مش موافقه نتكلم غير لما يجي يتقدملي!

Question

من كام يوم فى شخص دخل كلمنى يتاكد ان انا اللى شافها من 8 شهور ولا لا ولما اتاكد قالى انه معجب وعايز يتقدملى بس مش دلوقتي عشان هو بيشتغل والشغل فى دبى ومش هينزل غير على عيد الاضحى يعنى بعد سنه ومش هيتقدملى دلوقتي بس عايز يكلمنى لحد ما ينزل وهو صادق مش بيتسلى عشان كلم حد وسأل على العيله وكمان كلمنى على عيلته و وضعه وشغله و قعد يحلفلى كتير انه هيتقدملى بس لما ينزل بس انا مش موافقه نتكلم غير لما يجي يتقدملى 
انا كدا صح

Apple_63879 🇪🇬 · Accepted Answer

انتي صح ، ولو هو انسان سوي وعايزك فعلا هيتبسط من ردك ، لانه هيقول جوا نفسه ان مش اي حد هيخش يقولها ان عايز يتقدم بس عنده ظرف هتكلمه فتره ويا يجي فعلا او لا ، انتي صح اعتمدي

Orange_61792 🇪🇬 · Answer

ايوة صح ،ع الاقل يكلم اهلك يعرفهم انه موجود و عاوز يتجوزك ،و انه هيخطبك رسمي لما ينزل ،لكن لازم اهلك يكونوا ف الصورة

Kiwi_46314 🇪🇬 · Answer

صح امشي صح تكسبي 
او خدي راي والدتك

Watermelon_62856 🇪🇬 · Answer

ايوه انتى صح واوعى تتنازلى عن مبدأك 
اعملى بلوك من غير اي كلام وابعدى 
وهوا لو عايزك هيبعت حد يتكلم مع باباكى ويخطبك حتى لو هوا مسافر

Strawberry_65052 🇪🇬 · Answer

اعتبريها خطوبة واعرفي طبعه ايه عشان لو معجبكيش من بابه تقلبيه وع فكرة المغتربين اللي زي حالاتنا بيبانو اوووي ف الغربة عن بلادهم

Banana_49508 🇸🇦 · Answer

يعني من كل اللي شافتهم عينه وعرفهم وجيرانه وقرايبه  اختار واحده يتجوزها لا شافها ولا يعرفها وتصدقي

Cherry_58642 🇪🇬 · Answer

فكرت البلوك دى هيفتكر ان مش عايزه 
هو مستنى ينزل ويكلم اهلى بس مشكلته ان مش قادر يبقا بعيد ومايكلمنيش

Kiwi_42200 🇪🇬 · Answer

اسبوع بظبط اتكلم معاه وقولي ليه ابعت ممتك أو اتقبلي انتي وهيا بره

Cherry_58642 🇪🇬 · Answer

لا هو شافنى مره ومن ساعتها حاول يوصل ل اي حاجه عنى بس معرفش  وبالصدفه شاف الاكونت بتاع الانستا ودخل يتاكد انا ولا لا واصلا احنا من بلد واحده بس هو شغله هناك

Cherry_58642 🇪🇬 · Answer

كلمته وعرفت طبعه وهو عرف طبعى يبقا خلاص مانتكلمش تانى غير لما يكون فى حاجه رسمى بينا

Hazelnut_64540 🇪🇬 · Answer

اتكلمي من غير تجاوز المهم يكون في حواجز

Banana_49508 🇸🇦 · Answer

انا فكرت انه عرفك علي التطبيق ده اسف علي سوء الفهم

Cherry_58642 🇪🇬 · Answer

هو فكر يكلم اهلى بس مش هينفع لازم يكون موجود

Cherry_58642 🇪🇬 · Answer

ازاى

Cherry_58642 🇪🇬 · Answer

انا بقول يستنى على العيد عشان هكون داخله تالته كليه لان بابا بيرفض ان اتخطب اكتر من سنه

Hazelnut_64540 🇪🇬 · Answer

اتكلمي معا عادي وا اعرفي شخصيته وو حولي تختاري اتقلي الكلام دا ما في عشان تعرفي كويس 
وا لو هوا شاري هيجي يخطبك 
وا لو بيلعب هيبعد
هوا انا الي اقلك يعني 🤣🤣🤣

Cherry_58642 🇪🇬 · Answer

اتكلمت معا وفهمت شخصيته وهو عرف شخصيتى بس انا حاسه من نحيتى فى قبول

Cherry_58642 🇪🇬 · Answer

مش قريبه منها عشان اقولها على موضوع زي دا والصراحه احنا صعايده وطبعا محدش بيقبل على بنته تكلم حد ومافيش حاجه رسمى بينهم

Hazelnut_64540 🇪🇬 · Answer

خلاص اتعرفه 
وا تكلمه الإنسان بيبين احسن ما في قدام الي بيحبه في البدايه

متكنيش متسرعة وا احكمي بعقلك لحد ما يخطبك احكمي بقلبك بعدها با

Kiwi_46314 🇪🇬 · Answer

يبقى خلاص متمشيش فطريق غلط هو لو سالك هيكلم اهلك وبس

Cherry_58642 🇪🇬 · Answer

هو لو عليه يكلمهم من بكرا بس خايف يترفض وخصوصا ان مفيش قرابه بينا

Kiwi_46314 🇪🇬 · Answer

ده كله كلام يستي قوليله اتقدم واترفض وشوفي ازا هيعمل كدة هتلاقيه بيقولك مليون عذر والله

Cherry_58642 🇪🇬 · Answer

يعتبر عرفنا بعض 
بس انا قولت الخطوبه بتتعمل عشان نتعرف ف لما يخطبنى يتعرف براحته

Hazelnut_64540 🇪🇬 · Answer

صح دا انتي كدا عرفه هتعمل اي ربنا يوفقك يا رب

Cherry_58642 🇪🇬 · Answer

قالى ان مابيدخلش البيت مرتين ولو اترفض مش هيتقدم تانى وهو الصراحه حلفلى ان مش بيتسلى وعايز يتقدم بجد

Kiwi_46314 🇪🇬 · Answer

واضحة يكرزة وده مش مبرر بجد ممكن تقوليله انك هتستنيه لو هو حابب على ميجهز لكن كلام معاه لا حافظي على نفسك انتي غالية

Cherry_58642 🇪🇬 · Answer

هو جاهز بس انا اللى لسه معايا 3 سنين كليه عشان كدا خايف يترفض والصراحه مش عايزه اخسر حد بيحبنى كدا وانا الحمدلله عارفه الصح من الغلط عشان كدا مش هكلمه تانى

Kiwi_46314 🇪🇬 · Answer

ربنا يوفقك ويزرقك الخير

Coffee_65065 🇪🇬 · Answer

صح جدا ...  ع الاقل والدته تزوركم اذا جاد

Watermelon_62856 🇪🇬 · Answer

قولتله انكم مش هينفع تتكلمو غير لما ياخد خطوه وانك هتعملى بلوك