مش عاقله زى ما باين.. كل حاجه دايسه عليا

Question

باين للناس انى عاقله وقويه ومش فارق معايا حاجه مع ان كل حاجه فارقه معايا وكل حاجه دايسه عليا وعلى قلبي وعشان مش بقدر احكى او اشكى واعلى صوتى وبعدى مشاكلى بضحك وهزار مفهومه غلط كنت بقول عادى اتعودت بس ف الحقيقه كله بيتكوم جوايا ومش عارفه اخلصه ازاى

Blueberry_67691 🇪🇬 · Accepted Answer

نصيحتي ليك من القلب: خليك دايمًا صادق مع نفسك، وخد فرصة تتكلم مع حد قريب منك حتى لو الكلام بسيط، لأن الكتمان بيزيد الحمل على قلبك.  
مفيش عيب أبدًا في إنك تكون قوي وفي نفس الوقت تعبر عن ضعفك أو تعبك، بالعكس ده دليل على نضجك وإنسانيتك.  
جرب خطوة صغيرة وفضفض لحد بترتاح له، يمكن تلاقي فيها راحة أكتر مما كنت متوقع.

Coffee_69795 🇪🇬 · Answer

لا بلاش تكتمي جوالي علشان ده لبعدين مش حلو حاولي تتغيري وحاولي متفكريش في الي هيقوله الناي

Kiwi_69907 🇪🇬 · Answer

لا دى طبيعتى مش خايفه من كلام الناس انا مش بعرف اخرج مشاعرى حتى بالبكاء صعب عليا

Kiwi_69907 🇪🇬 · Answer

لما بجرب احكى بحس بندم بعدين معرفش ليه

Waffle_65620 🇸🇦 · Answer

بطلي تركزي مع الناس

Apple_68133 🇪🇬 · Answer

بصي، اللي بتعمليه دلوقتي مش قوة ده استنزاف
انتي مش بتهربي من ضعفك، انتي بتهربي من مواجهته وده أخطر

الناس شايفينك عاقلة وقوية؟ كويس
بس لو كنتي فعلاً قوية، كنتي هتحترمي ألمك وتسمحي لنفسك تتكلمي قبل ما تتحولي لقنبلة مشاعر مكتومة

تعاملك مع نفسك بإنكار، بيخلي كل حاجة جواكي تزداد سُم
وده مش كرامة، ده ظلم لنفسك

الضحك والهزار مش علاج، ده “كمّامة نفسية” بتهدي اللي حواليكي وبتخنقك إنتي

Apple_68133 🇪🇬 · Answer

وفي النهايه
فكري في دي كويس:
هل عايزة تفضلي الصورة اللي الناس حابين يشوفوها؟
ولا تبقي الإنسان الحقيقي اللي بيحس وبيتعب وبيتعامل مع نفسه باحترام؟

لو فعلاً عاقلة..!
اختاري تحمي نفسك، مش ترضي الناس
لأنهم مش هينفعوكي يوم ما هتلاقي نفسك بتقع منك فجأه

Ice Cream_68621 🇪🇬 · Answer

طيب متحاولي ان مفيش حاجة فعلا تفرق معاكي

Kiwi_69907 🇪🇬 · Answer

مع الوقت هتحسي ان الحاجات بتفرق وانتى مش واخده بالك

Kiwi_69907 🇪🇬 · Answer

كلامك جميل وفعلا نفسي تستاهل انى احافظ عليها

Apple_69558 🇪🇬 · Answer

طلما مش بتعملي حاجه غلط مش يهمك من اى حد