تعبت من طلب زوجتي للكلام وأنا رجل أفعال

Question

مراتى عايزة طول الوقت كلام حب وحنان ومشاعر 
وانا راجل أفعال لا اقوال 
وفعلا تعبت نفسيا  لدرجة انى اوقات بعمل العلاقة معاها إرضاء ليها هى  انا مش عايز حاجة    انا تعبت بجد

Apple_65355 🇪🇬 · Answer

ما تقول لها كلام وتعمل الهي عوزاه .. يعني كمان حتي العلاقه بتعملها علشان ترضيها مش علشان انت عايز .. واكيد طبعا هي حاسه ب ده ... نصيحه احتوي مراتك بدل ما غيرك يحتويها وفي الاخر تطلق ولا ترتكب جريمه فيها تحت مسمي بدافع عن شرفي وعرضي .. النت مخلاش وفرصه انها تدخل تكلم شاب كبيره ومتاحه وسهله وساعتها انت الممكن تندم علي تقصيرك ده وانك بتعمل الحاجه علشان ترضيها مش علشان عايز تعملها واكيد هي بتحس بده

Banana_66468 🇪🇬 · Answer

انا عارف ان ضغوط الحياه والمسئوليه هي السبب

Apple_66068 🇪🇬 · Answer

فين بس نلاقي زيها تاني حافظ عليها ميش هتلاقي زيها تاني

Marshmallow_65283 🇪🇬 · Answer

حاول تتكلم معاها بهدوء وبطريقه شيك مثلا خدها في كافيه او مطعم او حتى قعده حلوه في البلكونه بليل واتكلم معاها ،اكيد هتتفهمك وان الحياه ومشاكلها كتيره ومأثره عليك بس كدا علاقتكن لو. اتسمرت كدا هيحصل بينكم جفا ،وانت يا عم كمان حاول تقولها الكلام اللي هي عايزاه ،البنت بتحب بودنها

Chocolate_64366 🇪🇬 · Answer

طب و انت بتحبها؟

Ice Cream_64733 🇪🇬 · Answer

حاول تعبر عن مشاعرك بطريقتك ممكن رسايل صغيره ممكن في ورق ممكن كاردز جاهزه ممكن قلوب صغيره مرسومه شوية شوية + تفكيرك غلط الرسول عليه الصلاة والسلام وصانا ان احنا نظهر الحب والمودة مينفعش تعاملها بالجفاء دا تحت مسمى الرجوله لان الرجل الحقيقي بيسند مراته ويبسطها عاطفيا ويخليها متحتاجش حاجه ومتزعلش منه خالص واصلا كونها بتطلب منك الحاجه دي دا حاجه جميله جدا بتبين انها بتحاول معاك انها تحسن العلاقه

Ice Cream_64733 🇪🇬 · Answer

متحسبش ان اظهارك للمحبه دا ليها بس دا بالعكس هيغير احساسك انت كمان هيخليك راضي ومبسوط ومتقدر وسعيد وعايش حياة كلها حب وسعادة ورحمة ابحث عن الموضوع وخد خطوة فيه واقتدي بالرسول برضو ابحث هو ازاي كان بيعامل زوجاته ويمدحهم ويغازلهم الموضوع جميل اوي ليه ترفضه؟ مبيقللش من رجولتك عادي خليك رجل افعال واقوال وطبعا منغير الكدب خالص مجرد تعبير بمشاعرك الايجابيه

Lemon_65949 🇪🇬 · Answer

المرأة تعشق بأذنها ....
مهما كانت مسؤلياتك ..
حاول تشبع رغبتها في انها تسمع منك كلام حب ودلع  
وإلا ................ ممكن تخسرها
حافظ عليها