مش عارف انسى واحده رغم الأذى - حزن وندم

Question

انا بحب واحده وارتبطنا فتره كبيره وللاسف بعدت منغير سبب ولا همها اي حاجه والكلام ده بقاله كتير بس مش عارف انسي ولا اتخطي ومش عارف ابطل تفكير خالص بجد وانا عمري مكنت كده مع حد ولا كنت وحش معاها بالعكس انا كنت بديها اي حاجه هي محتاجها وربنا شاهد بس معرفش ايه الي حصل خلانا نوصل للنقطه دي المهم هي اذتني كتير بجد بس مش عارف ابطل افكر فيها شويه ندمان اني حبيتها وشويه حاببها وعايزها ترجع

Strawberry_28162 🇪🇬 · Accepted Answer

بص خلينا متفقين ان العلاقه من البدايه حرام وماتنفعش وتعتبر زنا واي علاقه بدايتها مابترضيش الله نهايتها مش هاترضيك والناس فى حياتنا فترات وانتَ عمرك ما هاتتخطى انتَ بس هتتعايش مع الالم ولازم تتعايش وتتاقلم بسرعه لان ماحدش يستاهل يوقف حياتك وطور من نفسك اتعلم حاجه جديده اخرج مع صحابك اعمل حاجه بتحبها كدا يعنى وكله هايبقى كويس  ان شاء الله

Avocado_28664 🇪🇬 · Answer

هو انا كنت خلاص هروح اتقدم ليها رسمي وعرفت اهلي واهلها عرفوا اني بحبها وعايزها فا كانت خلاص يعني فجأه حصل كده 
وانا من ساعتها تقريبا حاسس ان حياتي واقفه مش عارف اركز في الكليه بتاعتي ولا في شغل ولا في حاجه وحتى لما بخرج مع صحابي مبقتش عارف ابطل تفكير

Biscuit_25932 🇮🇹 · Answer

بص أنا حابه أقولك حاجه زي ما انت عارف المثال أزي كان للبنت أو للولد خد اللي تحبك متخدش اللي تحبها مدام سبتك يبقي انت مش فرقلها اعمل انك مش مهتم وهي اللي هتندم هو أنا اه بنت بس احب أقولك ان مافيش بنات تامنلها ف الزمن ده اللي تحبها بجد ادخل البيت من بابه بلاش تعملو حاجه تغضب ربنا وانشاءالله هتلاقي اللي تقدرك

Avocado_28664 🇪🇬 · Answer

هو انا فاهم المثل دا وعارف انه كده بس مش طبيعي اكون بحب واحده واعاملها وحش واقول علشان تحبني انا ذات نفسي هبقي متدايق اني بعمل كده وبعدين انا كنت عايزها هي يعني وبس 
الفكره دلوقتي انه انا مقتنع تماما ان احنا مش هننفع تاني مع بعض بس مش قادر انسي

Biscuit_25932 🇮🇹 · Answer

لا هتنسي مع الوقت صدقني مدام حصل كده يبقي ربنا عوزلك الاحسا ارضي بنصيب ربنا وصدقني هتلاقي الاحسا منها ربنا يوفقها ويوفقك

Avocado_28664 🇪🇬 · Answer

يارب

Orange_28723 🇪🇬 · Answer

صدقني مع الوقت هتنسي وهتضحك علي نفسك انك ازاي حبيت حد موذي وانت تستاهل احسن من كده

Avocado_28664 🇪🇬 · Answer

الموضوع بقاله مده مش صغيره  بس ياريت انسي والله

Strawberry_28162 🇪🇬 · Answer

يبقى هى إلى خسرانه وماتستهلكش وربنا هايعوضك ان شاء الله