أنا مش عارفة اعيش بسبب دماغي ومحتاجة حل أنا واحدة من الناس كنت تعرضت لنقص أكسجين وانا صغيرة والدكاترة قالو لاهلي اني ممكن اطلع ولا تمام وكنت فعلا بعاني شوية وأهلي كل شوية بيكشفوا عليه ومركزين معايا جدا وبيحكوا لي قد ايه هما عانو معايا واني مش طبيعية ودايما بيقولوها لي في وشي وقدام الناس لدرجة اني بقيت فعلا مركزة مع نفسي وبشك في نفسي جدا وكل اللي حواليا شايفين مشكلتي الوحيدة بس هي الثقة بالنفس بس أنا بقيت شاكة بنفسي كل لما اشوف حاجة اشك في نفسي زي مثلا اني سمعت عن الشخص النرجسي شكيت اني نرجسية بالرغم من اني مش بحب نفسي ومش عاطية لنفسي اي أهمية اطلاقاً وانا رقم صفر في حياتي سمعت عن التوحد شكيت ان عندي توحد بالرغم من ان مفيش حد علق وانا وصلت لل٢١ سنة وانا اه كنت وانا صغيرة بخاف من الناس والتفاعل معاهم وكان عندي تاخر في الكلام بس دلوقتي بقيت لدغة ومش بخاف من الناس اطلاقا ممكن أكون اه مش بعرف أتفاعل معاهم بشكل طبيعي(اني أكمل محادثة لو اللي قدامي مش متحدث او ابدأها في الأغلب إلا بالإسالة البسيطة)بس بقعد كل شوية اشك في نفسي اني نرجسية ان عندي توحد او او او لدرجة شكيت ان عندي نقص انتباه وفرط حركة وانا أصلا كسولة خاااالص وكل اللي يعرفني هموت ويشوفني يتحرك كتير بقعد اقول أنا اه بقعد كتير بس يحرك رجلي كتير ودة فرط حركة وبقعد في استريس لايام وضغط نفسي كتير وعايزة حل صراحة أنا تعبت من نفسي دايما قاعدة زعلانة وبفكر بسبب الحاجات اللي زي دي

6

8