ليه ربنا بيشوفنا بتالم وكسورين وموجوعين؟

Question

ليه ربنا بيشوفنا بتالم اوي كده و مكسورين و موجوعين و بيعمل فينا كده ..بيوافق علي وجع قلوبنا ليه..انا طول عمري خايفه طول عمري مستنيه العوض و الفرج و كل مدي كل حاجه بتسوء تعبت و الله

Strawberry_11974 🇪🇬 · Accepted Answer

ما ينفعش نقول ليه لربنا دي كدا اساءه لله عز وجل + ربنا بيختبرك وبيشوف قوة صبرك وتعلقك بالله وهل قلبك فعلا متعلق بالله ولا بغيره + نصبر ونحتسب اجرنا عند الله اذا كان شكه الابره عليها اجر ما بالك بوجع قلبك كمية الاجر اللي بتاخديه + علشان ربنا عالم الوقت المناسب اللي يوريكي فيه العوض اللي بجد

Mango_15394 🇶🇦 · Answer

عشان هيجي يوم و لو حد سألك تحبي ترجعي  بالزمن و تغيري  الموقف اللي كسرك 
هتقوليلي لا لانو غير في شخصيتي للأحسن و علمني درس عمري ما كنت هتعلمه غير بالطريقه دي 🫡
اعتبريني جيالك من المستقبل لان بردو حصلي حاجه و كنت بقول ليه ربنا بيعمل فيا كده و و 
و بعدين عرفت لوحدي السبب

Lemon_16859 🇦🇪 · Answer

عشان يعلمنا ويشوف صبرنا وانتي كده معترضه على حكم ربنا ومدايقه وكده ممكن تخسري الاختبار وربنا ميدكيش الصبر بجد والفرج عشان انتي مكنتيش صبورة

Pineapple_16934 🇪🇬 · Answer

استغفري ربنا لأنه مش هيعمل حاجه تأذيكي حتى لو انتي متضايقه دلوقتي ممكن يحصل حاجه اكبر واعرفي ان في ناس كل يوم بمشكله ومصيبه بس صابرين وبيقولو الحمدلله وربنا شايلهم خير كبير وكمان تكفير ذنوب وسيئات لازم يبقى عندك وعى ان ربنا شايلك الخير ايا كان الوقت

Coconut_14996 🇪🇬 · Answer

زي ما والدك أو والدتك وانتي صغيره كانوا بيبعدوكي عن فيشة الكهربا وانتي رايحه تحطي صباعك فيها .. كنت بتديقي وتزعلي منهم بس هما عارفين ان ده لمصلحتك وأنهم لو سابوكي تعملي اللي انتي عايزه هتتضري مش هيبقي لمصلحتك ... ولله المثل الأعلي نفس الكلام ربنا بيعمله معانا بس إحنا مش بنكون مدركين لحكمة ربنا من اللي بيحصل في حياتنا بس هو بيدبر حالنا من عنده لحاجه جايه قدام لسه احنا منعرفهاش

Strawberry_16351 🇪🇬 · Answer

يشهد ربنا علي اللي حساه و اللي شوفته طول حياتي.انا تايهه اوي و الله و مبقتش فاهمه الحكمه من اللي بيحصل الحمد لله

Strawberry_16351 🇪🇬 · Answer

اتمني من كل قلبي يجي اليوم اللي افهم في و اعرف ليه كل ده بيحصل معايا 💔انا تايهه و الله و بقيت خايفه اوي نفسي في اي حاجه حلوه تحصل تمحي كل الوجع ده

Strawberry_16351 🇪🇬 · Answer

يشهد ربنا انا صبرت قد اي بس ساعات بيكون غصب عني و الله تعبت و بقي كل حاجه فوق حملي