مش عارف انام وبتفكر كتير.. النوم قل

Onion_64725 🇪🇬

منذ 8 ساعات

شعور متعب

وبعدين ف قله النوم دي ممكن علشان لوحدي يعني المفروض ان الواحد مرهق من تعب يوم شغل طويل ورغم كدا لا حاسس ولا عارف انام ولا عندي احساس النوم والوضع مرعب ان من كتر التفكير الواحد مبقاش ينام بسهوله وحتي لو نام مبقتش اخد كفايتي من نوم وبصحي بسرعه بسبب كتر التفكير

طفولتي ضاعت عشان أحقق حلمي ووصلت لإنهيار

حابب اشارك معاكم قصتي القصيرة لعل و عسى حد يقدر يساعدني انا احمد شاب مصري عمري 21 سنة و كنت شغوف جدا من و انا طفل و كنت دايما عندي شعور داخلي اني عايز اكون حاجة كبيرة و اثبت نفسي في حياة و بيت شبه محطم بسبب قرارات الاهل الخاطئه اللي دايما بيتحملها اطفالهم …… المهم بدات اشتغل من سن صغير و كان عمري تقريبا 12 سنة اشتغلت في السباكة و الكهرباء و غيرهم حاجات تاني كتير و اشتغلت ابناء عاملين في مصنع لحد ما في مرة اشتغلت في شركة اسمها فكهاني في 2019 و كانت طفرة في حياتي ان الطفل اللي بيتهان من صحاب الشغل او بيفضل علي خط انتاج بالساعات اخيرا هيشتغل في مكان يليق بيه لاكن للاسف و علي غير المتوقع كان الموضوع صعب و مرهق جدا و خصوصا اني كنت مازلت طفل كنت في البداية عامل توصيل طلبات بروح مع عربية نوصل كل طلب للبيوت و طبعا شوفت اهانة من العملاء و تعب مقدرش اوصفة و مفيش طفل يقدر يتحملة لكن رغم كدا صممت و كملت و رفضت الاستسلام و بعد كدا في نفس الشركة اترقيت لعامل في الفرع و لحد ما وصلت اني مساعد مدير مخزن لكن كان بنفس الشكل الاهانة و التعب في المرحلتين اللهم الاسم الوظيفي اتغير فقط و بعد و كان الموضوع بيقتصر علي اني بشيل و احط و اتعب تخيل طفل وزنة لا يتعدى ال40 كيلو يشيل صناديق وزنها اكتر من 100 كيلو و رغم كدا اتحملت عشان اوصل لشغفي و حلمي و بعدها اشتغلت في شركة اسمها مدار كنت فيها مساعد مدير مبيعات و كان القسم كله مكون من شخصين فقط اصلا و كان الاسلوب عندهم عقيم جدا و بدون فكر لدرجة اني عشان اقدر اشتغل كنت لازم اعدي علي كل المحلات في المنطقة اللي كنت فيها و اقنعهم يشتغلو معانا لان الشركة كانت بتبيع بالتقسيط و بالفعل قدرت أغطّي محافظة كاملة علي رجلي من محل لمحل و كان الدافع الوحيد هوا شغفي و حلمي مع العلم ان كل ده و انا كنت في مراحل دراسية من ضمنها ثانوية عامة و الحمدلله مكنتش مهمل في الدراسة لحد ما سبت شركة مدار دي و اشتغلت في شركة اسمها مستر تيلور و حبيت جدا الناس اللي كانو فيها و كان ليا ذكريات حلوة هناك رغم اختلافي معاهم في نقاط كتير في اسلوب الشغل و ما الي ذالك اشتغلت في البداية مدير مخزن و لكن كنت بعمل كل حاجة في المخزن لان مكنش معايا حد وقتها رغم انهم كانو قايلين في 2 عمال مخزن و حطيت نظام و اسسته بالكامل و خليت كل المخازن الفرعية تمشي علي نظام واضح و بعدها اترقيت و اشتغلت محاسب فواتير و قدرت امنعلهم خسائر بمبالغ ضخمة جدا كانت بتحصل عن طريق السرقة ………… و من هنا بقى هيكون في نقطة فاصلة من دورها انها تغير حياتي كله لما عرضت علي مستثمر فكرة تطبيق كنت بحلم اعملة و كنت واثق من نجاحة و بالفعل الرجل مشكور وثق فيا و في قدراتي و اخذت منه مبلغ كبير و بدات اخيرا اقرب اني احقق حلم طفولتي و خدت الفلوس ر بدات ابحث عن مبرمجين ينفذو المشروع و لقيت اول مجموعة و بعد ما اتفقنا رفضو انهم يشتغلو علي المشروع لحد ما لقيت مجموعة تانية لكن للاسف كانو نصابين و اخدو مني مبلغ و كنت محوش فلو علي جمب خدتها عشان اعوض الخسارة اللي حصلت من النصب لحد ما لقيت شخص علي موقع مستقل من الاردن وعدني انه هيقد ينفّذ المشروع و كان الcv بتاعة يدل علي قدرته لكن للاسف برضو طلع نصاب و بعت بيتي و كل ما املك عشان اقدر أغطي الخسائر و التكاليف اللي ضاعت …….و في الوقت ده مجموعة تانية كلمتني عشان ادخل معاهم شريك في مشروع يشبه شركة مستر تيلور اللي كنت فيها في الاول و اني اشرف علي الإدارة عندهم بشكل عام و اخد نسبة مقابل مبلغ بسيط و مجهود و هي شركة TARZI و الحمدلله قدرت أدير الموضوع بشكل كويس في نطاق المطلوب مني……… و رجعت للتطبيق و بدات رحلة بحث طويلة جدا علي شخص يكمل المشروع لحد ما وصلت لمجموعة شباب من الجزائر كانو شغوفين جدا و انفقنا انهم يكملو التطبيق و استلمه منهم بعد 4 اشهر لكن للاسف شهر جاب شهر و للان التطبيق لم ينتهي و مش بس كدا لا طلبو فلوس زيادة و اللي هي مش موجودة معايا من الاساس و المشروع شبه متوقف ….و اصبح الوضع من اني شخص عايز ينجح و يثبت زاته لشخص كل املة انه ينام بدون تفكير و بدون توتر بدو شعور بالذنب بدون خوف من المستقبل بقيت كل يوم بستنى اللحظة اللي هتيجي و اقدر اخد فيها نفسي و ارتاح و يرتاح بالي و قلبي و تنتهي المعاناة و الالم ...عرض المزيد

2 الدعم

4 نصيحة

أمي مش فاهمة تعبي من الشغل وبتقولي ماليش دعوة!

كنت بس عايزه أسألك ع حاجه دلوقتي انا بنت ف منتصف العشرينات و بشتغل و باجي من شغلي تعبانه جامد علشان شغلي بيتطلب حركه كتير علشان بتعامل مع أطفال و برجع البيت العصر اساسا اقول مثلا لوالدتي عملتي الغدا تقولي لا لما تيجي انتي ابقي اعمليه اقولها اني طالع عيني في الشغل تقولي وانا مالي انتي اللي عايزه تشتغلي و لو قولتلها هقعد من الشغل تقولي هتصرفي منين و انا مش حمل اصرف عليكي و فعلا انا اللي بصرف ع نفسي و مؤخرا بقيت بنزل شغل إضافي علشان ازود المرتب علشان برده مش مكفي تقولي تيجي و تشتغلي ف البيت و انا ماليش دعوة و كل شويه تقولي انا مش خدامه عندكم و انا اقولها الموضوع مش خدمه قد مثلا مانتي عارفه اني ف الشغل و تعبانه و مش هقدر اجي اعمل اكل ف بتشيليني انتي ف الحته دي مش بترضى تسمعني و بتعتبر لما اني لما اقولها عملتي غدا ولا لا انا كده بتعدى الحدود واني مش بحترمها ف انا عايزه اعرف بس هل ده فعلا صح وانا غلطانه؟؟ ...عرض المزيد

2 الدعم

17 نصيحة