انا لوحدي من زمان و محدش مهتم بيا و عايشه في مكان صعيد الي حد ما و من فتره حبيت واحد و كان بيحبني بردو و كان صادق بس اهلنا عرفو و اضطرينا نبعد بس فضلنا بنحب بعض من بعيد... ومن فتره ماما اتخانقت معايا و طردتنب من البيت (انا وماما عايشين لوحدنا وبابا متوفي من سنتين ونص تقريبا) عشان كنت تعبانه و مش قادره اخلص شغل البيت وانا المفروض كنت اروح عند اهلي بس المشكله انها كانت طرداني قبل كده بسبب نفس الموضوع و لما روحتلهم خلوني ارجعلها تاني عشلن مرضيتش تديني مصاريفي و سمعتهم وهما بيتكلمو بيقولو (محدش هيشيل مسؤوليه بنت 15 او16 سنه ولا مصاريفها) و طبعا عما مقالوليش كده في وشي اكتفو بإنهم يقولولي كل البنات بتعمل شغل البيت مفيش مشكله في ده... انا محدش فاهمني لنا المشكله عندي مش في الشغل المشكله اني كنت تعبانه بجد 💔 ومحدش حاسس... المهم لما مشيت قولتلعم اني لو انطردت تاني مش هروحلهم... وبعد ما طردتني من فتره انا مشيت و مكنتش عارفه اروح فين ولا اجي منين رنيت علي الولد الي كنت بحبه لسببين الاول عشان اسأله لو في مكان ممكن اشتغل فيه (محل ملابس.. مكتبه...الخ.. الخ) والتاني عشان بجد كنت عايزه حد جنبي حتي لو دقايق يقولي معلش او يقولي انها هتعدي.. بس مامته سحبت منه الفون (انا مكنتش كلمتها قبل كده هيا كل الي تعرفه عني اني كنت مرتبطه بإبنها وطبعا كانت واخده عني فكره وحشه) وقالتلي انتي عايزه منه ايه.. اتلككت وقولت اني كنت عايزه رقم حد نعرفه وهوا مش مع حد غيره... قالتلي طيب وملتني الرقم و قالتلي اني لو عوزت اسأل علي حاجه تاني ابقا اسألها هيا ومرنش عليه عشلن هوا لازم يركز في مستقبله طبعا انا هنا كنت بنهار لان انا مكنتش ناقصه وجع علي وجعي انا كل الي كنت عايزاه حد يقولي معلش💔 مسكتش و قولتلها اني عايزه اشوفها هيا او اخته الكبيره (كنت عايزه اشوفها عشان اشرحلها موقفي لاني مش بحب حد يشوفني وحشه انا فعلا مكنتش وحشه انا بس حبيته. عشان كنت لوحدي ولا صحاب ولا اخوات ولا اي حاجه) المهم هيا وافقت و لما شوفت اخته شرحتلها كل حاجه وبعدين شوفت مامتع ةاتصلت غلي مامتي وصالحتنا بس انا وماما اتخانقنا في الشارع و قدامهم و بقت بتلف ورايا وانا ابعد عنها انا كنت منهاره بجد وقولتلها مش هروح معاكي تاني خلاااص و هوا كان باصصلي بصه مش قادره افهمها لحد دلوقتي حاجه زي اني بعد الي حصل ده كل حاجه باظت وان لو كان في امل 1% اننا نتكلم تاني راح خلاص... دلوقتي روحت مع ماما و عايشين وخلاص يعني اختصارا لباقي الموضوع.. بس انا مش عارفه انسي الي حصل متأثره جامد وحاسه ان نظرتهم عني بقت زباله وخاصتا اننا كنا في الشارع و فضحت الدنيا و الناس اتلمت انا مش عارفه انساه لاني بحبه ولا عارفه انسي ابي حصل ولا عارفه اعمل اي حاجه في حياتي انا بطبعي مثابره و بحب احلم و عندي امل و كل حاجه بس لأول مره في حياتي مبقتش قادره احاول عايزه انتحر.. عايزه اموت بس مش عارفه و مش عايزه اموت كافره انا تعبت💔💔

2

3