مش قادر أتخطى حب من طرف واحد وخايف من الارتباط

Question

تعملوا اي لو انتوا قدامكو شخص حاسين انه مناسب ليكو بس فنفس الوقت انتوا عمركو ما حتاخدوا خطوة الخطوبه او الجواز دلوقتي والموضوع واقف عليك اصلا..عشان حصلكو تروما بسبب الحوار ده وخايفين قوي من اللي بعد كدا ومش متقبلين فكرة انه الواحدكبر وجه عليه الدور يرتبط ويكون عيلة فنفس الوقت انت بتحاول تتعافي اصلا من ريليشن بتحاول تموڤ اون من حب من طرف واحد بقاله سنين كتيرة قوي وده كان بالنسبالك الحب الاول والاخير انت مش قادر تحب تاني ولامتقبل حد تاني غير اللي انت كنت عايزو فدماغك ورتبت حياتك علي القديم مع انه كان هبل منك انك تعمل كداولا عايز اصلا تحب تاني والوقت بيجري وانت واقف مكانك مشعارف تاخد قرار ومش حاسس براحه عايز تعيش لوحدك فسلام بعيد عن ضحيح العالم ممكن اعمل اي بجد..الحوار ده بقاله فترة طويلة قوي زيادة عن اربع سنين وكل ما افتكر حبي القديم ببقي عايز اعيط مش هاين عليا قلبي اللي ضاع بسبب حب شخص مش ليك وكانت دي اول مره تحب بجد من قلبك واتعلمت تحب فعلا..

Pear_15759 🇪🇬 · Accepted Answer

ادي فرصه للشخص الجديد وعلاقه حلال و رسميه بما يرضي الله ربنا يراضيك وهتلاقي الشخص الجديد احسن مية مره من القديم ومع الوقت ومواقفكو سوا هتنسا الي فات هيشفي كل حاجه فيك فعلا لو هو الشخص الصح

Orange_15261 🇵🇸 · Answer

ليه تربط/ي نفسك بحاجة راحت من سنين وانت قلت نه هبل منك انا مريت بحب من طرف واحد عشان كده انا فهاكي لكن ما توقفي حياتك عشان شخص ما كان يعرف انك بتحبه حتى جربي يمكن قلبك يحب مرة ثانية يمكن عقلك بضحك عليك انه انت مش متخطي الاول اذا ما جربتي كيف هتعرفي والحياه بتجري منا

Apple_16212 🇪🇬 · Answer

طالما لسه بتعمل موف اون متظلمش بنات الناس معاك في مقابل راحتك تانى حاجه ان كل حاجه في الدنيا نصيب وربنا مش رايد انك تكون مع الشخص دا يبقي لازم ترضي وربنا هيعوضك ان شاء الله

Cherry_15837 🇪🇬 · Answer

بصي عشان ده كان حبك الاول فعشان كده الوضع صعب انك تعملي موف اون ليه مريت بتجربه كده وشغلت نفسي ف شغل وحاجات كتير عشان احاول أنساه وبرده معرفتش بس مع الوقت هتلاقي نفسك بترتبطي بحد تاني لانك لازم تعودي نفسك أن الاولاني خلاص مش هتعرفي ترجعيله ... حاولي تدي للشخص ده فرصه وشوفي هيقدر يخليكي تحبيه ولا لا والسن عمره ما كان عائق بالعكس ممكن يكون ده العوض اللي ربنا بعتهولك بس صلي صلاه استخاره الاول

Cherry_16316 🇪🇬 · Answer

حاولت بجد بس انا اصلا نادرا اما احب شخص فاللي هو اتقفلت مشقادره فعلا احب تاني زطاقتي ضاعت وحاسه برعب واستيل حاسه انه برضو مش انسب حاجه حاسه في احسن متبقيش عارفه انتي عايزه اي بالضبط