مش عارف عايش ليه ولا بحس بأى حاجه - حياتي ابيض واسود

Question

حقيقى مش عارف انا عايش ليه ولا عارف احس ب اى حاجه سواء فرح او حزن بمعنى مش فاكر يعنى ايه احساس انى اكون فرحان او زعلان كأن كل حاجه حقيقى بقت ابيض و اسود زى فيلم شغال بس من غير صوت ولا تمثيل حتى اكن الفيلم واقف و البطل بأصص للكاميرا مبيتكلمش بس هو مستنى الفيلم يخلص و خلاص 
حد عنده تفسير ؟؟

Hazelnut_52786 🇪🇬 · Accepted Answer

عريزى ذلك الشعور الذي تدركه وتحس به هوه انك فقدت الشغف وداخل علي الاكتئاب . مشاعرك تفقد بريقها.حواسك العاطفيه منهكه. عزيزى اول خطوات لكي تستمر في إنهاء هذا الشعور لا ترهق نفسك من الضغوط النفسيه . او تراكم المشاعر السلبيه. افعل ولو قليل ما يسعدك . دع الأفكار السعيده والذكريات السعيده تدخل حواسك وتحس بها . ارجو منك ان لا تهمل في نفسك . واتمني من الله السلامه والثقه بالنفس وراحه البال والهدوء النفسي

Watermelon_53419 🇪🇬 · Answer

ده كده انت مصاب بالاكتئاب لازم تتابع مع دكتور وتشوف لو عندك اي مشاكل في الجهاز الهضمي لأنه احيانا بيكون في مواد مهمة مش بتمتصها المعدة فبتأثر على كيمياء المخ

Cookies_53418 🇪🇬 · Answer

متابع وماشى على الادويه زى ما قايل و متابع مع دكتور تغذيه برضو بس كله فى الفاضى مفيش حاجه بتتعدل بس الحمدلله على كل حال 
شكراً على النصيحه

Popcorn_52587 🇺🇸 · Answer

الشعور اللي بتوصفه ممكن يكون مرتبط بمرحلة من الإنهاك العاطفي أو حتى الاكتئاب، حيث بتبدأ المشاعر تفقد قوتها والواقع بيبقى باهت، زي فيلم بدون صوت ولا أحداث حقيقية. اللي بيحصل إنك مش منفصل عن الحياة، لكن *حواسك العاطفية مش متفاعلة زي الأول* ، وده شيء ممكن يكون له أسباب متعددة—زي الضغط النفسي المستمر، التجارب الصعبة، أو حتى تراكم المشاعر اللي ما اتعاشتش بشكل كامل
الحل مش في إنك تجبر نفسك على الإحساس،

Watermelon_53419 🇪🇬 · Answer

العفو طبعا بس عايزك تفهم وتتأكد ان كل ده مؤقت ومع الوقت هتتعالج منه وصدقني اعرف ناس كتير مروا بنفس اللي بتوصفه ، المهم انك ماتستسلمش وحاول تدور على شغفك في اي حاجة ممكن تشدك ولو تعرف تتمرن في الجيم هيفرق معاك جدا ، بالتوفيق وربنا يتمم شفائك على خير

Cookies_53418 🇪🇬 · Answer

what should I do ?

Watermelon_53419 🇪🇬 · Answer

كلام شات جي بي تي 😆

Cookies_53418 🇪🇬 · Answer

شكراً

Cookies_53418 🇪🇬 · Answer

شكراً 🤍

Cookies_53418 🇪🇬 · Answer

تعب معايا شات جى بى تى ده 😂

Hazelnut_52786 🇪🇬 · Answer

لكي مني كل الدعوات الخالصه من كل قلبي بالراحه والسلامه والصحه والخير في كل خطوه لك

Cookies_53418 🇪🇬 · Answer

شكرا

Grape_53277 🇪🇬 · Answer

بص هو كل بني ادم فينا مخلوق لهدف في الحياه وكل واحد فينا عندوا حاجه مميزه جدا تفرقه عن ياقي الناس 
ممكن تكون انت لسه معرفتهاش سواء كان سنك او المرحله اللي بتمر بيها سواء جامعه او مدرسه انت لازم تعمل حاجات جديده 
خد النصيحه دي مني وعن تجربه 
ابدا شوفلك هوايا جديده زي انك تلعب باسكت مثلا وتسجل تدريب تبع نادياو مركز  معين مش شرط باسكت بقا ممكن كوره او تينيس او حتى تنزل الجيم

Grape_53277 🇪🇬 · Answer

وحاول تلتزم بالصلاه وحط لنفسك تارجت انك كل يوم لازم تقرأ وجهين بالقران الكريم 
وشغل اذكار المساء والصباح صدقني كل ده هيغير نفسيتك ١٨٠ درجه

Grape_53277 🇪🇬 · Answer

صدقني انا كنت في مرحله عندي اكتئاب حاد ومكنش عندي اي طاقه لاي حاجه وحتى فكرت اني انهي حياتي 
لحد ما شوفت فيديو لشيخ على اليوتيوب بيقول التزموا بالصلاه والقران والاذكار وحياتك هتبقا تمام مكنش بيتكلم عن الاكتئاب خالص دي بس نصيحه
قررت احاول التزم الصلاه في المسجد والقران الصبح وجهين وبدأت من سوره البقره والاذكار كنت مشغاها صح وليل لحد ما بدأت نفسيتي تتحسن يوم بعد يوم وبعدها نزلت جيم وبدأت دايت

Grape_53277 🇪🇬 · Answer

انت بني ادم طبيعي هتجيلك لحظات هبوط زي كده وانا حاسس وربنا يهون عليك حاول انت بس تعمل بالكلام اللي بقولهولك وتلتزم بيه ١٠ ايام صدقني انت هتيجي تدعيلي 
امسك نفسك كده يا بطل انا معرفكش ولا شوفتك قبل كده بس متأكد انك انسان قوي و يستاهل كل حاجه حلوه تفائل كده يعم خلينا نقضي الكام يوم اللي بنعيشهم واحنا مبسوطين

Apple_53375 🇪🇬 · Answer

انت تايه عشان انت بعيد عن ربنا قرب من ربنا لان ربنا سابك لنفسك و دي حاجه وحشه اوي حاول تقرب من ربك هتلاقي نفسك بقيت احسن بكتير اوي

Apple_53443 🇪🇬 · Answer

صلى وقرب من ربنا وهتلاقى تغير