أنا بنت عندي 22 سنة وكنت رافضه الجواز رفض قطعي وكنت عايزه اسافر أو اعمل اي حاجه مهما كانت بسيطه انا شايفاها افيد ليا من الجواز .. جالي عريس صالونات سنه 37 سنة وأنا كنت رافضه رفض قاطع وشوفته مرتين وفالمرتين انا كنت ناويه ارفضه بس كنت محرجه من الوسيط لحد ما جت المره التالته اللي وانا طالعه من البيت قولت خلاص هشوفهم المرادي علشان اتفقنا وهرجع اكلم الوسيط اقول محصلش نصيب وصليت استخاره وطلعت اقابلهم والله فالمقابله مقالش غير سؤال واحد وانا رديت عليه وبس متكلمناش خالص الاهل هما اللي كملوا كلام سوا .. أنا كنت طالعه من البيت مش طايقاه ولا طايقه الطلعه وكنت راسي وألف سيف ارفض بس رجعت من الطلعه عايزه اتجوزه بالكتير بعد شهر .. استغربت التغيير الرهيب اللي حصل لأن ازاي اتحولت من واحده بتكره الجواز ومن واحده رافضاه هو شخصيا لواحده فعلا عايزه تقرب منه لدرجة الجواز .. المهم بقى سؤالي انا علي طول شاغلني فكرة السن لأن 15 سنة مش فرق قليل حتي تأجيل الخلفه هيكون فيه ظلم ليه ولكن من ناحية التفكير فهو فاهمني وقريب مني .. بس برضو مكنتش هتنازل عن مستوى التعليم ولكن هو برضو اقل مني مستوى تعليم ومتقبله دا بس هرجع وافكر في اني احيانا بقول ضيعت نفسي واحلامي بس في نفس الوقت انا عندي مشاعر ليه ومش عايزه اسيبه اعمل ايه ؟! انا عارفه ان كلامي متلخبط ولكن مش عارفه ايه خلاني اغير رأيي مجرد بس خايفه اكمل كل احلامي تتهد او بعدين اندم للتنازلات بس هو شخص مريح جدا ليا ولطيف وفاهمني .

0

6