كيف أعوض الصلوات الفاتت؟ ندمان على التقصير

Question

السلام عليكم ورحمة الله وبركاته 
الموضوع بدون مبالغه حياه او موت انا بطلب مستاعدتكم 
انا اقل من 3 شهور باذن الله واتم 19 سنه يعني مش صغير انا للاسف جه 7 سنين  بقطع في الصلاه   مش منتظم وسعات مبصليش انا عارف ده ذنب كبير جدا وغلطه كبيره وندمان عليها وباذن الله متتكررش المهم اللي عرفته انك لازم تعوض اللي فاتك من الصلوات انا سمعت آراء  بتقول
1/ انت مثلا صليت ظهر صلي معاه ظهر تاني وكل صلاه مثلا معاها واحده لغاية متخلص
 المده اللي انت مصلتهاش 
2/ الراي التاني ان اللي فات مبيتعوضش اصلا 
3/ الرأي التالت ان انت تعويضهم يكون بالنوافل 
كده كده كلهم يلزمهم التوبه اولا والاستغفار كتير جدا   بس انا حقيقي مش عارف اعمل ايه
ياريت اللي متاكد/ه من المعلومه يقولها ولو حضرتك جبت الحديث معاها يبقي كتر خيرك وشكرا مقدما لكل شخص 🤍

Toast_54689 🇺🇸 · Accepted Answer

انت بس انوي واستفت قلبك وبإذن الله هتقدر عليهم ربنا يعينك

Chocolate_58050 🇪🇬 · Answer

بص يا صديقي الصدوق انت لو هتقدر تصلي الصلوات بتاعتك معاهم صلاه من السنين اللي فاتت فده هيكون اكثر حاجه مثاليه واكثر حاجه كويسه جدا ليك ولكن لو انت مش هتقدر فانت تواظم على صداقات وتوازن على الاستغفار وربنا هيسامحك لان الاختلاف الاراء ده بيدل على اختلاف الوجهات النظر بين العلماء وانت بتقدر تمشي مع وجهه النظر اللي هتكون اسهل بالنسبه لك واحسن حاجه تعملها ان انت تسال في الازهر الشريف بناء على حالتك وكد

Chocolate_58050 🇪🇬 · Answer

واهم حاجه حتى لو قالوا لك ان انت تصلي الصلاه اللي فاتتك مش وقتها دلوقتي من وجهه نظري انت الاول تلتزم بصلتك نسبه 100% وساعتها بعدها نقدر نقول ان انت تصلي الصلاه اللي فاتتك اذا كانوا سبع سنين او حتى من ساعه ما بلغت او من وصلت ال 15 سنه

Chocolate_58050 🇪🇬 · Answer

واهم حاجه ان انت تتوب بجد وما ترجعش للذنب ده اللي هو ان انت تبعد عن الصلاه وتصلي بشكل منتظم حتى لو في البيت طبعا افضل جدا ان انت تصلي في الجامع 🙃

Chocolate_58050 🇪🇬 · Answer

ويا ريت في الاخر تصلي على النبي عشان انا كمان عايز حسنات مش انت لوحدك عايز تلتزم في الصلاه وتاخذ حسنات 🫠

Banana_18947 🇪🇬 · Answer

نصيحتي ليك إنك الأفضل إنك تسمع شيخ هيلخصلك كل حاجه عايز تعرفها 
ممكن الشيخ محمد حسان أو محمد حسين يعقوب أو الشيخ عثمان الخميس

Toast_54689 🇺🇸 · Answer

في راجل كبير فالسن جارنا عرفت انه بيصلي كل فرض مرتين عشان يعوض كل اللي فاته وانا شايفة انه عنده حجة ميعوضش بيها اللي فاته يعني كبير فالسنومقدرش يؤديها صحيحة يعني يركع ويسجد وهكذا  وفاق من غفلته متأخر يعني كان ممكن يقول ربنا غفور رحيم وهيرحم ضعفي وسني وهيغفرلي وانا توبت لكن خوفاً من انها تُحسب عليه بيعوض وسمعت عمر عبدالكافي قال حاجة حلوة اوي عن الموضوع ده كان بيقول انك تصلي اللي فاتك

Toast_54689 🇺🇸 · Answer

ولو مثلا موتت قبل ما تخلص اللي عليك هتتكتبلك كأنك عوضت والله اعلم الفكرة انه الصلاة دي الصلة بينك وبين ربنا ف انك تزيد صلاة خصوصا بعد ما بقيت تخاف ربنا وربنا يرزقك وتستشعر لذة الخشوع والقرب من ربنا هتحب الصلاة دي اعظم حاجة حالك فكل حاجة هيتصلح

Avocado_58229 🇪🇬 · Answer

انا سالت شيخ قالي الكذا سبب دول 
وذكر الآيه فَأَقِيمُوا الصَّلَاةَ ۚ إِنَّ الصَّلَاةَ كَانَتْ عَلَى الْمُؤْمِنِينَ كِتَابًا مَّوْقُوتًا (103) ان ليها ميعاد معين 
فتوب وارجع لربنا وممكن تعوض الشهر الي فات مثلا وتحتسب السنين دي عند ربنا وتصلي النوافل وقيام الليل والشفع والوتر وباذن الله خير

Potato_58453 🇪🇬 · Answer

ان شاء الله

Potato_58453 🇪🇬 · Answer

تمام بس الفكره يا صحبي محصلش ده وانا 15ده حصل وانا 12.5 تقريبا والفكره مش من اسباب قطعي للصلاه ده انا فاهم حضرتك  بس كلامك صح

Potato_58453 🇪🇬 · Answer

ذي مقلتلك ده كان ١٢.٥ والصلاه فرض من ١٠ سنوات

Potato_58453 🇪🇬 · Answer

اكيد افضل ان شاء الله ادعيلي يصاحبي 🤍

Potato_58453 🇪🇬 · Answer

😂🤍 صليت يعم وهدعيلك والله 🤍

Potato_58453 🇪🇬 · Answer

مهو الفكره ان معظم الشيوخ اختلفت بس هشوف دول حاضر

Potato_58453 🇪🇬 · Answer

بمعني اخد صلاه مع كل صلاه

Potato_58453 🇪🇬 · Answer

ان شاء الله

Potato_58453 🇪🇬 · Answer

ربنا يثبتنا جميعا

Potato_58453 🇪🇬 · Answer

اموت اكيد وانا بتوب احسن من ان انا اموت ومبصليص

Potato_58453 🇪🇬 · Answer

انا كنت ناوي اذود النوافل كده كده لفايدتها طبعا في الاحاديث ولان اذا  منها يعوض الفروض الفائته بس فككرت دول كنت هثىتهم باذن الله فقولت ازود صلاه يبقي انا زودت صلاه وذودت النوافل ان شاء الله بس مش عارف كده صح ولا لاء

Potato_58453 🇪🇬 · Answer

شكرا ليكم كلكم بجد 🤍🤍🤍

Potato_58453 🇪🇬 · Answer

انا كنت ناوي اذود النوافل كده كده لفايدتها طبعا في الاحاديث ولان اذا  منها يعوض الفروض الفائته بس فككرت دول كنت هثىتهم باذن الله فقولت ازود صلاه يبقي انا زودت صلاه وذودت النوافل ان شاء الله بس مش عارف كده صح ولا لاء

Banana_18947 🇪🇬 · Answer

أعمل برأي الجمهور ، ودايماً استغفر وطلع صدقه علشان بتطفئ غضب الرب ، وصلي سنن وكل لما تقدر تصلي صلي بنية انك تعوض اللي فاتك

Toast_54689 🇺🇸 · Answer

ايوة بالظبط بس انا مش مع انك تزود النوافل علي الاقل حاليا لانه لسة بتتعود ولو فمرة كسلت فكرة انهم كتير هتكسلك اكتر وهترجع من الاول تاني خلص اللي فاتك الاول ولو قدرت تجيب نوافل الفروض يبقي تمام اوي مع الوقت ربنا يحبب قلبك فالصلاة ويثبتك وتصلي وقت ما تحب وبالعدد اللي تقدر عليه كمان

Potato_58453 🇪🇬 · Answer

انا هحاول تحافظ علي النوافل وكمان صلاه بعد كل صلاه وربنا يتقبل ويسامحني

Potato_58453 🇪🇬 · Answer

ان شاء الله بس انا هحاول اعمل ذي مقولت تقيل اه بس خايف اموت وانا معوضتش فعلي الاقل ده يمكن دافع

Potato_58453 🇪🇬 · Answer

شكرا استاذ توست 😅🤍🤍

Toast_54689 🇺🇸 · Answer

العفو علي ايه يا استاذ بطاطس😂💗

Banana_18947 🇪🇬 · Answer

ربنا يعينك ويهديك لطريقه

Potato_58453 🇪🇬 · Answer

😂🤍