انا نفسي حد يقولي اجابة على اللي بيحصلي ده انا شخص لسه مراهق بس مش زي المراهقين اللي مقضينها انا مجتهد و متعلم جرافيك و برمجة و كمان دارس في علم النفس شوية و بقراء كتب كتير بس انا عاوز افهم ليه محدش بيحبني بالرغم اصلا انه ممكن ميكونش اتعامل معايا قبل كدا ليه الناس بتشوفني كأني "متوحد" بس انا بعرف اتكلم عادي و ساعات اصلا انا بكون اذكي من الشخص اللي قدامي و مع ذلك محدش فيهم بيقرر انه يقرب لازم انا اللي اروح الاول مفيش مره مثلا واحد جه سلم عليا لازم انا اللي اروح مفيش مثلا واحد اعرفه رن عليا الا لو كان عاوزني في مصلحه حتى وانا بعامل الناس كلها بأحترام بس مش لاقي اللي يقدرني انا من كتر ما انا مش مدرك معني التقدير او ان حد يحترمني لو بنت اتعاملت معاها بالصدفه و كلمتني بأحترام "المعاملة الطبيعية " بكون برقص من الفرحة و بقول لنفسي : "منتا طلعت حلو اهو و الناس بتحبك " . حرفيا انا من كتر ما الناس مبقتش بتعملي اعتبار مبقتش عندي نفس اني اتعامل معاهم ولا اضحك واتكلم وطبعا كان لا بد اني ادمن على عادة وحشة و مش عارف اتخلص منها واكيد انت او انتي عارفـ/ـه هي ايه بس غصب عني والله بحاول اني اصلي و ارضي ربنا و اتثقف في الدين بس حرفيا انا مش عارف اعمل ايه تاني علشان اكون شخص محبوب .

2

23