مش عارفه انتظم علي الصلاه وبخاف اوي من ربنا

Question

اكتر حاجه مديقاني جدا هي اني مش عارفه انتظم علي الصلاه، حاولت كتير جدا و كل شويه ارجع اصلي و ابطل، مش عارفه انا ببطل ليه، و بحاول كل شويه ارجع والله، و بكون خايفه اوي ان يحصلي حاجه و اروح لربنا و انا لسا مش بصلي و انا عارفه ان اللي مش بيصلي زي الكافر بس مش عارفه انتظم ازاي بجد

Strawberry_67489 🇪🇬 · Accepted Answer

خلي حد وراكي دائما يعني قولي لامك اوي اي حد يروح يقولك قومي صلي
كمنبه يعني 
عملتها في البداية لحد ما انتظمت وبرضو حل الفتور وان وقت الصلاة بالذات مش قادره تقومي انصحك قبل الاذان اصلا اتوضي وقت ما يأذن هتقومي تصلي علطول مش لسه هتقولي لسه اقوم واتوضي واروح البس الاسدال واصلي هتكوني اصلا خلصتي نص الحاجه دي قبل الصلاة

Apple_69450 🇪🇬 · Answer

عندى نفس المشكلة بحاول ودايما حاجه بتخلينى منتظمش وفعلا خايف

Ice Cream_63106 🇪🇬 · Answer

الصلاه تعود لازم تعود نفسك انك تصلي حتى لو مش قادر او مكسل
اعتبر ان ده فرض عليك زي الاكل والشرب حاجة مينفعش تعدي يومك من غيرها
هو انت بتنسي تاكل او تشرب لا
خلاص مش تنسي فروضك

Banana_68504 🇪🇬 · Answer

حطي ف دماغك اني حياتك هاتنتهي لو بطلتي صلاة فكري ف الموت وفي القبر المظلم ومين هايبقا معاكي محذش غير الي خلقك

Cookies_68499 🇪🇬 · Answer

بصي اتعودي ع عادة ال 21 يوم يعني إيه 
تعملي الحاجه ب استمرار 21 يوم وكل يوم هتعمليها مهما كانت الظروف صعبه حتى لو تعبانه وجايبه اخرك هتقومي وتعمليها ولو ف مره كسلتي افتكري بس عذاب القبر ال هيكون بداية بس لعذاب كبير بعده لتارك الصلاه ده 
وال 21 يوم اصعب ايام فيهم من 10 لل 18 ع حسب الدراسه ال اتعملت ف انتي شدي الهمه فيهم 
ومتنسيش تدعي دايما ف السجود اللهم اعني على طاعتك وشكرك وحسن عبادتك

Strawberry_67489 🇪🇬 · Answer

وكمان حاجه معرفش سمعتها فين بس كان شيخ بيقول ياما هتموت وانت بتصلي أو بعد ما تصلي 
ففكري دائما أن افرضي لو متي ومصلتيش صلاتك خليها دائما في بالك

Apple_68671 🇪🇬 · Answer

اقولك علي اسم برنامج حلو للصلاه وهيشجعك تصلي عاي طول

Strawberry_69449 🇪🇬 · Answer

يا ريت