مبقتش عارف أعبر عن مشاعري ومبحبش أتكلم عنها

Question

مبقتش اعرف اعبر عن مشاعري، مبحبش اتكلم عنها، مبحبش حد يعرف اني مش كويسة، مبحبش حد يعرف اني حزينة
مبقتش اعرف احكي حاجه ومبحبش احكي حاجه مبحبش ابين ضعفي، لازم طول الوقت ابين اني كويسة وبخير
مبحبش احتاج لحد ومش عاوزه مساعدة من اي مخلوق
حتى فكرة اني اقول الكلام ده هنا فكرة مرهقة بس حاولت اكتب واقول وفكرت كتير قبل ما اقول وممكن اكون اوفر او بافور، بس اللي مطمني ان محدش هيعرفني

Coffee_28875 🇪🇬 · Accepted Answer

حاسة بيكي ومقدرة مشاعرك جدا.. ربنا يكتبلك الخير ويعوضك عن كل حاجة وصلتك للحالة دي يارب ❤️

Carrot_28547 🇪🇬 · Answer

هتوصلي انك في الاخر لو شوية هوا جم عليكي هتعيطي وتتعصبي من اتفة التفاصيل

Blueberry_28993 🇪🇬 · Answer

بنبدء نحس بكده ونرفض الكلام عن مشاعرنا بسبب ان احنا اختارنا اكثر من مره الشخص الغلط اللي نحكيله وقابل ده باستهزاء او بعدم اهتمام او بتقليل من مشاعرنا فحاولي لما تيجي تحكي لحد تاني اختاري شخص صح

Chilli_28867 🇪🇬 · Answer

شكرًا ليكي، ويارب يعوضك انت كمان خير💗💗💗💗

Chilli_28867 🇪🇬 · Answer

ديه حقيقه والفترة ديه انا مضغوطه لابعد حدود وكل لما حد يتنفس اتعصب عليه وبقيت انفعالية جدًا الفترة الاخيرة، خصوصًا اني في مرحلة دراسية مهمة وكمان ده ضغط كبير عليا 
حتى مش هقدر ابوح ب ده لاي حد حواليا

Chilli_28867 🇪🇬 · Answer

انا اتخذلت كتير وحتى من اقرب الناس ف مبقتش اعرف اتكلم ولا اقول وحتى لما جربت تاني خذلوني اكتر من الاول ف بقيت اسكت

Blueberry_28993 🇪🇬 · Answer

لان مينفعش نجرب مع نفس الاشخاص تاني انتي كده بتمشي في نفس الطريق ومتوقعه مكان جديد لازم تعرفي ناس تقدر زعلك وتهتم بكل مشاكلك وتحس انها تتقدر لانها تخصك مش عشان المشكلة نفسها متكلميش مع حد ميقدرش مشاعرك