مش عارف أحس بأي حاجه وحاسس بالإهمال من أقرب الناس

Question

مبقتيش عارف احس اي حاجه و حاسس اني مهمش ومحدش شايفني و مليش اي لازمه في حياه كل الناس اللي يعتبر كنت يوم جزء كبير من حياتهم و بقيت غريب وسط اقرب ناس اللي هما اصلا اخواتي وبقيت برتاح لوحدى و لما اقعد فتره منعزل مبقاش عارف اعيش وارجع احاول اعمل اي حاجه كويسه عشان يدخلني حياته و ممكن لو انا متكلمتيش أو مسالتش يوم محدش بيفكر اصلا 
ملحوظه كل ده حصل بعد ظروف مرضيه حصلتلي و قعدت فبها 4 سنين مشلول و محتاج خدمه و من وقتها والناس وقعو مني شويه بشويه.

Coconut_69473 🇪🇬 · Accepted Answer

انت تستاهل كل خير اعتمد علي ربنا وسيب الباقي عليه

Strawberry_67225 🇪🇬 · Answer

اولا الف سلامه علي حضرتك ثانيا الناس بتبان بالظروف فمتزعلش وممكن غصب عنهم حياتهم انشغلت سواء شغل او دراسه لو هما فعلاً كانوا كويسين معاك وبيحبوك اتصل اسأل عليهم حاول تجمعهم وتقعدوا سوا ولو هما ناس مش كويسه من جواهم يبقي خلاص متزعلش وابدأ شوف لنفسك حياه الحياه مش بتقف علي حد عموما

Kiwi_67415 🇪🇬 · Answer

الجأ لربنا ومتشغلش بالك بحد وارجع احسن من الاول وهاتلاقى الكل بدا يقرب منك

Popcorn_68662 🇪🇬 · Answer

الله يسلمك يارب 
بس الموضوع مش شخص أو اتنين ولما بقول اخواتي فهما اخواتي بجد بس هي أنا خدت صدمه في ناس كتير اوي يمكن ٨٥ %من الناس اللي كانو في حياتي 
هو ايوه انا اكيد مش ملاك أنا كنت شقي بس عمري ما كنت وحش مع حد منهم بالعكس أنا كنت بحاول ارضي كل ناس 
أنا آسف هو الموضوع اكبر من أنه يتحكي في بوست أو مسدج دول ٨ سنين و دنيا بتفشخ فيا وجابتني من سابع سما و نزلت نزلت ادفنت تحت الارض

Strawberry_67225 🇪🇬 · Answer

الحياه اي غير ان احنا نقع في ازمات عشان نتعلم ونشوف مين وحش ومين كويس اهم حاجه صحتك وبعدين اي حاجه تانيه قرب من ربنا وهون علي نفسك وابدأ شوف حياتك ممكن ربنا يبعتلك عوض جميل وكمان متنساش ان كل التعب ده والسنين اللي راحت من عمرك في ميزان حسناتك وربنا هيقويك وهيبعتلك ناس كويسه بإذن الله