مش عارفة انتظم في الصلاة وأقرب من ربنا!

Question

انا مهما حاولت انتظم في الصلاة و اقرب من ربنا معرفش مش عارفة ليه مع اني ببقا عايزة كدة يعني مثلا اصلي الخمس صلاوات يوم و اليوم اللي بعديه ارجع زي الاول ما اصليش و افضل كدة فترة لغايت ما ارجع افوق تاني و هكذا بقا بس عمري ما عرفت انتظم علطول عايزة اقرب من ربنا و مش عارفة عايزة البس اللبس الشرعي و مش عارفة اة مش بلبس قصير او ضيق بس حجابي مايعتبرش حجاب عايزة اتغير و مش عارفة كل ما افتكر اني ممكن اتعذب في الاخرة بخاف بس بردو مش بتغير مش عارفة اعمل ايه بجد

Coffee_27700 🇪🇬 · Accepted Answer

اقرأي كتاب فاتتني صلاة هيفيدك جداً

Avocado_34389 🇪🇬 · Answer

كل حاجه بتيجي بالدعاء بجد انا وصلت لمرحله اللي انا فيها من الرضا واني الحمد لله بصلي فروضي وكدا بالدعاء بجد واحلي وقت للدعاء بالنسبه لي هو وقت قبل الفجر قومي اتوضي وصلي ركعتين تهجد وادعي باللي نفسك فيه وجربي دا النهارده وبجد هتديني صلاه التهجد وكمان تعرفي لما بتصليها بتعرفي ف السما وبيتك بيبقي منور عند ربنا وبتكسبي محبه ربك ودا احلي حاجه ف الدنيا وهدعيلك معايا بساهر الغيب ومتنسنيش ف دعائك🩷

Avocado_34389 🇪🇬 · Answer

ايوه حلو اوي الكتاب دا ارشحه انا كمان

Coffee_28875 🇪🇬 · Answer

بصي عمرها م هتيجي مرة واحدة.. انتي امسكي حاجة حاجة يعني مثلا الأهم دلوقتي الصلاة.. انا عارفة قد ايه الموضوع صعب لاني كنت زيك خاصة بقى لو عندك دروس او جامعة او شغل والحاجات دي احيانا بتخليكي تضطري تجمعي الصلوات مع بعض او تفوتيها وفي الحالتين ده غلط..

Coffee_28875 🇪🇬 · Answer

اولا عشان احنا بننسى نزلي ابلكيشن ديني ايا كان هو ايه هيبعتلك نوتفكيشن في وقت الصلاة وبما ان الموبايل اكتر حاجة بنمسكها ف اوي تمسحي النوتفكيشن الا لو كنتي صليتي ومن الأفضل أن اول ما تشوفيه تسيبي اللي في ايدك وتصلي.. 
تاني حاجة خليكي دايما متوضية، لو دخلتي التويلت اتوضي وانتي بتغسلي ايدك لو نمتي في نص اليوم اتوضي لما تغسلي وشك وهكذا أي حاجة بتعمليها بالمياة خلصي اللي بتعمليه واتوضي ماعدا السكين قبل

Coffee_28875 🇪🇬 · Answer

ثالثا بقى وده من أهم المراحل  هي وقت البريود عشان الإنسان بينتكس في الفترة دي وبيرجع بعدها ميصليش، خليكي دايما وقتها بتذكري ربنا وتدعيله كتير انه يثبتك وانك متنتكسيش

Coffee_32728 🇪🇬 · Answer

انتي حالتك زي حالتي 🥲💔

Coffee_28875 🇪🇬 · Answer

أي ذكر على بالك قوليه مش لازم تلتزمي بذكر معين بس لازم تلتزمي انك تخلي ربنا قدام عينك يعني وانتي قي الطريق لأي مكان استغفري وانتي بتعملي شغل البيت احمدي ربنا او حوقلي وعامة لو حابة تجمعي كله قولي " سبحان الله والحمد لله ولا إله إلا الله والله أكبر ولا حول ولا قوة إلا بالله" مع الصلاة ع النبي كتير برضو

Coffee_28875 🇪🇬 · Answer

ربنا يهديكي ويثبتك ياروح قلبي ❤️

Coffee_28875 🇪🇬 · Answer

بعد الصلاة بقى ابقي شوفي موضوع اللبس برضو واحدة واحدة.. بالتدريج دخلي جيبة جديدة وبعد فترة هاتي دريس كيوت او حتى هاتي قماش وفصلي بنطلون يكون واسع وجميل.. 
وافتكري ان كل حاجة بتيجي بالتدريج ف متضغطيش نفسك جامد خلصي خطوة وبعدين انقلي ع اللي بعدها ❤️

Mushroom_33111 🇪🇬 · Answer

طبعا مش هنساكي في الدعاء و شكرا على النصيحة🩷

Mushroom_33111 🇪🇬 · Answer

ربنا يهدينا جميعا🩷