uليه قلبك بيروح للي بيأذيكى؟ عارفة إيه أغرب حاجة في الحب؟ إن ساعات قلبك يجرى ورا حد بيعذبك، ويطنش اللي بيقدرك وبيخاف يجرحك ،طيب ليه ؟ يمكن عشان اللي بيأذيكى بيخليكى طول الوقت عايشة في تحدي، بتحاولى تكسبى اهتمامه، تحسى إنك لو نجحتى تخليه يحبك هتثبتى لنفسك إنك غالية ، بس الحقيقة إنك كده بتخسرى راحة بالك وبتعيشى في دوامة وجع وصراع طول الوقت .. انما اللي بيقدرك ساعات وجوده بيبان عادي لأنك مش متعودة على المعاملة الصح ، فتفتكري إن الحب لازم يكون فيه وجع وتعب عشان يبقى حقيقي.. خدى بالك كويس ، أن الحب الصح مش معركة، ولا اختبار صعب ، الحب الصح أمان واهتمام وراحة قلب بجد، فمهم تاسألى نفسك دلوقتي إنتى عايزة تفضلى أسيرة لحد بيأذيكى؟ ولا تعيشي حب يديكى طمأنينة ويخليكى أقوى؟ والقرار قرارك وحياتك !!

0

8