ليه مش بحس بزعل علي حد بعد ما يموت؟

Question

جماعه انا كنت عايزه اعرف حاجه انا كان في شخص عزيز عليا اوي ومات واخواتي صحوني علي موت الشخص ده بس الغريب اني قمت ومحستش حرفيا بأي زعل ولا اي عياط مع اني كنت بحب الشخص ده اوي غير ان الشخص ده قريبي وغير كده اي حد لما نبعد مش بزعل نهائي ومع اني مش بياعه خالص والله وعمري ما عملت حاجه تزعل حد ولا بحب حد يزعل مني ولا سبت حد عمري فممكن اعرف السبب عشان بجد انا مبقتش بحس انا عمري 14 وصغيره اوي علي كده ومبقتش حتي احس بأي شعور فياريت تفيدوني

Hazelnut_52786 🇪🇬 · Accepted Answer

اللي بتحسيه ده اسمه “تبلّد شعوري”، وده مش معناه إنك وحشه أو قلبك ناشف… ده بيحصل لما الدماغ يتعب من كتر الوجع، فتقفل على المشاعر علشان تحميك.
ممكن كمان تكوني بتخزّني جواكي من غير ما تحسي، والدموع مش بتنزل لكن الوجع لسه موجود وبيطلع بطرق تانية زي الزهق أو التوهان أو حتى النوم الكتير.
بكره تكبرى وتعيطي وتشدي في شعرك كمان 
مش تستعجلي

Apple_62938 🇪🇬 · Answer

دى حالة بتحصل أن العقل ببحميكى من نفسك 
ودى حاجة مش صحية لأنها مع الوقت بتسبب قلق واكتئاب 
بس هل الموقف ده متكرر ؟

Avocado_63710 🇪🇬 · Answer

ايوه انا مبحسش بأي حاجه بس لما حد يقولي حاجه حتي لو الحاجه دي متخلنيش ازعل بعيط عليها بس اما استغني عن شخص مش بحس بحاجة خالص

Apple_62938 🇪🇬 · Answer

دى ممكن يكون ليها كذا سبب 
أما عقلك بيرفض يصدق ويحول المشاعر دى لمواقف تانية 
أما التربية عودتك على الكتمان فالعقل اتدرب على كده
أما العلاقة كانت معقدة فمشاعرك كانت مليانة ومفيش مكان لمشاعر الحزن

Avocado_63710 🇪🇬 · Answer

شكرا جدا

Avocado_63710 🇪🇬 · Answer

شكرا اوي

Ice Cream_63466 🇪🇬 · Answer

بصي هو بالفعل في حاجات كتير مش بنحس بيها في وقتهابس لما تفتكريها بعدين بتلاقي نفسك انك متخطتيش الحاجه دي هو بس ربنا بيهونها علينا مش اكتر