وجع قلبي والوحده.. مش عارفه بكتب ايه

Question

يمكن انا مش عارفه بكتب ايه يس انا دخلت ف كذا تجربه وكلهم فشلو مش هقول العيب ف مين فيا او فيهم بس بقيت ديما اي حاجه مش بتكمل معايا حبيت اوي بس اكتشفت اني متحبتش يمكن محتاجه حد يكون معايا ويقف جنبي واحس اني مش لوحدي حد يكون سند وعون بجد مبقتش اثق ف اي حد ولا عاوزه اقرب من حد خالص وحياتي بقيت شغلي بس قلبي وجعني فب كل مره اتساب فيها كانت بتوجعني اوي وخصوصا اني مكنتش بعمل حاجه غير اني كنت جدعه بذياده معاهم

Hazelnut_52786 🇪🇬 · Accepted Answer

متعلقيش سعادتك بحد، لأن أقرب حب ليك لازم يكون حبك لنفسك وربنا.
اللي يقدّرك بجد، مش هيخليكِ تبكي ولا تشكي، هيبقى أمان مش وجع.
اللي راح خلاكِ أقوى، واللي جاي هيكون على قد طيبتك وصبرك

Hazelnut_52786 🇪🇬 · Answer

قلبك الطيب مش عيب، لكن محتاج يتحط في مكان يستحقه ويقدّره بجد.
مفيش تجربة ضاعت، كل وجع علمك تختاري صح بعد كده وتحبي نفسك الأول.
لما تلاقي السند الحقيقي، هتفهمي ليه ربنا خلّى التانيين يمشوا

Hazelnut_52786 🇪🇬 · Answer

محدش بيستاهل دموعك غير اللي هيصونك ويخاف على قلبك من الزعل.
خدي وقتك تلتئمي ومترجعيش تفتحي باب لحد ميستحقش يدخل.
ربنا شايف كل حاجة، وبيخبيلك حاجة أحسن من كل اللي راح

Potato_54310 🇪🇬 · Answer

شكرا علي كلامك ونصيحتك

Hazelnut_52786 🇪🇬 · Answer

ولا اي شكر الناس الطيبه اللي زيك المفروض اننا نشكرهم ونشكر ربنا انهم لسه موجدين في الزمن دا

Banana_54083 🇪🇬 · Answer

مش عارف انصحك ولا اقولك ايه
لأن قريب من نفس مشكلتك أى علاقة
ارتباط  تفشل و بنفس تفاصيل مشكلتك
بل الأفظع ان بكون شارى
و اتباع فى كل مره 
و لكن دائما تذكرى قاعدة الفيزياء 
أن العنصر النبيل لا يرتبط 😂

Apple_53207 🇪🇬 · Answer

انتي محتاجه تحبي نفسك و تفهمي ان العلاقات المحرمه متعبه لي كل الاطراف و اهم حاجة تحبي نفسك و ادي نفسك فرصه و قربي من ربنا

Potato_54310 🇪🇬 · Answer

محدش مرتاح عموما ديما الي بنحبهم بيجو علينا بذياده مش بيقدر الحب

Potato_54310 🇪🇬 · Answer

هبتدي ف كده فعلا الواحد لما يحب نفسه مش هيكون محتاج لحد بس الجرح كان صعب اوي وخصوصا ان الخزلان جيه من اكتر حد واثقه فيه

Banana_54083 🇪🇬 · Answer

لا احنا ما قابلنش الاشخاص اللى تستاهل اننا نحبها

Apple_53207 🇪🇬 · Answer

صدقيني انا اكتر حد حسس بيكي و الله بس لما فوقت و حبيت نفسي كرهت الشخص دا اصلا و مبقاش فارق معايا حبي نفسك ي بنت الناس محدش هيحبك

Potato_54310 🇪🇬 · Answer

اكيد لسه مقبلناش الأشخاص دي وشكلها من كل العك الي الواحد بيشوفه ف الحياه مش هيقابله ولو قابله هيتعبو مع بعض لغايت مايرجعو الثقه تاني

Banana_54083 🇪🇬 · Answer

حضرتك كام سنه

Potato_54310 🇪🇬 · Answer

28

Banana_54083 🇪🇬 · Answer

العمر كله ليكي انتي لسه صغيره  
اومال انا اعمل ايه

Potato_54310 🇪🇬 · Answer

العمر الطويل ليك بس هي مش بالسن هي بالتجارب والحياه بتحطك ف مواقف كتير

Banana_54083 🇪🇬 · Answer

ربنا يوفقك