محروم من بناتي 10 سنين وطليقتي منعتهم عني

Question

محروم من بناتي بقالي ١٠ سنين عملت كل حاجة عشان اشوفهم و طليقتي منعاهم عني و كرهتهم فيا و بتقول عليا كلام مش مظبوط بالكدب 
انا بناتي ميعرفوش اني حاولت و بحاول ان اشوفهم .. هي بتكدب عليهم و بتقولهم ابوكو مش عايزكم 
بناتي ميعرفوش اني ببعتلهم فلوس و بتقولهم ابوكو مش عايز يصرف عليكو 
بناتي ميعرفوش ان امهم رفعت عليا قضية زور و كدبت قدام القاضي عشان اتحبس و ربنا نجاني في اخر دقيقة 
انا خايف اموت قبل مابناتي يعرفو الحقيقة .. خايف يدعو عليا بعد ماموت .. خايف اكون اذنبت و انا مش واخد بالي 
انا بتعالج نفسيا و بطلت عشان حاسس ان مفيش فايدة 
مش عارف اعمل ايه

Cherry_68944 🇪🇬 · Answer

ادعي ربنا كتير وبعدين اعمل قضيه رؤيه ولو منفذتش هتتعاقب قانونيا والبنات كدا كدا هتكبر وهتجتالك وتدور عليك متقلقش

Marshmallow_51225 🇪🇬 · Answer

ربنا عالم باللي بتعملو والله ودا عند ربنا كبير وان شاء الله هما مع الوقت هيقدرو يعرفو

Croissant_69575 🇪🇬 · Answer

عملت رؤية و منفذتش .. كل اسبوع كنت اقضل مستني ساعتين عنيا رايحة جاية مستني اشوف حد منهم مكنوش بيجو و اللي عرفته انها نزلت بالبنات و راحت مكان تاني و قالتلهم شوفتو ادينا نزلنا و هو اللي مجاش عشان تبان قدام البنات ان انا اللي مقصر 
دة غير الاذى النفسي للطفل في جلسات الرؤية حاجة سيئة جدا كاننا قي سجن انا كنت بتمنى ييجو بس في نفس الوقت نفسي مايعشوش التجربة السيئة دي

Croissant_69575 🇪🇬 · Answer

انا فقدت الامل اني اشوفهم .. انا نفسي بس ربنا يرضى عني قبل ماموت و يسامحني لو اذنبت في حقهم و انا مش واخد بالي

Marshmallow_51225 🇪🇬 · Answer

هيرضي عنك ان شاء الله

Pineapple_44471 🇪🇬 · Answer

طالما حاولت ومش عارف توصلهم لو هما بيروحوا دروس استناهم وخدهم كافيه او حاجه وكلمهم وقولهم ع كل حاجه و ده لو سنهم كبير شويه لاستيعاب الكلام

Croissant_69575 🇪🇬 · Answer

يارب

Croissant_69575 🇪🇬 · Answer

من حوالي ٥ شهور لقيت اكونت لبنتي الكبيرة تالتة اعدادي .. امها شايله اسمي من اسم بنتي و حطه مكانه اسم جدها ابو امها .. المهم بعتلها و عرفتها انا مين و قعدت اوضحلها الموضوع و قولتلها يلا نتقابل و هجبلك كل اللي انتي عايزاه و للاسف اتهمتني بالكدب و مصدقتش كلامي و صدقت كلام امها و رفضت تقابلني و عملتلي بلوك

Pineapple_44471 🇪🇬 · Answer

لا حول ولا قوة إلا بالله بص حضرتك هو لازم تفضل تحاول لأخر نفس عشان تبقى عملت اللي عليك و زيادة قدام ربنا و زي ما قولت لحضرتك ممكن تستنى البنت الكبيرة لما تخرج من الدرس وتتكلم معاها تابع مع المدرسين بتوعها وياريت تكون مدرسة هي بتحبها وكلمهم ف النقطة دي عشان يساعدوك تتكلم وتقرب من البنت

Croissant_69575 🇪🇬 · Answer

اكيد ان شاء الله هحاول تاني .. بس انا ظروفي مش متظبطة اليومين دول بسبب بردو قضية مامتهم رفعاها عليا .. فذهني مشتت جدا .. هخلص من الموضوع دة و استقر كدة و افكر في طرق تانية و ربنا كريم

Biscuit_69726 🇪🇬 · Answer

ربنا يروق بالك ويسهل لك امرك ❤️

Croissant_69575 🇪🇬 · Answer

اللهم امين يارب و اياكم

Donut_56598 🇪🇬 · Answer

ربنا مش بيسيب حق حد ابدا مهما حصل .. حاول تشوف في القانون ازاي تشوفهم تاني و ان شاء الله هيفهموا كل حاجة

Croissant_69575 🇪🇬 · Answer

عشان اشوفهم تاني بمشي في قضية انها امتنعت عن الرؤية و لو عرفت اثبت كدة  ساعتها الحضانة هتتنقل لماماتها للاسف القانون بيقول كدة .. يعني ولا كاني عملت حاجة 
القانون للاسف ضد الاب قانون ظالم

Croissant_69575 🇪🇬 · Answer

ان شاء الله خير 
مع حضرتك