الواحد مش عارف يبدأ كلامه ازاي بس أنا مابقتش بحس بـ أي حاجه فاقد الشغف و مفيش طموح و مافيش حاجه بتغريني ولا حاجه بتفرحني ولا حاجه يتزعلني ، زي ما يكون بني آدم ميت بس لسه بيتنفس بقيت عايش وخلاص ، بقعد في الشغل بـ الـ ١٢ و الـ ١٥ ساعه و برجع مقتول و بردو مابنمش من كتر الخنقه و التفكير حاسس إني بعافر في الفاضي ماعرفش ليه ولا عشان مين معافره وتعب بلا هدف مابقتش عارف أنا عايز اي . الحمد لله أنا راضي جداً بـ الي أنا فيه بس حبيت أتكلم لأن مفيش مخلوق على وش الدنيا حاسس بالي جوايا لإني ماعنديش صحاب قربين أحكيلهم الي جويا أو عندي إحساس إني ماينفعش أبان ضعيف أو أبان تعبت من مشكله زي دي وسط ما ناس كتير عندها مشاكل أكبر من دي بكتير مش عارف !

0

7