في ٢٠١١ كنت ف أولى جامعة. اول يوم نزلت فيه الجامعه قابلت واحده و اتعرفت عليها وعرفت انها نفس دفعتي ونفس القسم، عدت الايام وحبيت البنت دي جدا جدا فوق الوصف، عارفين الحب اللي يخلي القلب يدق، الحب اللي ييجي بتوتر، انا مش عارفه ليه حبيتها كدا ولا ليه هي بالذات، مع الوقت بقت تتهرب مني لما اقولها عايزه اقعد معاكي، اي حد كان يحتاجها يلاقيها، إلا أنا، تسيبني عشان فلانه متضايقه شويه وعايزه تتكلم معاها مع اني كمان بكون متضايقه، كل دا عادي لو هي ماقلتليش انها بتحبني، كانت تقولي انا بحبك اكتر من روحي، انتي المساحه الامنه بتاعتي، كلام كبيييييير وفعل مفييييييش، كنت ممكن اضحي بأي حاجه عشان بس اشوفها بتضحك معايا وتقعد تتكلم معايا زي اي اتنين أصحاب، كنت بحس بخذلان كأن سكينه بتنضرب في قلبي، كنت كل يوم بسأل نفسي لييييه.؟؟؟! لما هي مش بتحبني ليه بتقولي انها بتحبني وانها من غيري ماتعرفش تعيش؟؟ عدت السنين ولسه بسأل نفسي السؤال دا ، ليييه؟؟؟!! احساس الخذلان مش قادره اتخطاه لغاية النهارده، عدي ١٤ سنه ولسه مش قادره اتخطى ولا قادره اعمل صداقات، خايفه احس الخذلان تاني، اتخطى ازاي؟؟؟ انا تقريبا عملت كل حاجه تتعمل عاتبتها وطلعت كل اللي جوايا ليها، و كتبت اللي جوايا، وقطعت اي تواصل معاها لسنين، مفيش نتيجه، لو حد عنده حل ياريت يقولي عليه

0

8