متي تصبح العلاقة غير صحية ؟ لما تلاقي نفسك جنب مشاعر الحب الجميله حاسس بشعور الإجهاد والفرهده دايما مطلوب منك حاجات والا تبقي مقصر دايما مطلوب منك تشرح نفسك بدل المره الف مره دايما مطلوب منك ان تفهمه وتقدره وتتفهم طبيعته المختلفه دايما مطلوب منك تبقي متاح موجود حاضر لما تلاقي نفسك بتنسحب من كل دوايرك وبتطوف حواليه لما تكتشف ان المكسب الوحيد اللي بتاخده من العلاقه هو مخدرات اسمها :- ((انت الوحيد اللي فهمتني واحتويتني وانت بس اللي بطمن معاك )) مع مرور الوقت بتفقد نفسك داخل العلاقه بتتفاجأ انك بتتحول لسفنجه او مرهم ملطف انما اكيد مش انسان طول الوقت مجهد ومرهق ومقصر زي ما تكون في سبق كده انت داخله ما بيخلصش في حب واشتياق اه مش هقولك لا لكن اكيد مافيش حاجه اسمها راحة بال ولا سكينه

1

2