فقرة نصائح طبية #علابالك_طب معلومة لطيفة تختم بيها نهارك 🤍🍼 مرات الامهات يتفاجؤو كي وليدهم ينطق 'بابا' قبل 'ماما'، خاصة وانو الام مع وليدها 24h .. بصح يا ترى وش رح تكون ردة فعلهم كي يعرفو بلي الام مش اول شخص مستقل يعرفو البيبي في حياتو 👀؟ البيبي قبل ما يسمي الأشياء ولا الأشخاص، لازم قبل يشوفهم كحاجات 'مستقلة' عليه، مشي كجزء منو .. ومن هذا المبدأ تجي كلمة 'بابا' قبل 'ماما' في اول عمره يحس انو روحه وأمه حاجة وحدة .. امه هي الارتباط الاساسي ليه .. هي الأمان، الحليب، الدفا، الصوت، وحتى نبض القلب لي كان يسمعه وهو داخلها .. يعني بالنسبة ليه، 'ماما' مش شخص من برا، هي جزء منو .. جزء ميحتاجش يناديه لأنها 'هو' في علم النفس، يسميو مرحلة 'غياب مفهوم الذات المستقلة' بـ مرحلة الاندماج ولا التماهي (Symbiosis)، واللي وصفها المحلل النفسي مارغريت مالر في المرحلة هاذي، الطفل يحس انو الأم جزء منه وامتداد ليه، وكيما قلنا العلاقة بينه وبينها مش علاقة 'انا وأنت' بل 'حنا واحد' .. وفي المقابل، الاب هو اول انفصال يشوفو في حياتو وين يلاحظ وجود كائنات خارجية اخرى .. ويتكون عنده تدريجيًا مفهوم 'الانفصال والهوية الذاتية' يعني أول انفصال يشوفو يكون مع 'بابا'، ومن هنا تجي اول كلمة ينطقها .. وبعدها تجي 'ماما'، وهي دليل على النمو النفسي للبيبي لي بدا يشوف الناس والأشياء ككيانات ثابتة مش أجزاء منه كي يوصل لعمر ثلاث سنين، نبداو نسمعو منه كلمات أعجب وأعمق، هنا الطفل يولي متأكد من نفسو، وهذا إعلان رسمي بلي ولى شخص عنده إرادة خاصة به في أول ثلاث سنين، المخ تع الطفل يكوٌن كثر من 100 مليار خلية عصبية، وكل وحدة منها تدير آلاف الاتصالات (حوالي ألف تريليون) باش تبني الصورة الكاملة لعالمه وتخليه يبدا يحكي في قصتو حسب شخصيتو يبدا بـ 'بابا' ويكملها بتكوين الذات حتى يكبر كشخص مستقل، عنده أفكارو، شخصيتو وحتى ورغباتو .. يعني بابا قبل ماما متعنيش انه يحبك كثر 👀 الله يرزق كل مشتاق بذرية تقر عينه وتملأ بيته ..

1

0