اعرف واحده صاحبه امي بتعتبرني زي ابنها وانا بحبها جدا وهي زي امي .. شوفتها صدفه ف الشارع ف سلمت عليها وسالتها اذا كانت محتاجه حاجه وكان معاها بنتها واقفه معاها وكانت بتضحك اول ما شافتني كشرت وبدات تبص ف السما وتنفخ ( انا معرفهاش ولا عمري شوفتها ولا كلمتها اصلا) من كتر الاحراج سلمت بسرعه ومشيت وفي مره تانيه جيت بيتنا لقيتها قاعده عندنا هي ومامتها اول ما جيت حسيتها بدأت تضايق ( انا مفيش بيني وبينها حاجه عشان تكرهني كدا 🥲 ) مش هي بس .. كان فيه ناس كتير كانت بترفض فيا وبترفض تتعامل معايا وبتحكم بالشكل ولو شخص تاني اوسم اتعامل معاها بتلاقيها بتضحك وتهزر المهم بعد فتره الحمدلله ربنا اكرمني وسافرت واشتريت بيت ف مكان كويس ونزلت اجازه .. الاقيها بقت تجي تزورنا ٥ ايام في الاسبوع وبتضحك وتهزر معايا وتسلم عليا بايدها .. ومن كام يوم بعتتلي ادد ع الفيس .. طبعا انا رزعتها بلوك وكذالك بردو فيه كذا حد من دفعتنا كانو تيم ليدر كنت حاولت اتواصل معاها عشان مثلا اسال على حاجه مكانتش ترد عليا ولما اعمل اكونت فيك واحط صوره حد حلو الاقيها بترد ( ولسه محتفظ ب اسكرينات للكلام ده ) ولما ربنا كرمني وسافرت وكتبت ع بروفايلي اني مقيم في اوروبا الاقيها هي اللي ممكن تدخل تكلمني عادي ده انا مره ايام الكليه كانت حصلت معايا مشكله وكلمت واحده بسالها ع حاجه قامت عملتلي بلوك بعد فتره بتكلم مع واحد صحبي وبيوريني حاجه ع الواتس بتاعه الاقيه بيوريني نودز ليها وشاتات جنسيه ومش معاه بس عملت كدا مع كذا حد .. كل ده عشان شكلهم حلو وظروفهم كويسه حاليا بقى عندي عقده من البنات في مصر ان كلهم كدا وان لو نفس الشخص ده لو كانت ظروفه اوحش مكانتش هتفكر تتعامل معاه اصلا انا اتعاملت مع بنات من جنسيات تانيه بس الشهاده لله مشفتش عنصريه وتمييز بالشكل غير من بنات مصر وانا هنا بتكلم على التعامل اليومي العادي خالص مش الارتباط طب حد عارف وصف الحاله النفسيه دي ايه او ليه بيعملو كدا ؟

9

24