تعلقت بيه ومش عاوزه ارجع.. نفسيتي متدمره

Question

انا اول مره ادخل هنا مش عارفه اكتب اى ولكن انا مش فى افضل حالاتى النفسيه حاليا اختارت واحد كويس من باب الاستقرار والزواج كل حاجه فيه كويسه معدا عدم التقدير لمشاعر اللى قدامه وبروده و انو بيتخابث احيانا بسبب اخواته البنات وكنت اتعلقت بيه ورفضت ناس تانيه كويسه علشانه 
وفعلا وصلنى لدرجه انى اكره نفسي وادهل فحاله اكتأاب بسبب شكل جسمى انى تخينه سنه صغيره 
وكنت عايشه فدوامة زعل ان نصيبى كده واهلى كمان مش كويسين ومحدش منهم ساعدنى ومن ٥ ايام خدت القرار وقولتلو انت مؤذى ومش عاوزه ارجعلك فى نفس الوقت انا نفسي اتجوز ونزلت جبت حاجتى واتعشمت مش عارفه اعمل اى ومعرفش اصلا هيكلمنى ولالا هو ساكت وانا ساكته

Popcorn_52197 🇪🇬 · Accepted Answer

نصيحه ليكى من اخ ولا اعرفك ولا تعرفينى اعملى الحاجات دى بالترتيب ـ ابعدى عنه لو هيجيبلك الدنيا كلها تحت رجلك الطباع اللى فيه عمرها ما هتروح وانتى هتبنى حياه مش فتره ومش ذنب الاولاد اللى تيجى يكملوا حياتهم فى أذى ـ حبى نفسك وبس ولا أهل ولا صحاب ولا اي حد تحبيه قد نفسك ـ اشتغلى وإختلطى بالناس والعبى رياضه تناسبك واهتمى بنفسك وجسمك وصلاتك قبل اي شى وافتكرى الكومنت ده بعدين وهتدعيلى اقسم بالله العظيم

Sugar_61962 🇺🇸 · Answer

انتي كام سنه ماتستعجليش حتتعبي لو من دلوقتي تنزلتي انتي لسه حتتنزلي كتير

Banana_80146 🇪🇬 · Answer

طيب حتا لو كلمك و بعدين عندك استعداد تدخلى ف علاقة انتي حاسه انه مش مرضية بنسبلك انتي كده بتقللي من نفسك .. يفرحتك تتحوزى و بعد كده متكونيش حاسه بالتقدير ..مش بعقدك أو بسوده ف وشك بس هيبقا حرام عليكي نفسك تخيلي تتجوزي و متتفواقش و ترجعي لأهلك وانتي مطلقة ساعته كل حاجة هتختلف

Apple_66014 🇪🇬 · Answer

ربنا يسعد قلبك وروحك يا رب  انتى عملتي الصح علي فكره  سيبه لو رجع حطي له شروطك كامله ولو ما رجعش ان شاءالله ربنا يعوضك باللي احسن منه

Banana_80146 🇪🇬 · Answer

فكرى كويس و شوفي انتي عايزه ايه و متفكريش أن ده اخر واحد ف الدنيا بالعكس الدنيا واسعة و ف الف غيره يتمني ضفرك خليكي واثقة ف نفسك و فكرى بحكمة ف الموضوع و متخليش قلبك الي ياخد القرار فكرى بعقلك

Avocado_83775 🇪🇬 · Answer

قولت كده فعلا سيبته هو ودماغه ولو رجع اخد موقف لان معاملتى الطيبه اتفهمت غلط تقريبا

Mango_83743 🇩🇿 · Answer

صلي صلاة استخارة  ربنا راح يبينلك شو لازم تعملي مهما كانت حالتك ربنا معاكي راح يساعدك u not alone

Banana_80146 🇪🇬 · Answer

لو احتارى و مش عارف تعملى ايه خالفي هواكي عشان الهوا بياخد الناس إلا ما يعاب .. ربنا معاكي و يعوض صبرك خير و يرزقك بابن الحلال الي يصونك و يقدرك و يعرف قيمتك و بالتوفيق ان شاء الله

Cheese_72991 🇪🇬 · Answer

فيه واحد نفسو يجرب السباحة وهو طول عمره عارف وبيسمع ان البحر غدار وملوش امان- وهو كمان مابيعرفش يعوم اوي فراح للبحر ووقف قدامه وقاعد حيران يجرب يمكن يطلع الموضوع سهل ولا ياخد وقتو في انو يتعلم ولما يحس بالامان يرجع تاني و ينزل وهو واثق انو يعرف يعوم وهو مطمن؟؟ رأيك ايه 
بالمناسبة هو لو جرب عشان يسمع كلام مشاعره وماعرفش يعوم  هيموت....

Mango_83743 🇩🇿 · Answer

هو مش الرجل الوحيد على وجه الأرض ومش آخر واحد فدنيا راح يتقدملك راحتك النفسية والعقلية هي الأهم

Potato_77746 🇪🇬 · Answer

اللى يجى على نفسيتك اديله بالشبشب كدا وبعدين اى يعنى تخينه مش فاهمه ان شالله تكونى ١٥٠ كيلو التخن لنفسك والرفع لنفسك 
خليكى وليه قادره وميهمكيش حد يروح قرد يجى ١٠٠ قرد غيره اعملى بلوكات وارميله حاجته فى وشه وانشفى كداا الرجاله لو شافتك لقمه طرية هتدوس عليكى

Sugar_61962 🇺🇸 · Answer

كلامك صح