ليه الابهات دلوقتي بس همهم الأكل والشرب؟

Q: ليه اللي اتقبل في الصغر مش بيستنى حب الكبار؟

اللي طلع وسط أهل منحوه رسايل فيها حب مش مشروط، وإنه يستحق الحب والقبول وحس بالشوفان والتقبل.. لما يكبر مش هيشوف نفسه شخص غير مستحق للحب أو هيفضل يدوّر علشان يتأكد إن هو يستحق الحب فعلا ولا لأ أو إنه لازم يكون كويس علشان يستحق الحب، ولو أخطأ في شيء.. فهو مهدد بفقد الحب ده! أما اللي كبر وسط أهل مهملين لمشاعره وغير ملبين لاحتياجاته النفسية والشعورية وفاقد لمشاعر الحب والقبول وإحساس إنه متشاف.. هيكبر وهو حاسس إنه عنده نقص في مشاعر كتير محتاج يلبيها ولو دخل في علاقة وأخد مشاعر قليلة.. بيحسها كتير عليه وإنه لازم يحافظ على المشاعر دي لأنه ما يستحقهاش، وممكن تضيع منه وما يلاقيهاش تاني حتى لو كانت العلاقة دي مؤذية في نواحي تانية

Q: ماما مش كويسة معايا وخدت طفولتي مني

حبيبتي حاسة بيكي و انه صعب عليكي كل اللي عدي واللي بتعديه ربنا مبتليكي ابتلاء عظيم و انتي قده .. خليكي قوية ارجعي لحد كبير زي ستك خالك خالتك خليهم يتكلمو معاها .. وانتي حاولي متقعديش معاها اطول وقت ممكن عشان تبطل تأثر عليكي بالسلب حاولي تريحيها عشان تبطل كلامها ده عارفة انك تعبتي بس عشان خاطر ربنا 🫂 ربنا يريح قلبك و بالك و يعوضك خير عن كل الوحش ده ياارب

Q: "بابا بيقولي أنا آخر حد تفكرو فيه.. تعبت نفسيًا"

بابا بيقولي انا اخر حد تفكرو فيه صح؟ "طب وهو كان فكر فيا وف اخواتي لما سابنا وانا طفله ٨ سنين واخويا ١١ سنه وكان بيشتغل فكر ف نظرات الشفقه اللي الناس كانت بتبصهلنا فكر ف كل كلمه اتقالت من وقتها لحد النهاردة ساببه فيا اثر عامل ازاى فكر ف بنتو اللي مني حياتها جوزها ميبقاش شبه ابوها والل ينفسها ف حد يبقي حنين عليها ويطبطب عليا فكر ف كم الجرح اللي سابو جوايا انا واخواتي اخويا ف كل مرة بشوفه وهو معندوش اب ومحدش جمبو بتكسر ولما افتكر انو عمرو م فكر ف اى حاجه ولا مستقبلو ولا اي حاجه غيرنا وشغلو اللي كان لا يليق بسنه انا عمرى م اظهرتلو دا لما رجع تاني بعد سنين عايشين منغيرو كل دا علشان الفلوس ورجع ك مادة عايزين فلوس يبعت عمري م حسيت اى احساس من اللي البنات عاشوه مع ابوهم ولا حسيت بحنيته عليا وراجع يقولي انا اخر حد بتفكرو فيه انا تعبت ومش قادرة استحمل بجد كفايه عليا كدا سنين ساكته علشان اخويا ميتبهدلش تاني ادعولي بجد ربنا يهون ع قلبي

Question

ليه معظم الابهات دلوقتي همها الاكل و الشرب بس ، فين مراتك و عيالك ، ليه نش بتفكر تحوشلهم فلوس عشان يتجهزوا و ليه مش بتجيبوا فاكهه ليه مش بتخرجونا ، ليه تعامل اهلك معامله وحشه وقت زنقه الفلوس و ليه بتاعملنا حلو وانت معاك فلوس هو احنا مقصرين ؟ ليه بتشتغلو علي قد الفطار و العشا و الغدا ؟ ليه بتقعدوا ف البيت لواحدكوا مش مع مراتك او عيالك ؟ ليه مس بتفكر تعمل ذكرايات حلوه مع عيالك عشان لما تموت يفتكروك بحلوك مش وحشك ؟ الابهات اليومين دول في حاله ميئوس منها ضرب و شتيمه و قله قيمه عايزين ياكلو و ينامو بس د انت ك اب ملزم بكل حاجه هدوم و اكل و خروجات و ضحك و هزار ، ليه اتجوزت و خلفت عيال وانت مش قد المسئوليه ؟ انت كدا بتظلم عيالك و مراتك

و الحاجه الوحيده اللي بنستفيد بيها اننا عرفنا قد ايه المعامله دي مأثره علينا و علي اهلنا و نتيجه ل ده هنعامل عيالنا احسن معامله و ابهاتنا مش هتبقي قدوه لينا 
الولد هيعامل عياله المعامله اللي كان نفسه يتعاملها من ابوه 
البنت هتعامل عيالها المعامله اللي كان نفسها ابوها يتعامل بيها معاها 
نفسي جيل الشباب الجديد يفكر صح و يفهموا معني كلمه راجل بجد و ان المسئوليه مش حاجه سهله لازم تتعب و تبذل مجهود و تبقي فخر لاهلك و عيالك يقولو انا ابن كذا

Durian_52455 🇪🇬 · Accepted Answer

اخر فقرة فى كلامك (بعد السطر الفاضى)
دى تستحق تتبروز فى متحف اللوفر 😁👏👏👏👏👏

Kiwi_52343 🇪🇬 · Answer

في جملة كدا بتقول ببساطة انك مش ملزم تخلف ب لو خلفت ربي واتحمل وخليك قد الشيلة مش كتير مستوعب الجملة اللي هو هنخلف ونحلها بعدين والعيل بيجي برزقو عبس ف التربية رهيب