أنا النهارده رحت وقابلت صحابي، زي ما قلت قبل كده. أنا عارفة إنهم مقدّرين اللي أنا فيه، ووحدة منهم كمان عاشت نفس الموقف، بس حاسّة إنهم مش حاسين بنفس الإحساس اللي جوايا. أنا أول ما شُفتهم، كان نفسي أعيط. أنا أصلًا كنت بمهد نفسي لليوم ده. عارفة إنهم مقدّرين، بس مش حاسين أنا جوايا إيه. ولما حكيت، حسّيت إنهم مش عايزين يضيعوا الخروجة، عايزين يتبسطوا وخلاص. طيب تمام، ما أنا كمان نفسي أتبسط، والله. بس مش عارفة. مش عارفة أعمل إيه، حاولت، وبرضه مش قادرة. حسّيت إنهم مش عايزين يسمعوا اللي جوايا، أو بالأصح مش مديين اهتمام، علشان عارفين إن بعد كام يوم هارجع زي الأول. بس طيب… أنا مش عارفة أرجع زي الأول. أنا جوايا بركان، والله، مش بيطفي. بقالي شهر في الوضع ده ومش عارفة أخرج منه. ماشي، كله هيعدي، بس أنا تعبت بقى.

8

36