مش بحس بطعم الأكل ولا بعاطفة.. بس متشد ليه

Coffee_71897 🇪🇬

منذ أسبوعين

شعور ضائع

أنا واحد بعد مشاكل كتير قررت احكم العقل في كل حاجه حرفيا مبقاش ليا اي عاطفه من ٢٠٢٠ تقريبا حتي ما بقتش بحس بطعم الاكل حتي بقت كل الايام زي بعضها فجاه حلمت بحد أنها هتبقي مراتي برغم اني حرفيا مليش عاطفه وأنه بقالنا حوالي خمس سنين ما بنتكلمش وعمرنا ما كنا حبايب كنا صحاب بس والظروف بعدتنا الا اني بلاقي نفسي متشد ليه وببقا شويه فرحان أنه حتي شاف استوري أو عمل لايك او اني احس انه ملاحظ اني مراقبه بس أنا بعمل كل ده ليه أنا حتي مش عايز تبادر واكلمه أو اعرف اي حاجه بشوف استوريهات وانستا وبس مش عارف ده جنان ولا ايه بس انا فعلا مش بحس بحاجه غير الحوار ده انا حياتي صعبه ومتعقده ومستحيل حد يقبل بيا اصلا اعمل ايه ؟؟؟

اتسابت عمياني.. وجع الهجر والظلم

انا اتسابت ب اسوأ الطرق ، مش خيانة ولا جوستينج ولا الكلام الاهبل ده، انا اتسابت عمياني اللي هو زي اما تكون بتسحب دوا من جسمك من غير ماتاخد بالك، قعد يطلع فيا عيب والتاني و يلف حوالين مشكلة ما عشان اتغير عشانه وياعالم لو كنت اتغيرت كان هيفضل ولا لا، كنت مصممة اني صح وهو مصمم اني غلط ودافعه هو الحب، لما "فاض بيه" و زهق من الخناق بعد شهور قرر انه يستغنى عن العلاقة وقالي انه تعب ومابقاش قادر في حين ان انا اللي اتظلمت واتاخدت على خوانة، مهانش عليه يفكر فينا يفكر فكل حاجة كنت بعملها وكل حاجة استحملتها عشانه عشان مشكلة تافهة ، طلعني قدام كل اهله وصحابه ان ياعيني هو مقطوع جناحاته وانا شخص عنيد مفيش فيا فايدة، طب ليه؟ ليه دا انا حبيتك و اتنازلت عن مليون حاجة وعن كل حاجة استحقها بس عشان ابقى بشوفك ولا اقابلك ولا نفضل نكمل لحد ماتوصل للي عايزه وتديني وقتها اللي استحقه، لا طلبت حاجة ولا كنت طماعة زي البنات التانية استحملت واستحملت وفالاخر تسيبني؟ يتقالي نفضل صحاب وفضلت على امل شوية منك احسن من عدمه لحد ما اتهزمت وخدت الخطوة ومشيت وقطعت الكلام، محاولتش تتكلم؟ بتقول انك اتأذيت مني انا؟؟؟ طب ازاي والله انا هتجن وكل يوم بفكر فيك وبتصعب عليا نفسي و كل حاجة بحس اني كنت عايشة ف كدبة يعني ايه ده كان حقيقة ولا كل ده اي كلام طب انت حبيتني ولا انت معمول من ايه وليه لسة متعلقة بيك ونفسي تحس بكل وجع انت مسببهولي دلوقتي بس انت وحشتني اوي انا تعبت من غيرك و بيك ومش عارفة اعمل ايه.. ...عرض المزيد

4 الدعم

5 نصيحة

إمام جامع مقهور من الفرح والزواج

اخباركم ايه بشتغل إمام جامع وحاجات تانية كتير المهم صحاب العمارة اللي فيها الجامع بيجوز ابنه ابنه بقى في تانية جامعة ولسه مشتغلش انا اولى كلية زي ما قولت انا بشتغل إمام في الجامع ومصور محاضرات ودروس دينية وإداري في معهد تحفيظ قرآن المهم اني بعمل كل ده والحمد لله ربنا بيكرمني والشهر بيخلص قبل ما مرتبي يخلص بس اول مرة احس اني مقهور على حالي انا الحمد لله راضي بأي حال وبدور على الجنة بس انا اتحرمت من حاجات كتير وانا صغير وابسطت حقوقي ماخدتهاش امي اتوفت وانا داخل امتحانات ٣ ثانوي واجلت وابويا جاي منظر في حياتي بس مش عارف انا ممكن افرح زيهم كدا واتجوز في يوم من الايام ولا لا بس حقيقي كل ما بسمع زغاريطهم قلبي بيتقبض وبتحسر على حالي ...عرض المزيد

3 الدعم

10 نصيحة