مش عارف أتعامل مع بنت أول مرة وحاسس بالتوتر

Question

يا جماعه انا خاطب ودي اول مره اكلم بنت في حياتي بس مش مرتاح حاسس اني مضايق علي طول ومش عارف اوفيلها احتياجاتها ومش قادر  اتعامل معاها وهي مش عاجبها اني اول مره اكلم بنت وكل شويه تقلي كده انت عمرك ماتكلمت مع بنت وزنانه وطلباتها كتير بالنسبه لي وعايزه كلام ٢٤ ساعه في اي كلام فاضي ومش مقدره شغلي انا بقيت حاسس ان شخصيتي مش مناسبه للجواز او فيا عيب ومش بعرف اتعامل مع بنات بالشكل اللي هما عايزينه

Corn_26909 🇪🇬 · Accepted Answer

انت زي الفل ده طبعك وطبيعتك وده طبع وطبيعيه أغلب البنات وهي مش شبهك ف ياما تشوف اللي شبهك ومناسب ليك ياما تكمل كده وتحاول توصل لحل وسط يرضيكم انتو الاتنين وإتكلم معاها وفهمها ده

Cherry_52180 🇪🇬 · Answer

انت زي الفل بجد و متدورش ع خبره ف كلام البنات زي ما هي بتقول كده 
انت بالنسبالنا كنز نادر اوي و هي مش مقدره خالص اي حاجه من كلامك ف لو هتقدر تكمل كمل لو لا شوف حد شبهك ترتاح معاها

Mango_29955 🇪🇬 · Answer

انت مفيش فيك عيب بس هيا كدا البنات بتحب تتدلع عليك بما انك خطيبها قولها كلمتين حلوين راضيها كدت يعني

French Fries_61316 🇪🇬 · Answer

خليك على فطرتك يا صاحبي انت الصح وهما الغلط سواء كملت او ما كملتش متانبش نفسك إن المشكلة فيك انت تمام.. هي بس بتحركك شوية قولها كلمتين حلوين انت حاسسهم مش شرط تقول كلام الناس كلها بتقوله وما تقلقش بعد الجواز هتلاقيها هي اللي عاوزة تفصل م الكلام الكتير وهاتشغلكوا حاجات كتير ف تحديات الحياة فاستمتع بالوقت دا علشان كل لحظة فيه مش هاتتعوض تاني.. أسأل مجرب خطب و اتجوز واترمل كمان

Avocado_58229 🇪🇬 · Answer

انت طبيعي و١٠٠ فل وعشرة هي الي عبيطة سيبها وارتاح 
القلب ابصر من العقل

Mango_61480 🇪🇬 · Answer

صحبي انت مش فيك مشكلة انت شوف البنت الي مناسبة ليك والي بتحبك هتحبك زي ما انت مش هتفضل دائما تنتقدك مش أقصد خراب بيوت بس الخطوبة بتبين الواحد وانت مش قدرت تتحمل فترة الخطوبة فا هل هتقدر تتحملها في الجواز مظنش خالص فا انت لو مرتاح كمل لو مش مرتاح كل شيء قسمة ونصيب ودور علي بنت الحلال انت مش فيك غلط ولا فيك عيب انت راجل محترم بس أغلبية البنات اليومين دول بقو بيشوفو الموضوع بي نظرة مختلفة

Mango_61401 🇪🇬 · Answer

انت عادي طبيعي كده مين يستحمل يتكلم مع حد ال ٢٤ساعه ليه مش هتاكل تشرب تذاكر تشتغل 
دي مش طبيعة كل البنات بجد كل البنات ليها حياتها مش مقتصرة علي خطبيها أو جوزها الله 
إمتي مثلاً هتكلم باباها ومامتها صحابها 
إتكلم معاها براحه وفهمها أنه فيه جوانب في الحياه لازم نوفيها وكمان عشان هتزهقوا من بعض كده

Mango_61401 🇪🇬 · Answer

ي جماعه مينفعش حد يقول سيبها بجد مينفعش عشان اول حاجه حصلت كده اتكلم معاها حصل تفاهم تمام محصلش ابقي فكر بقي انتوا مناسبين ولا لا

Chocolate_59813 🇪🇬 · Answer

طيب متتكلم بجد لى بنجرى نسال برا ناس و انا اشيل و انت تشيل يمكن سنها صغير اول مره تكون مع حد هى كمان لسه مش عارفه طبعك اتكلمو قول إلى مضايقك و اسالها لو في حاجه بتعملها بتضايقك لما خلاص توصلوا انكم مش عارفين تحلو يبقى هى كويسه و انت كويس بس مش بعض و خلصت