أول حب

Strawberry_65245 🇪🇬

منذ 5 أيام

شعور مكسور القلب

انا عندي 20 وحبيت بنت وانا في الإعدادي بقالي ست سنين بحبها ونفسي اقولها اني بحبها مش علشان اكلمها ولا حاجه من ده علشان عاوز حد يحس بمشاعري ومش عاوز اقولها حاجه علشان حرام بس المشكله انا بقعد افكر فيها كل يوم حتي لو مشفتهاش لمده شهور من شهر كده بعتلها علي تطبيق الصراحه المح اني بحبها ولمحتها بكلام عل

Watermelon_56734 🇪🇬

منذ 6 أيام

شعور محبط

انا شاب في رابعه جامعه كان معايا وحدة في تانية ثانوي شفتها و حبيتها حاولت اكلمها وهيا رفضت هيا مش بتحبني لاكن انا لحد دلوقتي مش قادر اشيلها من دماغي رغم اني عرفت بنات كتيره في الكليه و حلوين لاكن كانت ديما علاقتي بيهم علاقه بارده مش عارف اعمل ايه انا حرفيا كل يوم افتح صورها و ديما ف دماغي كل دقيقة

Apple_35241 🇪🇬

منذ 6 أيام

شعور مستنزف

انا لاسف حبيت بنت وانا في ٢ كلية وعرفت بعدها كتير اوي لكن هيا معرفتش انساها او ابطل احبها ظلمت بسببها كتير مش عارف اعمل ايه بجد عشان مظلمش حد تاني وانا دلوقتي ٤ رابعه يعني عدى سنتين وعوز اخطب بس مظلم٧اش معايا

Apple_64598 🇪🇬

منذ أسبوع واحد

شعور مكتئب

اعمل ايه لو انا في علاقه مع واحده اكبر مني ب٦سنين وانا لسه نش جاهز بدرس قولت لها بلاش تظلمي نفسك معايا قالت ملكش دعوه انا مستنياك وهي بسم الله ماشاء الله جميله مووووت وبيجيلها عرسان كتير وبترفض عشاني واهلها ضاغطين عليها وبيعملوا الجواز علي اساس انه سوق فيه عرض وطلب وهي صابره وعلاقتنا اجمل ما يكون قد

Lemon_64500 🇪🇬 للأسف الموضوع صعب يكمل مش بسببك ولا بسببها لكن هي صعب تفضل ترفض كتير و أنت صعب تتقدم دلوقتي و فوق ده كله ممكن يتكلمو عالسن ف اللي هو هيشوفوك مش جاهز و صغير برضو كتر خيرها برضو أنها بتحاول توفي على قد ما تقدر و أنت برضو علشان عايز الموضوع ينجح لكن الواقع صعب للأسف ربنا يجمع بينك و بينها ف خير يارب اللهم آمين

عرض الكل 4 نصيحة

Avocado_64142 🇪🇬

منذ أسبوع واحد

شعور مكسور القلب

موضوع:

انفصلت عن حد ولسه بتحبه؟ ولا الوقت فعلاً بينسي؟

عبّر عن شعورك بشكل مجهول

لاول مرة اتكلم عن الموضوع دا من فترة بس للاسف دا الموضوع اللي موقفني بقاله كتير هي اللي سابتني للاسف بس الموضوع مكنش كدا لاني ولاول مره اتكسر بالشكل دا عدي عليا بنات كتيرة بس دي كانت اكتر واحده حبيتها أو ممكن تكون الوحيده اللي حبيتها الحكايه بدت لما اتعرفنا ع بعض ف نفس الشغل المهم كنت بعملها شادوينج للشغل وكدا وبعرفها ع الشغل مع الوقت مكنتش حاسس بحاجه نحيتها بس تصرفاتها معايا وكلامنا كل يوم لدرجه ان ف مره كلمتني وقعدنا ست ساعات بنتكلم كل شويه بتبين قد ايه هي معجبه ومع الوقت اعجبت بيها مش هكدب كانت حلوة و دمها خفيف يعني الفتاة اللي مناسبه ليا فكرنا مش شبه بعض بس اهو ممكن التغيير هو اللي يخلينا منملش من بعض اعترفتلها مش هكدب انا الاول لاني حسيتها مش هياخد الفيرست ستيب و بما اني حاسس نفس احساسها قولت ليه لا انا اللي اتكلم مع الوقت كانت ايامنا سوا حلوة خروجات وكلام وشات كل حاجه تقول أننا هنكمل بس لحد ما كل لما اكلمها ع حاجه إذا كان طريقه كلامها مع الولاد أو اي حاجه تقولي دي طريقتي ودي عيشتي مع انها العكس وانا محترم دا لوحدي اصلا قطعت كل علاقتي باي بنت ف حياتي عشانها مع الوقت واحنا بنتكلم كلامها عن الاكس بتاعها وخروجاتهم حتي الصور اللي ما بينهم والشات كله لسه موجود لما سالت قالتلي انت بتفتش ورايا مع اني شوفت كل دا صدفه لما كنا بنشوف حاجه ف تليفونها سوا ظهرت مره واحده عديت كل حاجه وعديت مره واثنين وتلاته معرفش ايه جرالي بس بحبها لحد ما جات قالتلي نسيب بعض طب انا غلط في ايه معاها بتقولي تستاهل حد احسن طب انا عايزك ملكيش فيه عايزك مش عارف اختفت مره واحده وبعدها كل شويه لما تحب تخرج تكلمني المشكله اني كنت المفروض اقول لا بس أخرج معاها من غير ما افكر بقت ضامنه اني مستنيها في أي وقت عارفه اني مستحيل ابص لحد غيرها ومع الوقت قولت خلاص لازم اخرج اشوف ناس اقابل بنات احلي واحسن كمقياس اللي صحابي بيقولهولي ومش يرضي اخد قرار ف علاقه تانيه دايما مبرراتي انا اسف مش حاطط الموضوع في دماغي انتي زي اختي انا والله عايز اركز ف مستقبلي بس انا بضحك ع نفسي انا مستنيها هي لحد من شهر رنت عليا سته الصبح ورديت قالت عرفت انك هترد وقعدت تتكلم ولما حست انها مش عايزاني قفلت ومبقتش تكلمني من وقتها عارف اني في منظور ناس معنديش كرامه بس بجد بحبها كل شويه اشوف صور ليها خروجات أو مثلا شلتها واشوف ناس بتتكلم معاها طب انا عملت ايه طيب ايه خلاني ابقي ف الزووون دي ليه مش عارف اطلع انا كنت واعد نفسي مكتبش حاجه ومع اني واخد جوايز من وانا صغير ف الكتابه هي الوحيده اللي خلتني اخاف الوعد دا واكتب ولاول مره اكتب لحد من قلبي ليه الشخص اللي رجعني اكتب يبقي السبب اني حتي مكسل اقول حرف أو اتكلم جربت ادخل علاقه تانيه بس تاني يوم قولتلها اني مش قادر وبجد هظلمك جربت ادخل عالم خاص بيا اروح الجيم العب اونلاين مفيش فايده دايما ف بالي ودا مش حتي واحد ع مليون من اللي عايزه هل هي مستغلاني ولا انا ظالمه وبجد مينفعش نبقي سوا مش عارف حاجه ومش عارف ارد ع حاجه

Mango_61560 🇪🇬

منذ 4 أسابيع

شعور لا مبالٍ

موضوع:

اى الخيانه إلى اتعرضتلها أو اتعرضتيلها ؟

اتعرفت علي شاب من الفيس بوك وهو محترم جدا وهو اكبر مني ب5 سنين تقريبا المهم اتكلمنا فتره مش كبيره اوي و انا اتعلقت بيه جدا كنت فكراه اني بحبه وهو قالي مش هسيبك متاخفيش عشان انا عندي خوف من ان حد يسبني قجأه المعامله اتغيره هوا لسه محترم وعمره ماغلط في الكلام بس الاهتمام اختلف خالص كنت بستني بالساع

Donut_54673 🇺🇸 بتمنى كلامي تسمعيه بعقلك قبل اذنك اي علاقة ‏بدايتها ما بترضيش ربنا ‏نهايتها مش حترضيكي اتركيها لربنا وربنا اكرم عليكي من نفسك ويمكن ربنا يكرمك بحد احسن منه لانك تركتي دا الانسان لترضي الله انا عارف ان الموضوع صعب لان صار في تعلق شوية بس معلش اضغطي على نفسك وصدقيني فترة وبتمر و إن شاء الله يتصيري احسن بكتير وبتطلعي من التفكير بدي العلاقة انا مجرب التعلق وعارف اشتغلي على نفسك وقوي علاقتك بربنا

عرض الكل 5 نصيحة

Chilli_60301 🇪🇬

منذ شهر واحد

شعور ضائع

انا عشت طول عمري مليش في الارتباط والحب والبنات خالص علي عكس صحابي.. لحد ما جات سنة 2014 وحبيت وارتبط لأول مرة في حياتي.. كنت مبسوط اوي معاها وبحبها بجد من كل قلبي بس للاسف بعدها بسنة مبقناش مع بعض من وقتها ولحد دلوقتي لسه بفتكرها وبحنلها واحيانا بدمع عليها (وانا بكتب دلوقتي بدمع اصلا )عامل اكونت في

Potato_58453 🇪🇬

منذ شهر واحد

شعور محبط

Mango_52462 🇪🇬 أول حاجه توب لربنا توبه نصوحه وادعي ربنا إن لو هي خير ليك تكون من نصيبك وأهم حاجه متكلمش حد تاني ومتفكرش في الموضوع دلوقي خالص ، لإنك حتي لو اتقدمت ليها دلوقتي ممكن أهلها مش يوافقوا علشان انت صغير ، وزي ما قولت كل واحد بياخد اللي شبهه بإرادة ربنا طبعا فأنت لو توبت إن شاء الله ربنا ويتقبل منك وما عليك إلا بالدعاء ، وافتكر إن لسه قدامك كتير إن شاء الله ففكر في نفسك وتطوير نفسك

عرض الكل 8 نصيحة

عبّر عن شعورك بشكل مجهول

اناجاي احكي حاجه
انا كنت بكلم بنت معاي في درس والصراحه انا اول مره في حياتي اكلم بنت
قعدنا فتره من 30/11
لغاية شهر 2 السنادي بنتكلم بس في 95٪ من الوقت انا اللي كنت ببادر بس فعلا حسيت بشيء مختلف عمري محسيته يمكن لان اول مره حد يقولي فضفض او حد يسمعني عموما
هي وصلت لحته في قلبي محدش وصللها ابدا (مش قصدي علي الحب قصدي ان هي لمست حجات محدش وصلها) هي كانت بتفضفضلي برضو وكنت بسمعها وكنت مستعد اسمعها سنه
وافتكر جه يوم 15/1 اليوم ده اتكلمنا فيه 5ساعات ونص وبعديه بيوم 16/1  اتكلمنا لمده 7 ساعات ونص كل ده شات وكان عن الظراسه وعن عيلتها وحياتنا وكان اول مره الاقي حد فعلا يسمعني
المهم جت في اخر شهر 2 بدا الكلام يقل منها خالص  لدرجة انا كنت بتحجج اكلمها وردها كان بسيط انا حسيت ان في حاجه بتفضي وانا مش عايزها تمشي بص هي حسستني بحجات اول مره احسها ذي ان في حد اصلا مهتم بوجودي ويسمع مشاكلي
تعرف اول مرحت الدرس كان هي وصحبتها وليكن هي اسهما ج وصحبتها (ع انا اول حد اشوفه في كل القاعه هي ع وحبيتها مختلفه وهاديه ومش ذيها هي محجبه علي عكس ج ومبتكلمش ولاد ذي ج  بس لقيت فتحه من ناحية ج يمكن عشان عارف مستحيل اوصل ل ع بنفس الطريقه فدخلت يمكن في البدايه مكنتش حابب ده لاني عارف انه حرام المه  99 من الوقت كنت انا ببادر  بس (ج) حسيت معها باحساس مختلف انا حد بيخليني افضفضله وحد بيسمعني لاول مره
بس سعات بفكر في (ج) وسعات( ع) عارف ان (ع) يمكن احسن بس ع ممكن في استلطاف منها او علي الاقل مش كرهاني فانا مش عارف
يمكن( ع) انا نفسي تقرب بص انا كلمتها (ج) من شهرين وقولتلها شكرا علي كل حاجه وكل شيء وشكرا علي كل حاجه عملتيهالي انا عمري مهنساها لا ن محدش عمره عمل معايا كده وردها كان ان هي معملتش حاجه بالعكس انا اللي عملت وقولتلها مكنتش مستني رد بس الرساله مش هتختلف ومكلمتهاش من ساعتها يمكن من يوم 30 ابريل
بس ع بحس اني منجذب ليها يمكن انا بحبها بس احساس ج غطي علي ده بس فعلا كل فتره انا كنت بحس بحاجه ناحية ع واصلا سعات بتمني اكمل معاها حياتي ده انا كمان سجلت رقمها عشان حاجه عشان لما الدنيا تتعدل اخطبها حسيتها ملتزمه ومحجبه وعلي عكس ج اللي عايزه تعديلات كتير وانا فعلا فكرت في ان محدش هيحب حد يعدله انت مش بتختار كمبيوتر
انا يمكن عايز ع بس حاسس ان ج وصلت لحته في قلبي محدش بيوصلها مقصدش حب اقصد لم جرح او مش عارف اعبر بس حاسس يومي فاضي من غيرها حاسس اني هرتاح مع ع اكتر لان ج محتاجه تعديلات كتير وخصوصا مصاحبه ناس نصحتها تسيبهم كل ما عليها انها تدعيلهم وفاضله معاهم
ع علي نظيرها خالص هاديه ومش بتتكلم كتير بس حبيبتي مش بتستحمل حاجه ممكن اي حد يتنمر عليها في لدغتها تبكي وفي مره جت اشتكت للمستر ان في حد بيتريق عليها وانا كنت واقف وهي بدات تعيط انا خرجت عشان محرجهاش بس فكرت ان هي اكيد مش هتعيط قدام اي حد فده ممكن دليل ان في امل او بفكر ان هي انفجرت فمكانش فارق مين واقف مع انها استنت الكل يمشي عشان تكلم المستر
حاسس دمعتها لمستني لاني مش حابب اشوفها بتعيط مش عايز صعبانه عليا ولما عرفت ان حد بيتمر عليها كنت هضربه بس وقفت عشان المشاكل ولان مفيش شيءرسمي يربطنا
و النهارده طلبت من 15 حد بينهم ج وع ورق فرنش ومحدش بعت غير ع وبعتت بعدها ب حبه صغيرين ولما قولت شكرا ردت بقلب حسيت بشيء بس برضو ده يمكن عادي وايحد تاني كانت هتعمل كده

منزلتش البوست عشان حد يقولي كلم دي او كلم دي انا مش هكلم حد لان ده حرام ومش عايز اغلط الغلطه تاني وان انا عقيدتي ان الباب الوحيد للدخول هو باب البيت واي رجل يدخل من باب اخر تنقص من رجولته و للتوضيح انا لما كنا بنتكلم انا و ج كاصدقاء مش ارتباط

انا خايف ان فعلا اللي عملته ميخلنيش استاهل ع لان اكيد ربنا بيرزق كل واحد باللي شبهه

انا للعلم 3 شهور واكمل 19 سنه

انا مش فاكر قولت ولا لا سجلت رقم ع لشيء واحد والله العظيم اللي هو بعد ما ربنا يكرمني ارن رنه واحده اقول لها انا عايز الوالد واروح اخطبها واللي فيه النصيب لكن مش هكلمها او اي واحده تانيه عموما

انا خايف اذا حصل وخطبت ع لان ج صديقتها وبالتالي هتعرف ان هي تقولها اني كلمتها واني بتاع بنات ودي والله محصلت في حياتي الا المره دي ومش هتتكرر  فيبوظ كل شيء 
ممكن حد يفيدني وشكرا واسف طولت

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Potato_58453 🇪🇬

منذ شهر واحد

شعور مستنزف

عبّر عن شعورك بشكل مجهول

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_57850 🇪🇬

منذ شهر واحد

شعور مكسور القلب

Lemon_57806 🇪🇬 نصيحتي ليك بغض النظر على اللي انت عملته ده حرام انت اكيد عارف كده كويس بس اهم حاجه في الفتره دي التركيز على مذاكرتك لان هي دي الاهم دلوقتي ثاني حاجه احب اقولها ان ما فيش بنت بتحب ان هي تاخد شاب مش مجتهد او مش عامل اي حاجه في حياته او مش معاه حاجه معنى صح فحاول تعمل حاجه ليك والمستقبلك لان هو ده الاهم دلوقتي سيبك بقى من الحب والكلام اللي زي كده لان كل حاجه بتيجي في وقتها وحاول تعمل اللي تقدر عليه

عرض الكل 4 نصيحة

عبّر عن شعورك بشكل مجهول

و انا في أولي ثانوي جات بنت خالي البلد عندنا عشان تدرس و هيا اصغر مني بسنه يعني تالته اعدادي و ابتدينا نتكلم و كنت بتكلم معها في وجود واحد كان ساعتها صحبي و لما حس أن انا ابتديت احبها و اتعلق بوجودها قالي أنها مستحيل تحبك ف زعلت شويه بس كان في تواصل برضو و كان صحبي دا تليفوني هو تليفونه و العكس و كان عامل بصمه و انا كنت اعرف انه عاملها اتاريه حب بنت خالي دي و كان عاوز يبعدها عندي و انا ابعد عنها ف فضل يشككني فيها و الكلام دا و قالي تعالي نشوف هل هيا بتكلم ولاد و لا لا فعشان انا مكنش معايا رقم تاني ف خاد الرقم عشان نبقي نشوف و لو بتقولي انت ازاي تعمل كده هقولك هو كان ماسح مخي بجد ف خاد الرقم و دخل يكلمها و فضل فتره لحد ما اكتشفت الموضوع و عائلتي اكتشفته و ساعتها ضحك عليا برضو و حسسني أن هو مظلوم فسامحته و مسامحتش بنت خالي و عارف أن انت هتقول أن انا اهبل و عبيط و انا بعترف أن انا كنت كده فعلا و معنتش بكلم بنت خالي لحد ما اتصالحنا بعدها بسنه و 5 شهور علي حد ما هي بتقول و صحبي دا فضل يضحك عليا و يحسسني أنه غلبان و كنت بديله فلوس و كمان مكفهوش الي عمله دا نصب عليا في فلوس كمان و الصراحه انا دلوقتي بكره الشخص دا و نرجع لبنت خالي طول السنه و 5 شهور دول كنت بحاول اقرب تاني بس ساعتها هي الي كانت رافضه عشان كانت مدايقه أن انا مسمعتهاش خالص بس و لما لقيتها رافضه سبتها لراحتها و جه يوم عيد ميلادي و كنت منزل استوري لقيتها دخلت و باركتلي لعيد ميلادي بس المشكله مش هنا المشكله ان انا حبي الي أدفن ساعتها رجع تاني بس بقوه اكتر و رجعنا نتكلم تاني و اكتر من الاول كمان و أنا يكلمها بحس في أوقات أنها تبادلني نفس الشعور و شويه تانيه لا يعني باجي اقولها أن احنا لما نكبر معناش هنشوف بعض و لا هنتكلم فترد عليا و تقولي صدقني هنشوف بعض كتير اوي و مش هنسيب بعض ف دا مش هيحصل غير لما نتجوز و هكذا و جيت في يوم اعترفتلها بحبي بس بطريقه اعرف اخرج منها و اخليها أن هيا الي فهمت الموضوع غلط بس قالتلي أن احنا اخوات بس الموضوع دا قبل الكلام بتاع احنا مش هنسيب بعض و كمان هي كانت مش حابه لما كلمت بنت قريبتي و هزرت معاها و كانت بتسال علي يوم ما بنتخانق من حد يعرفني و قريب مني ف هل هيا بجد بتحبني و لا لا هل اعترفلها و خلاص بس انا مش عاوز اعترفلها عشان منسبش بعض و انا بدعي ربنا أنه يجعلها من نصيبي و نصيحه و الموضوع دا شاغل دماغي و انا شخص في تالته ثانوي و امتحاناتي قربت فنصيحه حلوه كده

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Toast_57320 🇪🇬

منذ شهر واحد

شعور مستنزف

عبّر عن شعورك بشكل مجهول

كنت بحب شخص وكان نفسي اجرب الحب لاول مره وانا عندي 19سنه نفسي احب واتحب وخصوصا اني فاقده الحنان  وعمري ما سمعت كلمه حلوه من بابا ولا اخويا ف نفسي اتحب واسمع عن نفسي كلام حلو ف ارتبط لاول مره في حياتي في السنه دي بدايه 2025 وحبيته كان حنين اووي اووي حتي وانا متعصبه اول مره اشوف نفسي حلوه اول مره احس اني طفله نفسي اتحضن اني عمري محبيت التلامس اصلا وعمري محضنت امي ابدا ولا اخويا ولا بابا اخر مره من بابا كنت طفله ف مفتقده حاجات كتير اوي مهم حبيت الشخص ده اوي ولاول مره مسكت ايده حسيت بنار جهنم والاحتواء ف نفس اللحظه ف كلن نفسي اتجوزه هو مش طموح كان في كل حاجه انا مش بحبها بس كان مالي وقتي وحنين ورومانسي عيوبه بقا مش طموح فاشل سلبي درو الضحيه ياخد فيه رقم واحد معندوش مستقبل وانا نفسي اعيش عيالي ف مستوي ع محدش يعيش زايي وهو مفيش مستقبل خالص نورم اوي مش بيفهم سوشيال كان قاعد من الدراسه من تالته صنايع وكنا شغالين ف مكان واحد هو كان مشرف كان الناس تديله تبس وياخد عادي وانا كان نفسي الي بكلمه عنده عزه نفس ومياخدش حاجه من حد هو حقه عادي التبس بس مبحبش الناس الي بتاخده كان لما حد يزعق ليا ف الشغل يسكت عادي ويبص من بعيد خلاني امسك ايده اول حاجه وانا بخاف ربنا وعمري معملت اي حاجه ف حياتي من الحاجات دي مسك ايدي وبعدها بفتره باس راسي وبعدين لمس وشي وبعدين حضني وانا ده كله ف عذاب ابتديت ادعي ربنا يبعده عني بس بقول يارب احميني مني استرني انت يارب حافظ عليا انا ضعيفه قدامه دعيت من يومين ربنا يبعده عندي كنا بنتفق ع خروجه بقيت نفسي فيها بس بدعي تتلغي من عند ربنا واتلغت فعلا وانا نفسي فيها في كل حاجه انا بكره بس ماسكه فيه ع حنيته وصوته من الاخر يحبه ع مالي مكان ف قلبي مع انو عارفه مش هنبقي لبعض خالص بس مش عارفه ازاي سبت نفسي بقول ان الله غفور ستار ونسيت الي حصل والحمدلله انو كان في بلد بعيده عني بس انا نفسي اكلمه نفسي اقابل بنفس طيبته وحبه واهتمامه ده بس يكون فيه ميزه انو يحافظ عليا وميلمسنيش ابدا هو الي يحافظ وكان الشخص ده بخيل تفريبا والكبيره انو كان قصير ودي كانت حاجه بتخليني م عايزه اشوفه وخايفه اوري لحد من صحابي  بس رغم ده كل شويه اسيبه واقول الحمدلله من عند ربنا اهدي يامل بقا ع كفايا ذنوب ارجع اكلمه واقول هسيبه بعدين عارفه انها انانيه بس انا اتاذيت كتير بقيت اكلمه اني هكمل معاه بقيت حياتي وانا عارفه انو مستحيل اكمل معاه لو حصل ايه هو بس هيعبي وقتي وقلبي الفاضي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Banana_56622 🇪🇬

منذ شهر واحد

شعور فخور

موضوع:

اتخطيتو أول حب ازاي وكم الوقت اللي اخدتو وهل رجعتو تفكرو فيه

اول حب كان في ثانوي كنت حبيت واحده وخروقتني في الاخر وعملتلي بلوك ساعتها كان احساس صعب عشان كنت بحبها بجد اول مشاعر حب حقيقيه اعيشها ولما اختفت كان بالنسبالي الموضوع صعب ...بس عادي الوقت خلاني نسيتها هما اسبوعين الصراحه ونسبتها وعرفت غيرها وغيرها وعرفت من ساعتها انها مش بتقف علي حد لما بحس أن واحده

Chilli_55557 🇪🇬

منذ شهر واحد

شعور مستنزف

كنت بحب بنت من سنين… كانت مختلفة… مش شبه حد. كانت بتسمعني وأنا ساكت، بتضحك على تفاهتي، وبتفهمني من غير ما أشرح. وأنا؟ كنت شايفها كل الدنيا… بس اللي ماكنتش أعرفه… إن قلبي كان بالنسبالها “ترانزيت”، تحط فيه حزنها لحد ما تهدى، وبعدين تمشي. أنا كنت طوق نجاة، مش حب. عدى وقت… وقلبي غرق أكتر. كنت ببعتلها

Avocado_54972 🇪🇬 مش دي اللي تزعل عليها اكتر من ٢٤ ساعه لو هتزعل فأزعل علي نفسك ووقتك ومشاعرك اللي اهدرتهم معاها كلنا بنقابل ناس مؤذيين وبنتأثر بيهم لكن المفروض نجمع نفسنا وطاقتنا تاني علشان لما يجي اللي يستحق يلاقي حاجه نقدمهاله انزل جيم وحسن علاقاتك بربنا واصحابك وقرب من عيلتك واهلك هتلاقي مع الوقت نفسك بقيت احسن وان هي كانت مجرد اعجاب مش حب مفيش حب بيجي وبنحس بيه غير لما اللي قدامك يقدم فعلا تصرفات تخليك تحبه

عرض الكل 3 نصيحة

Sugar_53556 🇿🇦

منذ شهرين

شعور مكتئب

أنا اول مره استخدم البرنامج ويارب يطلع مفيد. كنت بحب واحده كانت اول وآخر حب ليا وسبنا بعض من ١٣ سنه تقريبا لظروف خارجه عن إرادتنا ومفيش يوم بيعدي إلا لما أفكر فيها بالساعات وأفضل أعيط كتير على الرغم انها اتجوزت من ٧ سنين مش قادر أتخطاها علشان عارف انها اتجوزت بالعافيه وحاليا دخلت مرحلة اكتئاب صعبه

Watermelon_52940 🇪🇬 بستغرب جدا الناس البتحب بالطريقه ده و ازاي قلبك في كميه الحب ده ربنا يصبرك و يعوضك خير حاول تنساها و حاول تدي فرصه لحد تاني

عرض الكل 10 نصيحة

Coffee_53420 🇪🇬

منذ شهرين

شعور محبط

موضوع:

اتخدعت ف حد قبل كدة؟

تعالوا احكلكوا قصه كنت صغير حبيت بنت جميله حنينه اصغر مني كنت اول مره احب كانت فعلا فهماني لأبعد الحدود وكان بينا مشاكل زي اي اتنين وكانت بتبعد وتختفي وترجع وكنت أنا البيت الللي بتطمن فيه وكنت مبسوط بدأ كانت مدياني شعور اني مميز لحد ما عرفت ان في مره لما اختفت رجعت لحد الاكس بتاعها ولما واجهتها أنكر

Hazelnut_52786 🇪🇬 عزيزى انت افضل منها وصدقني الله بيحبك انك سبت العلاقه المؤذيه دي . أنا استحملت كتير جدا . وسامحت في حقك . وصدقني تربيتك واصلك باين عليهم . احمد ربنا انك مش كملت معاها . وهايجيلك اللي تبقي معاكي السند والضهر

عرض الكل 5 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع