ليه بيحبني بس مشغول في الشغل ومش بيسأل عني؟

Question

دلوقتي انا بحب واحد والمفروض أن هو بيحبني بس علي طول مشغول في الشغل حتي أما نيجي نتكلم يقعد يحب فيا لاكن مش بيفتح مواضيع مش بيسأل عن حياتي عملت اي تفاصيلها مافيش خالص وبيتأخر في الرد كتير وكل شويه حجه شكل انا قررت اني تتجاهله واتأخر في الرد انا كمان بس مش عارفه هو بيعمل كدا ليه ماهو الي بيحب حد بيفضي نفسه  عشان ولا هو ضامن وجودي ولا اي

Nutella_58637 🇪🇬 · Accepted Answer

الأفضل انك تبعدي عشان قلبك ميتعبش وجع القلب من أصعب الوجع اللي ممكن تحسي بيه واللي بيحب بجد مش بيبعد عن اللي بيحبه صدقيني

Strawberry_57231 🇪🇬 · Answer

انا فعلا قلبي واجعني جدا وكل شويه أسال ليه بيعمل كدا ليه مش حسي بي الامان ليه بيبعد ويختفي هل هو فعلا مشغول وانا الي ظلماه ولا اي بجد تايه اووي

Nutella_58637 🇪🇬 · Answer

بصي ياحبيبتي الحب ماهو الا شعور بالأمان مع اللي بتحبيه احساس بانك مطمنة بوجوده وغيابه لما تقعي في مشكلة يكون اول حد بتلجأ ليه وهو هيسندك مش مجرد ماتفكري فيه وانت واقعة في مشكلة هتبقي مش عارفة اذا كان هيستجيب لندائك ولا لا فاهماني

Apple_53375 🇪🇬 · Answer

لازم تعرفي الاول هو مشغول عشانك ولا لا يعني لو مشغول عشان هتتجوزوا مثلا فا حاولي تتكلمي معاه في الموضوع انما لو مشغول و مفيش حاجه رسميه ابعدي احسن

Strawberry_57231 🇪🇬 · Answer

هو كل أما بكلمه بيقولي انا مسحول في الشغل ومافيش حد غيري في التخصص الي هو فيه وأما قبلته فعلا كان مشغول وتلفونه مبطلش رن وهو واعدني أنه هيجي يتقدم بعد 3شهور بس عايزه احس باهتمامه ياعني بسأله كلت يقولي اه طب حتي مش بيسألني كلتي روحتي يومك كان عامل اي مافيش معرفش انا الي اوفر ولا اي بجد تايه اووي

Strawberry_57231 🇪🇬 · Answer

فهماك وانا لي حد دلوقتي مش عارفه هل أما هقع في مشكله هلجأله ولا لا أما بيكلمني بحس بأمانه لاكن مجرد منقفل ويختفي بخاف جدا

Apple_53375 🇪🇬 · Answer

طب انتي قدامك حلين مفيش غيرهم هو انك تستني تلت شهور و تشوفي هل هو قد كلامه او لا او تمشي انتي اللي تختاري

Cherry_58642 🇪🇬 · Answer

عاملى بالمثل وردى متاخر زي ما بيعمل

Nutella_58637 🇪🇬 · Answer

يبقي ابعدي او اقولك قوليله انك متقدملك حد وأهلك موافقين عليه وانت مش عارفه هتعملي ايه وشوفي رد فعل هيكون ايه وساعتها هيوضح لك كل حاجه

Strawberry_57231 🇪🇬 · Answer

مش عارفه بس هستني 3شهور لو صدق يبقي انا الي اوفر لو لا يبقي معا السلامه

Strawberry_57231 🇪🇬 · Answer

بدأت اعمل كدا

Strawberry_57231 🇪🇬 · Answer

حلو الاقتراح ده هعمله نشوف هيقول اي

Apple_53375 🇪🇬 · Answer

دا حياتك و انتي اللي تختاري الانسب ليكي

Chilli_57982 🇪🇬 · Answer

عندي نفس الحوار و لما كنت يتكلم و بقول عيزاك تكلمني كان يقولي انا بشتغل عشان ابني حياتي و اتي ف مرحلة بنضج و انا عايز الحف نفسي و عشان المسؤلية كلها عليا و انتي مش هتحسي ب دا عشان انتي بنت انا بعمل كل دا عشان اتقدملك اسرع و كلام من دا كتير بس انا متأكده انه فعلا بيحبني و انا دايما ال بقول تعال نسيب او هبعد و كدا بس هو بيتمسك فيا او كدا ف بيبنلي انه عايزني

Chilli_57982 🇪🇬 · Answer

لا 🇷🇪 انتي متعرفيش ايه ظروفه مينفعش تحكمي عليه احنا جست سوشيل ريليشن يعني انتي متعرفيش هو بيمر ب ايه من الناحية التانيه و ممكن يكون بيعرض لحاجات كتيرة و انتي متعرفهاش و الولاد بطبعهم قليلين كلام و بيحبو يسمعو و هو بعد ما يحس انه عايز يتكلم ع مشكلته هيجي و يتكلم لكن اكيد مش هنضغط عليه

Nutella_58637 🇪🇬 · Answer

وفي منهم بيبقي بيتسلي وبس وبعدين الموضوع مش فيه حاجه هو كل الحكاية هيبين مشاعر الشخص اللي قدامها بدل ماتبقي مستنية ويقولها انا اسف مش هاقدر اكمل وتدمر نفسيا