مش قادرة أذاكر وعاوزة أنام كتير في ثانوية عامة

Question

انا بقالى فتره كبيره مش بذاكر كويس خالص والمصيبه انى  فى  ثانوية عامة ودايما عاوزه انام حتى لما بصحي من النوم ببقي عاوزه انام تانى وانا حرفيا بنام في اليوم اكتر من ١٥ ساعه ورغم ذلك ببقي عاوزه انام وكل لما اجى اذاكر ابقي كسلانه ومش قادره خالص وحاسه بتعب جامد ودلوقتي قلب معايا لو منمتش كتير ابقي مصدعه جامد وجنبي بيوجعنى وفوقات بحس بنغزات ومش عارفه ده من ايه حد يعرف

Potato_48657 🇪🇬 · Accepted Answer

بصي متاكليش حجات كتير من السوبر ماركت اندومي و الحجات دي و لما تيجي تاكلي اكل بيتي متاكليش اكل كتير عشان ده هيخليكي عايزه تنامي الافضل تعملي سلطات و كدا و كمان اعملي تمرينات بسيطه او اخرجي اتمشي و اتفرجي علي فيديوز تحفزك تذاكري و ان شاءلله تبقي افضل

Pineapple_27730 🇪🇬 · Answer

غالبا حسد 
خلى حد من أهلك يرقيكى

Pineapple_47614 🇪🇬 · Answer

انا كان بيحصل معايا كده بس الحقيقه كنت ببقى بهرب من التفكير و المذاكره باحساس النوم حاولى تغيرى جو المكان الى بتذاكري فيه و خرجى نفسك من فكره انك ف ثانوية وانها نهاية الحياه عشان المجموع بحيث تفرفشي و تفوقى  وربنا معاكى و يوفقك يارب انتي وكل الى معاكى

Biscuit_46761 🇪🇬 · Answer

دا حسد

Pineapple_45749 🇪🇬 · Answer

غيرى المكان إلى بتزكرى فى وجربى زكرى فى يوم بره البيت وابعدى عن السرير وانتى بتزاكرى وابعدى عن اى حاجه تخليكى تحسى بالنوم

Strawberry_42174 🇩🇿 · Answer

شوفي يا حبيبتي حاولي تحسني من عداتك كولي اكل صحي اعملي شوية تمارين اطلعي برا شوية شمي شوية هوا واهم شي حاولي تحافظي على صلاتك بوقتها فهمتي يا عمري ؟؟
خصوصا الفجر لانك تضطري تقومي الصبح بكير 
انا مثلك كان عندي مشاكل بالنوم لكن من يوم وانا احاول انظم صلاتي الحمد لله تنظمت حياتي معها ✨✨💖💝