خدعتني وخطيبتي وبقت مكره البنات

Apple_76117 🇪🇬

منذ 17 ساعة

شعور مكسور القلب

كنت خاطب بنت قريبتي كنت بحبها جدا و مكنتش حارمها من حاجه بعملها الحاجه قبل ماتطلبها بعمل حتي حاجات مش مطلوب مني عملها وقت الخطوبه بس كنت بقولها احنا الاتنين واحد و انا معنديش في الدنيا حد اغلي منك في يوم جيت لقيتها بتتكلم معايا في نقطه الفرح هيكون في قاعه ولا لا ف قولتلها ربنا يسهل و نحدد الدنيا هتمشي ازاي لقيتها بتقولي مهو مش هعمل فرح انا الا في قاعه قولتلها ربنا يسهل يا حبيبتي نخلص دنيتنا ونشوف وقتها بعديها بيومين كنا خارجين وقاعدين علي كافيه لقيتها بتقولي انا بقالي شهر حاسه اني مش بحبك و انا بظلمك كدا معايا حرفيا الشرم9طه خلتني اجيب كل حاجه في الشقه و اوضبها و هي مجبتش معلقه حتي في جهازها و فالاخر فركشنا بعدها ب اربع شهر تقريبا جيت لقيتها اتخطبت انا بجد نفسيتي تعبت اوي بسببها اتغيرت جدا بعدها كنت انسان بحب كل الناس و مبعرفش اكره حد دلوقتي كرهت كل البنات لدرجه اني احيانا بحس اني ميولي اتغيرت مبقتش طايق البنات كلها انا عارف الناس هتفتكرني ببالغ بس فعلا هي استنزفت كل مشاعري مبقتش عارف احب ولا عايز كل العايزه جnس و بس.. اعمل ايه عشان انسي قبل ما ادخل في سكه وحشه معرفش اخرج منها

خطيبي فقد الشغف وسبني! أنا السبب؟

انا كنت مخطوبه لواحد قريبي كان بيحبني ف الاول ويقول كلام زي بريل عليكي ومجنناني والكلام ده ولو قدامي كنت اغتص...وكلام من ده بعد كده بدا يلمح بحاجات اكبر بس مكنتش بتكلم معاه ف الكلام ده كذا مره لحد ما قولتله انا سمعت شيخ بيقول المفروض تعامل خطيبتك كانها اختك وتحافظ عليها وهو اتغير من بعدها مبقاش يرن ( احنا اصلا ف العادي بحكم الجيش كنا بنتكلم مره واحده ف الاسبوع واوقات مرتين ) بس كانت ساعه ونص ف كنت بقول عادي بقيت ارن انا ميردش عليا ابعت الرساله يتاخر ب ٧ و ٨ ساعاات هو بيشتغل ميديكال ريب وكان بيقولي انه مشغول اقوله مفيش دقيقه اطمن عليا فيها يقول مفيش وارجع انا اكلمه عادي كل ده شات اوقات كان يلمح للكلام بتاعه ده وارجع اصده بهزار بردو عشان ميتقفلش ( لان كنت حاسه لو قولتله ياتسكت ي نفركش مكنتش حاسه انه هيختارني ) فضلنا ع موضوع مشغول ده من شهر ١٢ لحد العيد الصغير كنت بطلب منه يقولي كل سنه وانتي طيبه حتي قالي هتيجي ف وقتها قولتله حاسه اني بشحتك حرفيا قالي متشحتيش ( فانا جه ف دماغي انه كان بيعمل كده كعقاب ليا عشان كان اوقات يقولي قوليلي ي حبيبي مثلا او بحبك ف ريكورد او كده وانا كنت بتحرج اقول ) فقولتله شكرا وتاني يوم مكلمتوش ف دخل ع العشا كده قالي كل سنه وانتي طيبه رديت عليه وبقوله انا زعلانه من امبارح كنت فاكره هترن عليا تراضيني قالي انا وصلت للي فيه ده بسببك بسبب زعلك وقمصك ( وانا اصلا اقصي حاجه ممكن ازعل منه ٣ او ٤ ساعات وارجع اضحك تاني ) والفتره اللي فاتت كلها كان بيقول كلام سم وانا ببلعه عادي المهم اتعاتبنا واتفقنا ع حاجات هنمشي عليها بعدها والدته كانت مسافره ( والدته دي محضرتش الخطوبه عشان اهله بره مصر ورجعت بعد الخطوبه بسنه ومجاتليش تسلم عليا وعزمناها ف رمضان مرضتش تيجي قالتله والله مانا رايحه معاك ف حته ولا عزمتني هي ولا كلمتني ف العيد ولا جاتلي مع ان بيتهم ف الشارع اللي ورانا وانا اللي كلمتها ف العيد قالتلي نسينا نقولك تيجي تصلي معانا ) المهم اول ما سافرت قالي حقك عليا وانا مقصر معاكي وتعالي نخرج وخرجنا واتصورنا وانبسطنا بعدها باسبوع يقول مش مرتاح ومش عارف ياخد قرار واتفقنا ندي لنفسنا فرصه تانيه وهو قالي مش متخيل نفسي مع حد تاني وسالته لسه بتحبني وناوي تصلح قالي ايوه واتفقنا بعدها جالي وروح كان كويس وبيتفق معايا نعمل سيشن ف فرح اخته بعدها قعد شهر مجاليش وجالي ف العيد الكبير جايبلي حلويات بحبها وانا كمان جبتله وقعدنا نهزر ونضحك وروح بعتلي اغاني وكلام حلو حتي يومها بيقولي الراحه الكليه هتبقي ف الشقه ف قولت اهزر معاه واقوله ايوه احنا الاتنين بقي قالي انا بس انتي كده كده مش فارق ! بس عديتها عادي بعدها باسبوع كان كتب كتاب حد قريبنا بقوله عقبالنا فالي ايوع ربنا يكتب علينا اللحظه دي بعدها بكام يوم يقولي فقد الشغف وسابني بقوله ده احنا كنا كويسين يقولي كنت برد عليكي واجب طب ازاي ده قبلها بيومين كان بيقولي ام عيالي وتسلميلي ي قلبي وانتي الغاليه !! قولتله انت بتلعب بمشاعري وتقولي واجب! طب واجب ده لما تتاخر ف الرد عليا وانك متردش ع الموبايل انما قلبي وروحي وانك نفسك تعيش معايا ده ايه بتديني وعود ليه كده لما انت مش طايقني قعدت ٣ ايام مفتحش الرسايل كلمت اهله ابوه قالي استني يومين اكلمه قولتله حاجتكم جاهزه قالي لا استني ده مش عارف قيمه النعمه اللي ف ايده بعد يومين ابو كلمنب تاني وقالي الولد متردد قولتله حاجته جاهزه قالي لا استني يومين كمان استنيت حد يتكلم مفيش كلمت عمه جه خد حاجته هل انا السبب ف ده هل قفلته مني!! ازاي بعد ماكان بيقول يحبك ووحشتيني وقلبي وام عيالي بعدها بكام يوم يتحول كده ! وازاي ميكلمش ابويا ولا اهله كلموه طب مشاعري انا دي ايه ده انا لاخر يوم بقوله نفسي افرح بحياتي معاك يقولي فقد الشغف !! طب مانا بسالك بقالي ٥ شهور كان بيقول الدنيا تمام انتي اللي بيتهيألك اننا متغيرين اقوله احنا بنبعد يقول لا ! طب موقف امه ده ممكن تكون مكنتش موافقه عليا طيب!!!! ...عرض المزيد

1 الدعم

27 نصيحة

فرق السن كبير بيني وبين متقدملي.. اخد قرار ولا لا؟

انا 22 سنه ومتقدملى واحد عنده 36 سنه وكل مواصفاته حلوه ومش باين عليه خالص السن هو محترم جدا وشغال برا مصر شغل كويس جدا وناجح جدا ..بس انا مش عارفه فرق السن ده كويس ولا لا ..انا مرتحاله جدا بس اهلى بيقولولى كبير بس احنا مش هنضغط عليكى وليكى حريه الاختيار ..انا قعدت معاه شوفته انسان جميل ومحترم بس انا قلقانه اخد قرار بسبب اهلى وفنفس الوقت انا مش عارفه لو وافقت ابقى بظلم نفسى ولا لا ..مع العلم انقدملى كتير اصغر منه بكتير بس محستش انى مشدوده لحد فيهم او انى متقبلاهم ...عايزه اعرف هل هيبقى فيه فرق ف التفكير والتعامل فعلا ولا ايه ...عرض المزيد

1 الدعم

7 نصيحة

نفسي ألاقي بنت عسوله وذكيه بعد خيبة أمل

انا مشكلتي اني كنت في علاقه ٣ سنين وللأسف خذلتني اول لما دخلنا الكليه مع انها دخلت نفس كليتي من ساعتها وانا مش عارف اتعامل مع بنات ولا عارف احب والموضوع عدي عليه سنه وبدات يبقي عادي بالنسبالي والواحد نفسه ف بنوته عسوله وذكيه كدا وبتحب الهزار والبحث العلمي والسفر بره والحياه المختلفه دي ، نلاقي فين الكلام ده يا جدعان هموت والاقي الشخص ده بجد 🥲💔 ...عرض المزيد

0 الدعم

4 نصيحة