السلام عليكم ورحمه الله وبركاته نظرا لحيرتي الدائمة انا مش عارفة الحقيقة انزل و احكي هنا و لا مش اشتكي غير لربنا لأن ربنا هو الوحيد اللي المفروض نحكي و نشكي ليه..... بس انا تعبانة بقالي فترة طويلة اوي حاسة أن انا تايهة و مش لاقية نفسي و دي مش انا اللي اعرفها ، بقيت شخص تاني فاقد الشغف و الطاقة و مش عنده نفس لاي حاجة بعد ما كنت شخص حيوي و بحب اعمل أنشطة كتير اوي ، بقيت إنسانة بمل بسرعة و عايزة افضل لوحدي ، فكري الزائد عن الحد دمرني حرفيا خلاني خلاص بقيت شخص مش عارف يحس ب أي شعور و لا اي حاجه مش عارفة افرح زي الاول او ازعل أو اتأثر بسرعة بقيت شخص عنده لامبالاة عالية تجاه كل حاجة سواء حياته أو دراسته حتي مشاعره نفسها بقت باهتة ، مش بقيت بحب انزل و اشوف اقرب الناس ليا و ترددي و حيرتي زادوا عن الاول مراحل كتيييييير اوي حتي ابسط القرارات الخاصة بيا و بحياتي مش قادرة اخدها ، نفسي ارجع تاني لنفسي و ارجع انا القديمة ، ارجع بالبراءة بتاعتي و ضحكتي و هزاري و مشاعري و حيويتي و مشاعر الحب اللي كانت عندي و دائما جوايا ، اسفة لو طولت عليكم بس حقيقي محتاجة مساعدة .

9

0