من زمان اوي يعني يمكن ٦ شهور او اكتر وحبينا بعض وهو فعلا عايز يتقدم ليا وانا واثقه فيه مرا بس خايفه من اهلي اصلا ازاي حشرح لهم او ازاي حيجي يتقدم وفيه بيننا اختلافات بالذات ان جنسياتنا مختلفه هو سعودي وانا مصريه وخايفه مايوافقوا واحنا تعلقنا ببعض هو حرفيا مستعد يستناني اربع سنين او خمسه بتوع الهندسه اللي حدرسهم مدري ايش اسوي اسيبو عشان مش نتعلق ببعض اكتر ونهايتنا مش معروفه ومش مضمونه ولا اتفائل هو بيشتغل وحالتو الماديه مش واو يعني لا عاديه جدا و قال انو عايز يكلم اهلو عشان يقولهم انو عايز يتقدم ليا بس المشكله ايه الطريقه؟ هو بابا لسه بيشتغل هناك واحنا جينا بس عشان الجامعات بتاعتي انا واختي وبابا حيجلس هناك لحالو واحنا حنروحلو في الاجازات فهو قال ليا لو جيتو في الاجازه حجي اتقدم بس مش عارفه ازاي اصلا وهل دا عادي ولا لازم يجي مصر؟ و احنا اصلنا من قريه ريفيه واهم حاجه السمعه بالنسبالهم منجد متلخبطه ...عرض المزيد

1 الدعم

5 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع