تعبت من صحابي وعايزه ابعد عنهم بس مش عارفه ازاي

Question

مبقتش طايقه اى حد من صحابى وبقيت احس انهم بيستنزفوا طاقتى بشكل كبير انا تعبت وعايزه ابعد عنهم كلهم لكن مش عارفه بحاول استغل مواقف وابعد عنهم لكن مش بقدر عشان مش عايزه ابان شخص وحش قدام نفسى وبرجع اكلمهم تانى عشان ميزعلوش رغم ان محدش عمره عمل حساب لزعلى عايزه ابعد عنهم كلهم واشوفلى صحبه نظيفه وناس كويسه تدعمنى مش تهلكنى كده لو عايزه ابعد اعمل ايه يا جماعه بجد اتمنى حد يدينى نصيحه عشان تعبت اوى

Biscuit_50227 🇪🇬 · Accepted Answer

اختاري راحتك حتي لو هتباني وحشة 
طول منتي مش هتأذي حد بقرارك يبقي انتي مش وحشة ولا مؤذية، بعدك عنهم دا نجاة ليكي واختيار لراحتك مش تصرف يأذيهم 
ابعدي عنهم حتي لو هتفضلي لوحدك هيكون احسن من قربك ليهم حتي لو مش بيعملوا حاجة تزعلك بس انتي مش مرتاحة ف قربهم حقك تبعدي بردو كل واحد بيختار راحته ودا مش ظلم ابدا للتانيين ولا غلط

French Fries_32710 🇪🇬 · Answer

بصي لو انتي متأذية فعلا منهم صلي استخارة شوفي و يستحسن في الحالة دي انك تبعدي عشان نفسيتك كده هتتعب و انتي مش هتكوني وحشة ولا حاجة زي ما هما اختاروا تعاملهم معاكي او انهم يكلموكي كده خلاص دي حريتهم انتي كمان ليكي حريتك انك تبعدي او تفضلي و الدنيا مخلصتش في ناس كتير تقدري تصاحبيهم يا ستي و متحسيش بالذنب لأن كده انتي عملتي الصح احسن ما يفضلوا يستنزفوكي و يخلصوا طاقتك و شغفك و كمان انتي اللي تكلميهم!

Chocolate_35591 🇪🇬 · Answer

طالما بتتاذي منهم دول مش صحاب اصلا و كمان اتعودي لو حاسه فى اي مكان أنه مش ده مكانك و عدم راحه و فيه كمان استنزاف طاقه اكيد لازم تبعدي و انت كده مش غلط ولا وحشه ولا بايعه ، اهم حاجه راحتك نفسيه

Potato_42683 🇪🇬 · Answer

بصى انا كنت كده بردو بحس انهم مش بيحبونى و انى انا اللى محافظ على صداقتنا و انا مش فارق معاهم بس واجهتم بده و عرفت كل واحد فعلا على حسب رد فعله معايا كان عامل ازاى
ممكن تكون ظروفنا مختلفة بس حاولى اعملى ده كمحاولة اخيرة ممكن كلامهم يزعلك فعلا بس على الاقل مش هتندمى او تفضلى حاسه باحساس ذنب انك سيبتيهم