مش عارف اتخطى شخص كنت بحبه جدا وكنت معتبره اخوياا وصاحبي وكان صاحب كويس وبيقف جنبي على طول في كل حاجه لاننا كنا في شغل واحد وكان دايما بيحللي مشاكلي والدنيا كانت ماشيه تمام لحد اما قالي على كل عيوبي واني لازم اغير من نفسي واني لازم احبب الناس فيا واغير من تعاملي وتصرفاتي وهو حاول معايا كتير وكان دايما بيزعل مني بسبب اني كنت بتكلم وكنت ممكن اطلع كلام يدايقه وهو كان حساس اي كلمه بتأثر فيه واتعاتبنا كذا مره وقالي لازم تفكر في الكلام قبل ما تقوله عشان محدش يزعل منك لحد اما حصل موقف بينا وقولته كلمه زعلته وقالي انا مش عايز اعرفك تاني وياريت اننا منتكلمش مع بعض عشان انت شخص مؤذي المشكله يجماعه والله اني مش قاصد كل دا انا تعبت من الحوار دا بجد ربنا خلقني كدا اعمل ايه وحاولت والله كتير اغير نفسي مش عارف المشكله اني بعزه جامد والله والمشكله اننا من نفس البلد ومتغربين في القاهره بنشتغل وهو قدام عنيا كل يوم وانا مش عارف اعمل ايه مكنتش متخيل اني هاجي في يوم واخسره والله بدعي كل يوم في صلاة الفجر انه ربنا يصلح بينا وياجي يعاتبني المشكله انه لما اتكلمنا وقالي متتكلمش معايا تاني مكنشي في الوش كان على الواتس وقالي لو جيت عاتبتني او كلمتني في وشي هرفضك وانا عمري ما رفضت حد.. بس والله يجماعه مش بإيدي انا بقيت اخاف اتكلم مع الناس عشان محدش يتأذي من كلامي ادعولي بالله عليكم وانصحوني اعمل ايه؟؟؟

7

6