لسه واخد بالي من حاجه عمرو دياب في أغنية مليش بديل لما قال مليش بديل تاني في حياتك انا ذكرياتك(كلها) ، ولما قال هتفتكرني (بالاماكن) اللي روحناها سوا ،، هتفتكرني (بصورة ليك) ولما حد يخاف عليك ، طب ازاي كل كلمه بيقولها صح ده انا لما نزل الالبوم كنت لسه مفركش وخوفت اسمع الألبوم عشان مكنتش ناقص كنت في علاقة استمريت ٥ سنين ، طبعا ٥ سنين مكنتش كلها عسل ولا كانت كلها قرف بس كنا بنتخانق ونبعد وانا كنت عصبي وقاسي وبهجر ولما كنا بنرجع كنت بحس ان روحي رجعتلي كنا بنفضل نحكي لبعض اااااد ايه احنا كنا بنعاني في البعد وفعلا انا كنت ذكرياتها كلها والعكس ويعتبر 90% من صورها انا اللي مصورهالها كانت بتفتكرني لما تتفرج على صورها ولما كانت بتروح مكان انا كنت معاها فيه كانت بتفتكرني والعكس انا اول مره ليا في حاجات كتير كان معاها (هي) كانت حياتي على مدار ٥ سنين تتلخص في كلمة واحده وهي (سارة) وقفت جمبي كتير في عز مانا كنت عصبي و مش طايق كلمه من حد ولا حد يكلمني كانت معايا في فترة الثانوية العامه و فترة الكلية و فترة الشغل الله يسامحك عشان احنا بعدنا بطريقة متلقش بينا لا يمكن دي تكون تربيتي ختها وهي صغيرة وكبرت على أيدي على مدار ٥ سنين و سامحتها في حاجات ابوها وامها ميقدروش يسمحوها فيها وجت عليا وحسستني بالنقص وعرفت عليا كتير من ورايا بحجة اننا بنكون في نفس الوقت متخانقين وبعاد عن بعض بجد ياريت عرفت حد عليه القيمه دول اقل ما يقال عنهم تجار مخدرات ربنا يسامحك عشان انا فعلا كنت بحبك ازاي بعد ما كلمت ابوها وامها وحددنا ميعاد خطوبتنا و ده اللي كنا بنفضل نتخيله سوا ازاي تعملي معايا كده بعدنا ليه هو انا كان فيا ايه طيب محتاج يتعدل وانا كنت اعدله ؟ تعليم وانا أعلى منك في التعليم وضع إجتماعي وانا أعلى منك ، سمعة وسيرة وكانت عائلتي أعلى منك ومكنوش راضين عليكي اصلا وانا كنت مش هاممني وهاخدك يادعني هاخدك ، عقلية و اعوذ بالله من كلمة انا كنت أعلى منك مكنتيش بتعرفي تاخدي قرار في حياتك غير لما ترجعيلي وكنت احن عليكي من ابوكي وامك وانتي تشهدي عملت عشانك ايه على مدار ٥ سنين ربنا يسامحك مكناش كملنا اسبوعين في البعد من اخر مره غير و روحتي ارتبطي بعيل صغير فضلت بسببك ٦ شهور عذاب الله يطلعك من عقلي الله يخرجك من تفكيري زي ما خرجك بره حياتي

1

1