ليه رجعت تتكلم دلوقتي بعد ما سابتني؟

Question

ممكن سؤال بس مش عاوز حكم عليا
انا كنت بعامل مراتي كويس و سابت من ٤ شهور بدون سبب و حصل تواصل من طرفي ل ابوها عشان ترجع و دوشه كتير و الوضع فضل زي ماهو حاليا الولاده كمان كام يوم هي كانت عملالي بلوك من شهرين
دلوقتي رجعت تتكلم معايا و الكلام اتفتح و عتاب و الحاجات ديه انا كده كده كنت متكفل ب مصاريف الولاده بس اشمعنا دلوقتي انا مش فاهم
و عيزاني احضر معاها و مسبهاش و الكلام ده انا هعمل الي هي عاوزاه مش مشكله
بس اشمعنا دلوقتي رجعت تتكلم ليه مفضلتش ساكته هي من اول م سابت البيت ساكته

Avocado_57179 🇪🇬 · Accepted Answer

اكيد محتجالك الفترة دى لان الفترة دى بتبقى صعبة جدا وهما بيكونوا خايفين جدا قبل الولادة ، خليك جمبها وماتقولش ليه واشمعنى ولعل وعسى ترجعوا لبعض بعد الولادة بسبب وجودك جمبها

Strawberry_76036 🇪🇬 · Answer

مش يمكن هيا محتاجك فعلا وعرفت قيمتك لأن الوقت ده بيبقي صعب جدا وحقيقي لازم تبقي جمبها ويمكن هي عرفت انها غلطانه وكده فاديها فرصه وخليك معاها وحاجه حلوه تبدأو صفحه جديده مع المولود الجديد إن شاء الله علي خير ويجي سليم معافى

Mango_86458 🇪🇬 · Answer

خليك جنبها فكر في المولود الجديد فكر في عيله سعيده ممكن تكون بدايه جديده وحياه جديده

Marshmallow_86341 🇪🇬 · Answer

اغلب البنات في وقت الحمل هرومانتهم بتكون متغيرة جدا حتي لما هي سابت البيت ممكن دا سبب عادي ممكن تلاقيها بتعيط علي اسباب تافهة جدا و  بسبب ان فترة الولادة قربت هي محتاجالك جمبها دي فترة مرهقة جدا عليها لوحدها خليك معاها، كمان ممكن تكون عايزاك تشوف ابنك عشان تفرحك يعني وتحسسك بمسؤولية الاب

Onion_84078 🇪🇬 · Answer

انا ان شاء الله هروح و هكون جمبها بس انا كنت خلاص قافل على قلبي ظبه و مفتاح
للأسف مش حاسس ان الموضوع سهل عليا نفسيا قسيت قلبي جامد الفتره الي فاتت عشان اقدر اعيش حياتي و اشوف التزاماتي

Watermelon_69433 🇰🇼 · Answer

علشان مراتك ومحتاجالك