مش عارف أعمل إيه بعد التحرش والشهوة المتزايدة

Question

مساء الخير انا مش عارف احكي الامر دة لحد ولا حتى اهلي بس انا ولد وانا ١٣ سنة في حد اتحرش بيا واغتصبني
ومن بعدها الشهوة ابتدت تزيد معايا وانا بحاربها بكل الطرق الممكنة والموضوع دة حصل من وقتها وكنت نزلت دم كمان ... من بعدها وابتديت احس ان ميولي بتتجه للرجالة اكتر (انا مش حابب دة) وابتدت مشاعري تُكنّ ليهم بطريقة مؤذية فعليًّا ... وابتديت ادور ع رجالة ف برامج تعارف عشان اقعد ونتكلم وبالفعل عملت كدة وفي اللي قابلته وكان عنده مشاعر ليا كتير وكنت حوالي من رينج ١٥ ل ١٨ سنة ... ودلوقتي مش عارف اعمل حاجة نهائي ف حياتي الامر دة مأذم حياتي عشان ف مجتمع مش داعمه ولا دينيا سواء اسلامي او مسيحي داعمه 
انا عايز ابعد عن الهموم دي بجد مش عارف اعمل ايه وحقيقي محدش يقولي روح لرجل دين انا جربت رجالة الدين كلها ومنفعش ودكاترة النفسيين نفسهم عارفين ان الامر حتى مش مرض وملهوش علاج

Potato_65881 🇪🇬 · Accepted Answer

انت اتعرضت لإساءة عنيفة وكنت ضحية ف سن صغير ماعرفتش تدافع عن نفسك ولا ترفض ولا كان عندك معيار سليم للإنبساط من الإشتمئزاز من عدمه، محتاج تتابع مع مختص وتتعامل مع نفسك برحمة وتستوعب انك كنت ضحية ف وقت وحاليا انت بتحاول تكون ناجي ودا بياخد وقت وجهد واستمرار رغم تكرار الفشل والانتكاس .. لكن خليك مصدق انك تستحق تعيش حياة طبيعية 
فيه ترشيحات لمختصين كتير ف المسألة دي بس انت انوي وهتلاقي الرحلة تستحق

Orange_67643 🇪🇬 · Answer

لازم التغيير يبقي بادى من جواك انت ، لازم تكون متأكد من جواك انك فعلا عاوز تسيب الطريق ده وتتكلم مع ربنا وصلي وادعي ربنا أنه يقويك ويساعدك اتكلم مع ربنا بكل أريحية أن يارب كرهني ف الحاجة دي وشيل التعلق اللي ف قلبي ليها وان شاء الله ربنا هيساعدك وياخد بايدك

Mango_64408 🇪🇬 · Answer

حاول تلتزم بالصلاه وتشغل وقتك ب اي حاجه كا لغات او كورسات وقرايه كده

Strawberry_67953 🇪🇬 · Answer

انا حاولت بالفعل ومن جوايا عايز دة جدا، بس ربنا حاسه مطنشني مش سامعني ولا حتى فارقله ومش شايف اي تقدم كل ما ف الامر ان الامر بيبقى مكتوم جوايا وبس مبتكلمش فيه ولا بعبر عنه وان كان له مشاعر مش بتظهر

Strawberry_67953 🇪🇬 · Answer

شاغل وقتي كتير جدا لدرجة ان مش لاقي وقت اكل فيه ومش ببالغ ف الامر بس انا ف كل حاجة ونشاط قومي وحتى مع حمالات ضد التحرش وبقرأ وبكتب وبعمل كل حاجة تخليني اشغل دماغي ع طول ...

Orange_67643 🇪🇬 · Answer

لا ربنا مش بيطنشني ولا بيسبنا أبدا طول الوقت معانا بسربنا بيحب العبد اللي يطلب منه الحاجة كتير كل شوية وكل صلاة وكل وقت وادعي كتير ومتستسلمش نهائي حتي لو طال الوقت بس خلي عندك يقين وثقة ف ربنا أنه هيعدى بإذن الله

Banana_66333 🇪🇬 · Answer

الموضوع دا مش هتبعد عنه مره واحده لازم يكون في صديق مقرب ليك يساعدك على كدا يكون خايف عليك ويهمه مصلحتك انت مستمر لانك كاتم دا جواك وخائف من الاخراج ونظره الآخرين لازم يكون في صديق معاك تتكلم معاه ويساعدك في التخلص من العاده دي

Marshmallow_62359 🇪🇬 · Answer

لازم تروح تبدا علاج نفسي عمرك ما هتقدر تواجه دا من غير ما تحل المشكلة نفسها من جذورها فكرة المنع بتصعب الموضوع عليك اكتر و صلي و ادعي  لربنا متقلقش انت لسة صغير و الدنيا قدامك خد وقتك لحد ما تبقى كويس و ربنا يقويك و تعدي كل دا