انا حد خجول جداً فضلت احب واحدة مدة ٤ سنين من بعيد ونظرات فقط لحد ما جاتلي فرصة انها احتاجت مني شغل وخدت رقمها وبقينا نتكلم بس كلام عادي يعني وانا التزمت في الفترة دي فبعتلها مع واحدة قريبتها تسألها عن رأيها اني اخطبها وفعلا كانت هي كمان اتعلقت بيا. لكن كان عندي تحفظ على لبسها وكلمتها فيه واتفقت معاها هنقطع تليفوناتنا علشان كدة حرام وهي هتغير لبسها وانا هروح اخطبها وده عجبها جدا المهم فضلت اشوفها من بعيد وأطمن عليها ومنتظر تغير لبسها لكن ده محصلش ولكنها فضلت مستنياني اروحلها وانا مقدرتش اخطبها باللبس ده المهم بعدنا عن بعض لكنها فضلت في قلبي وقولت البعد هينسي وتزوجت واحدة قريبتي بتحبني ملتزمة وحافظة القرآن وكدة وقولت اكيد هحبها مع الوقت ولينا ٥ سنين متزوجين ومعانا بنوتة وفي ولد في السكة. المشكلة اني لحد الآن لا زلت بحب الأولى ومش عارف أنساها رغم ان بعادنا له أكثر من ١٢ سنة بتعذب ونفسي اعرف انساها ومش عارف أعمل ايه

9

4