ليه سبنا بعض ونزل عن العلاقات المؤذية؟

Q: هل عادي إني أقفل اليوم كله من كلمة "بس" أو نظرة؟

هو عادي لما يبقي حد من صحابي فيه حاجه وجعاه و احس اني عاجزه و مش عارفه اعمله حاجه بجد بحس اني عاجزه و انا شيفاه كده و مش شرط تكون في حاجه وجعاه لو هو مضايقه او زعلانه بحاول اخليها تفك شويه بس مش بينفع و حصل موقف ان في واحده من صحابي كانت رايحه المدرسه كانت زعلانه و قالت علي الجروب محدش يقولي مالك و كده ف قولنالها ماشي راحت المدرسه و كانت شبه كويسه و انا بحاول اخليها تفرفش بس مش نافع و بصتلي بصه و بعديها سكت انا شخصيتي فرفوشه و بحب الضحك و تافهه و مش بحب حديبقي زعلان او مضايق بس لما اللي قدامي قولي بس او يبصلي بصه اللي هو بس بقي ببطل و بقفل باقي اليوم و بيبقي مليش نفس لاي حاجه هل عادي احس اني عاجزه؟ هل لما حد يقولي بس او يزعق او بمجرد بصه اقفل باقي اليوم و يبقي مليش نفس لاي حاجه؟

Q: بحبها بس مش بتهتم بيا زي ما بهتم

انا مش عارف اعمل ايه انا بحبها وهي بتحبني ومديها اهتمام وحب من قلبي واللهِ بس ساعات بلاحظ انه مفيش اهتمام فيا من ناحيتها يعني بيعدي اليوم من غير ما تبعت عادي وساعات بتكون مهتمة جدا وبتحبني وكل حاجة وبتسأل عليا يعني النهاردة عدا ومشفتش منها مسج واحد مع انها خرجت وم قالتلي وكان عندها صحبتها وم قالتلي قالتلي لما صحبتها روحت انها كانت عنها ولما رجعت البيت قالتلي انها كانت خارجة وانا كل دا بستنى مسج منها وكل يوم بلاحظ انها مش بتهتم بيا ولا بتسأل غير لما انا اسأل ، بحكم الحياة الي عايشينها مش بنتكلم كل يوم بس ع الاقل تسأل تطمن تقولي هي بتعمل ايه وم بتعملش ايه ودايما تحجج انها م شافت الموبايل ومكنش معها ودايما موبايلها مش معاها دي بتقعد نص اليوم من غير ما تمسك الموبايل وانا طبعا بكون باعت ليها ومش بترد بحجج الموبايل وكدا ،انا بحبها وهي بتحبني انا عارف ومتاكد بس ليه مش بتهتم زي منا بهتم ليه مش بتسيب الي ف ايدها وترد عليها زي منا بعمل صارحتها بس قالت مشفتش منتبهتش وهتهم بيك اكتر وم عارف ايه

Question

محتاجة افهم حاجة علشان بجد متضايقة 
سبنا بعض من يومين ليه ينزل استوري يتكلم فيها عن العلاقات المؤذيه واد ايه كان مش مرتاح معايا ويعملي mute على الاستوري دي طبعا عرفت من الاصدقاء المشتركين بيننا  
ده معناه ايه ؟؟

Popcorn_53700 🇪🇬 · Accepted Answer

بالزمة دي حركات رجاله بلا هم 
الموضوع لسه سخن و دا يتوقف عليكي انتي لو عايزه تنهي بجد او لو عايزه تربيه شويه و بعدين ترجعيله و في تلك الحالتين التزمي الصمت و اتفرجي من بعيد بس ماتعمليش اي ردة فعل لا معاه ولا مع الاصدقاء المشتركين خليكي على وضع الطيران و الله دا هيجننه اكتر

Peanut_51983 🇪🇬 · Answer

عايش في دور الضحية 
ابقي حطي لاف للستوري 😂😂

Coffee_61616 🇪🇬 · Answer

عاملي Mute كل الناس تشوفها إلا أنا 🤣

Pistachio_26702 🇪🇬 · Answer

سوري يعني بس دا معناه انه عيل وهيبدأ شغل عيال بقي ويلقح عليكي عشان الكلام يوصلك زي كدا وتدخلي تكلميه ف انتي متهمتيش ومتحاوليش متعرفيش حاجه عنه ولا بيعمل ايه وبينزل ايه لا فكك منه خالص وسيبيه مع نفسه كدا

Peanut_51983 🇪🇬 · Answer

اصلا ده تصلي ركعتين شكر ده عيل يابنتي

Ice Cream_61738 🇪🇬 · Answer

معناه انك لسه متعلقه بيه ومتبعاه ومش عارفه تتخطي العلاقه
طول ماهو عارف انك متبعاه مش هيسكت ويحاول يضايقك وينتظر رد فعلك
حاولي تتخطي العلاقه دي واقلبي صفحه جديده في حياتك واشغلي وقتك باي حاجه غيره
لما يعرف انه معتش في بالك ولا يهمك هيسكت ويختفي

Orange_61792 🇪🇬 · Answer

معناه انكم عندكم انتوا الاتنين  مشكله لكن هو بس بيسبق بالقاء اللوم، جايز يكون بيفتري و جايز يكون معاه حق،
المفروض بعد انفصال نهدى و نفكر و نحاول نحل سبب المشكلة 
التسرع في نشر الخبر و تنزيل استوري و الحركات دي بتقطع اي طريق للرجوع

Coffee_61616 🇪🇬 · Answer

حاضر حعمل كده ،، بس حرقلي دمي بجد 
ايه لازمتها يعني

Coffee_61616 🇪🇬 · Answer

لا أنا ولا كأني شوفتها بس بجد اتضايقت جدا جدا ليه يتكلم عني وحش يعني

Coffee_61616 🇪🇬 · Answer

لسة متعلقة بيه للاسف 
بس بحاول اتخطاه ادعيلي

Coffee_61616 🇪🇬 · Answer

مش حيفرق مين صح ومين غلط النتيجة واحدة ،، بس يحترمني ايه لازمه الهبل ده يعني وتلقيح الكلام  اللي استفزني اكتر أنه عاملي اني مشوفش أنه بيشتمني

Coffee_57829 🇪🇬 · Answer

ايا كان مين كان المؤذي في العلاقه بس التلقيح. مش اسلوب رجال

Orange_58845 🇪🇬 · Answer

معناها ان انتو الاتنين كنتو بتأذو بعض جامد وده مش عيب فيك ولا فيه بس انتو منفعتوش مع بعض المفروض انك تكملي حياتي عادي هيتنسي زي ما كل حاجه بتتنسي  الرجاله ممتتش يعني هتلاقي الي يصونك