كل محاولاتي فشلت ومفيش فايده من العلاج

Question

كان نفسي اقول اني بطله و طلعت نفسي بنفسي بس للاسف كل محاولاتي فشلت خرجت و اتفسحت و اتعرفت علي ناس و اشتريت كل اللي نفسي فيه و برضو مافيش فايده، مافيش حاجه فادتني و انا عايشه لحد دلوقتي بسببها الا اني روحت لدكتور و مشيت سنه علي علاج دوائي

Pumpkin_27876 🇪🇬 · Accepted Answer

انك استعتني بمساعده دكتور ده مش معناه ابدا انك ما طلعتيش نفسك بنفسك. طبعا لا انت بطله انك عرفتي تتغلبي على الاكتئاب. حتى لو ده بمساعده حد. في ناس بتعمل اكتر من اللي عملتيه لاكن مش بتكون عندها القوه و الإرادة الكافيه للتغلب على الاكتئاب. فخوره بيك

Apple_27889 🇪🇬 · Answer

و اي سبب الاكتئاب

Ice Cream_28013 🇪🇬 · Answer

+11111

Avocado_28043 🇪🇬 · Answer

الاكتئاب نوعين، واحد بيبقي لسبب صريح (حد فلس، فقد حد عزيز عليه، مشكله ما.الخ) و في نوع بيبقي تراكمات كتير لدرجه انك مابتبقاش عارف سبب محدد، بس يعني لو هيجاوبك انا شخص عاش عمره كله يجري ورا الناس عشان يحبوه و في الاخر ايقنت اني شخص ميتحبش، لا من حبيب ولا حتي صديقه، ٢٥ سنه ماعملتش صاحبه واحده تحبني، عندي اضطراب قلق مخليني غير قادره علي اني اخش انترفيو و اشتغل ، احساس قهري بالفشل من كل النواحي🤷🏻‍♀️

Chocolate_27766 🇪🇬 · Answer

العلاج بجد احسن خطوة ..انا بقالي سنة و شهرين بتعالج من القلق و الوساس القهري و اتحسنت الحمدلله..يمكن الغلط ف اننا بنفكر اننا لما نتعالج لازم كل الايام تبقي حلوة و نكون بكامل طاقتنا و دا مش واقعي بالمرة

Coffee_28070 🇹🇳 · Answer

انك ستعنتي بدكتورة ده يعني انك عندك ارادة و قوة في التغلب على الاكتئاب ده يعني انك قوية 😍
و مفيش اي حرج انك طلبتي مساعدة من حد و خاصة عنده خبرة في المجال دا يخليك تتعالج في اقرب وقت 😍
انا فضلت 3سنين على العلاج كان عندي إكتئاب و ارق بس  الحمد الله 😍
واصلي انا فخورة بيك 🥰
و تأكدي كل حاجة بتعدي