تالته ثانوي ومش قادرة اذاكر - عندي برود مش طبيعي

Question

جماعه انا تالته ثانوي بس فعلاً أنا مش قادره اعد اذاكر او افتح كتاب وعندي برود مش طبيعي بجد احيانا بنسي أني تالته ثانوي مع العلم أنا كنت شاطره جدا في اولي وتانيه ثانوي وديما كنت من الاوائل وكنت ممكن اعد اذاكر 5ساعات عادي بس دلوقتي أنا بقيت بحس اني معنديش هدف علشان اتعب علشانه مع العلم بردوا أنا حاطه في دماغي كليه وعيزاها جدا ويوم بقضيه في النوم او تأنيب الضمير علشان مش بذاكر

Coffee_27700 🇪🇬 · Accepted Answer

اكتبي هدفك في ورقة وغيري روتين يومك. يعني مثلاً اصحي الفجر ذاكري وابعدي عنك الموبايل واي مشتتات. وحطي جدول قبل ما تنامي بكل اللي عايزه تعمليه بكرة وادي لنفسك درجة اخر اليوم على اللي حققتيه وفي آخر الاسبوع كافئي نفسك

Potato_27813 🇪🇬 · Answer

ممكن تتجاهلي فكره انك في تالت ثانوي و تركزي علي المذاكره بس و ابدأي كده ذاكري حاجات صغيره كل يوم لحد ما ترجعي تاني تعرفي تذاكري كويس

Orange_31379 🇪🇬 · Answer

حطي هدف انك تفرحي مامتك وباباكي ادامك دايماً وان هما تعبو وصرفو لازم تعوضيهم وتفرحيهم والله هتفرق
أنا عديت بكدا وفاهم

Tomato_30792 🇪🇬 · Answer

بصي قريبي من ربنا ابدائي ذاكري واحده واحده كل ده هيرجع زي الاول واحسن كمان بس لازم تقربي من ربنا

Potato_31745 🇪🇬 · Answer

عشان انتي حسه انك تعبتي بس محتاجه تعملي حاجه جديده تسعدك وتقاومي نفسك عشان تحققي الي نفسك فيه بعد كده احيانا الواحد شيطانه بيغلبه بس لازم نقاوم واليوم الي بيروح مش بيرجع ربنا يهديكي ويوفقك حاولي تعملي رياضه تخرجي شويه لو حسه انك مضايقه اعملي اي حاجه لطيفه تغير مودك صلي وقربي من ربنا ❤️ ربنا يوفقك يارب 🤲

Marshmallow_32267 🇾🇪 · Answer

انتِ ممكن تصحي بنص الليل تدعي وتصلي قيام، ويكون الجو هادىء وتحاولي تمسكي الكتاب وتقري فيه، وممكن تستعيني ببرامج تساعد على المذاكره اكثر، وربنا يوفقك 💞

Olive_32255 🇪🇬 · Answer

الحوار صعب بجد مع اني الحمدالله منتظمه في الصلا وقراءة القرآن بس فعلاً بحس كتير أني غبيه أوي مش عارفه ليه فجأة بقيت بحس أني غبيه والناس كلها اشطر مني واني مش هجيب مجموع

Olive_32255 🇪🇬 · Answer

عملت كدا والله أكتر من مره حتي لما بصحي الفجر بقوم اصلي الفجر وافضل اعده قدام الكتاب عادي بالتلات ساعات من غير ما ابص فيه بس اعده كدا

Marshmallow_32267 🇾🇪 · Answer

فداك المواد وثالث ثانوي، المهم صحتك

Croissant_32277 🇪🇬 · Answer

والله لو حطيتي هدف او حلم هتلاقي نفسك بتتشجعي وبتذاكري

Orange_31379 🇪🇬 · Answer

ما انتي تخطي الأفكار السلبية الي بتجيلك دي هترتاحي وكويس انك محافظة علي الصلاه ربنا يثبتك ويوفقك

Blueberry_30035 🇪🇬 · Answer

مفيش حد ناجح بيفشل ..
انتي بس يمكن مضغوطه أو افكارك محاوطاكي و طاقه سلبيه مش اكتر صفي ذهنك و اعملي نوت كدا و اكتبي هدفك و جددي شغفك و ابدأي الفجر اصحي و صلي ع طول و اعملي حاجه تشربيها و متديش فرصه لعقلك انو يفكر ف حاجه غير هدفك دا الاول هتجبري نفسك بالعافيه بعدين هتبتدي تتعودي انو لأ نا ف مسؤوليه ولازم ابقا قدها ..وانتي قدها يكتكوته 💗

Onion_32306 🇪🇬 · Answer

انتِ عايشة في الماضي بتاعي وحاليا ندمت فعلا اني ضيعت الوقت ده ومذاكرتش فيه بس الحمد لله 
فالثانوية العامة خليها بالنسبالك فرصة وتحدي هل هتقدرى فعلا تفوزي فيها والخصم هنا هو نفسك والهدف مش النتيجة الهدف انك تروحي الامتحان مخلصة منهجك وقايلة اذكارك ومرتاحة إنما النتيجة دي مش بتاعتنا دي فرصة وطبيعي مش لازم تكوني مرتاحة وانت بتذاكري هتغصبي نفسك عالمذاكرة

Onion_32306 🇪🇬 · Answer

وأهم شيء قبل ما تنامي اكتبي اللي هتخلصيه بكرة واصحي اشربي مشروبك وابدأي خلصيه 
وكافئي نفسك 
وتوكلي على الله 
وربنا يوفقك