جماعة انا عندي حاجة عايزة احكيها عايزة لها تفسير لأني مش فاهماها او قولو لي لو أنا ال مأفورة دلوقتي أنا مصرية بس مش عايشة في مصر عايشة في دولة خليجية المهم بقالي هنا ٣ سنين ماما مدرسة المهم هي بتدرس عند شخص عنده ٣ أولاد و بنت بس مش بتاخد فلوس اهو كده محبه و في المقابل لو عايزه أبوهم يوصلها بيوصلها لأي مكان بدل التاكسي عشان التاكسي بياخد كتير و هي بتروح مشاوير كتير فبتحاول توفر المهم الراجل ده من اول ما جيت و هو ال جابني من المطار عارفينه و عارفنا و كلنا مع بعض عيش و ملح و بقى موثوق فيه نوعا ما أوراقنا كلها معاه و لو في اي حاجة عايزين يقضيها لما بيعملها معاه صور لجاوزاتنا و بطايقتا و كل أوراقنا أنا بس بحاول أبين الثقة شوية المهم أنا من يومين كنت خارجة مع صحبتي فقلنا ليه يوصلنا أنا كنت جايبة لها هدية فقال لي انت معاكي دي بس قلت لك لا دي مش شنطتي دي هدية لصحبتي عشان عيد ميلادها قال لي هي كام قلت له ١٦ قال لي و أنا. قلت ١٧ المشكلة عندي انه استغرب و قام رايح ماسك إيدي و بكلبش فيها و يبوسها و يلعب كده في كف ايدي و أنا متمسمره مكاني المشكلة بيقول لي ماشاء الله صايرة عروسة الجملة دي خوفتي اكتر هو ليه عمل كده أنا كنت فاكرها بيعاملني زي بنته مسكته لايدي ماكنتش مسكة إب لبنته خااااالللصصصصص أنا أصلا في العادي بركب ورا بس أنا كنت نازلة متأخر و ماما و أنا نازله قالت لي مش خدام ابوكي فعشان كده قعدت من قدام قلت مبقاش قليلة الادب طلع هو ال واطي لما رجعت من الخروجة أتعاملت عادي حاسة اني مش عايزة أشوفه و قال لي متقوليش لماما بعدين تزعل اني مسكت أيدك و أنا طبعا كنت خايفة بس مش مبينة وحده غيري كانت شرشحتله بس أنا إنسانة أجبت من اني اعمل كده أنا حرفيا لو واحد خطفني هتكسف و هخاف أصوت عشان الناس تلخقني و طبعا مستحيل هقول لماما كفاية ان علاقتي أنا و ماما بقالها سنه زفت الزفت الزفت زعيق و شخط و مش طايقين بعض المهم أنا بس عايزة اعرف عمل كده ليه او كان بيفكر في ايه و أنا اعمل ايه معاه لو عمل حاجة تاني

3

13