في موضع مضايقني اوي بجد ومش عارفة احكي ازاي بس ، انا عايشة وسط اب و ام يكادو بيكرهو بعض ،بيضايقو بعض وبيشتمو بعض ويتخانقو مع بعض ،و بابا هو السبب عامة ، يعني للاسف انا مش باخدو قدوة ،المهم امي بتكره بابا جدا وعندها حق هو عمل حاجات وحشة كتير مينفعش تتقال ، المهم انا شبه بابا في الشكل ،مرة كدة مم كام سنة امي قالتلي زي فيما معناه اني عشان شبه بابا هي مش بتحب شكلي ،المهم تخطيت عادي ،بس من اسبوع كدة كنت مضغوطة وعندي كام مشكلة مع صحابي هي متعرفش عنهم حاجة وربنا الوحيد الي يعلم قد اي كنت مضايقة ،المهم اتخانقت مع اختي عشان سبب تافه الي هو انها قعدت مكاني ومردتش تقوم ،خناقة عادية المهم امي اقسم. بالله جت تقول في وشي انتي زي ابوكي صفرة وتعبانة في دماغك ،انتي واحدة مريضة وبصرم ! اقسم بالله قالتلي كدة في وشي فضلت اعيط قبل م انام وصحيت وعملت نفسي مش مهتمة ،بس حقيقي انا زعلانة اوي خصوصا ان ماما اقرب حد ليا ومليش غيرها ،معنديش قرايب او صحاب اقدر احكيلهم براحة زي م بعمل مع ماما ، وانا من النوع الي هو بصدق اي حاجة ماما بتقلهالي وحاليا شايفة نفسي زي م قالتلي بالظبط واني شخص وحش ولازم ابعد عن الكل حتي قطعت علقتي بصحابي ، وبغير من كل البنات ،ومش عارفة اتكلم مع ماما زي الاول ، انا بجد مشتتة ومش عارفة اعمل ايه في كلام تاني بس مش عارفة انا ذات نفسي اقولو صح او اوصف احساسي .

10

5