بابا ظلمني وخلاني اكمل جوازي واتدمّر

Coffee_83583 🇪🇬

منذ 5 أيام

شعور ضائع

موضوع:

المشاكل الي اهلك كأنه سبب فيها و اثرت ازي عليك

لما بابا صمم اني اكمل في جوزتي ومفسخش الخطوبه ولما حصلت مشكله بنا وضربني ورجعني ليه وقتها كان فاكر انه بيعمل الصح والي في مصلحتي بس هو كان بيظلكني من غير ميحس بس الحمد لله طلقني منه بس كنت خلاص ادمرت

متجوزة غصب وعايشة في جحيم

أنا اتجوزت غصب من تلت سنين وعامتا هو بني ادم بجد مقرف انا الوحيدة الي عارفه دماغو دي بتشتغل ازاي وكلو امراض نفسيه عشان امو وابوه اتطلقوا وهو عاش مع باباه وكان صعب اوي ونرجسي وعامتا هو خد كل دا منو. المهم احنا مكناش محتاجين فترة خطوبه عشان كنا صحاب في شله كدا هو كان بباه معاه شركه بيتاجر في العربيات يعني متريش وبابا كان مديون 900 الف باين المهم انا كنت اصلا بحب حد تاني واهلي واهله عارفين ومتفقين على الجواز خلاص وكان هيتقدم بس قبل ما يجي المصيبه دا ويتقدم واهلي يوافقوا عليه وبالذات ماما كانت بتحبو اوي طبعاً عشان فلوسو وانو جابلها عربيه ودفع ديون بابا وانا في فتره الخطوبه كنت بعاملو وحش وهو كان بارد وعامل نفسو من بنها بس انا والله لمحت كتير اني مغصوبه واخر ما خلاص جبت اخري قعدت وقلتلو اني مش طايقاه واني أصلا قرفانه منو عشان كدا بيخون صاحبه عشان هو عارف كويس اننا بنحب بعض واستغل الوضع واتقدم وهو قالي انه مش مهتم وانو بيحبني أنا وهيتجوزني وان رفضي دلوقتي ملوش معنى دا اثبتلي فعلا انو بني ادم ندل. دي قصه بأختصار طبعا المشكلة بقا احنا في تلت السنين علاقتنا زي ما هي يمكن اسوء وأنا لحد دلوقتي بنت عشان رافضة طبعا وهو بيخوني كتير اوي بارات وسكرتيرات وحاجة تقرف بجد و أنا قلتلو يطلقني كتير بس مفيش فايده لسا بيحاول. اتخانقنا الاسبوع الي فات خناقه كبيرة كسر عليا باب الاوضه ومسكني من شعري جامد ودي اول مره يمد ايدو عليا أنا انهارت طبعا وقلت اني هخلعو بس هو ماسك وصولات امانه علي بابا وهددني بيهم. أنا بجد مش عارفه اعمل ايه تعبت أوي دي مبقتش عيشه مفيش يوم عدي عليا كويس في البيت. لو حد عنده حل يقولي عليه ارجوكم ...عرض المزيد

0 الدعم

5 نصيحة

جوزي عاجز جنسياً وبش.. أنا مرعوبة من الطلاق

من كتر الحيرة واللغبطة الي جوايا مش عايزة غير ان حد ينصحني اعمل ايه وانا هعمل من غير ما أفكر حتي .. أنا اتجوزت من ٤ سنين وانا كان عندي ٢٢ سنة وجوزي اكبر مني ب ٩ سنين ' مكنش مناسب من ناحية العيلة اوي لكن كانت وظيفته كويسة الي حد ما فا استخرت ربنا وقولت ادي لنفسي فرصة اعرفه كويس لحد ما اتجوزنا ' وبعد الجواز اكتشفت ان عنده عيب او مرض او حالته الجنسيه مش افضل حاجة ' بعد ما قريت وثقفت نفسي عرفت ان الزوج الطبيعي بيبقي الإدخال عنده من ٣د الي ٩د .. أنا جوزي كان بيقعد ٥ ث وبيخلص تماما نصحته يروح لدكتور بعد ٦ شهور من جوازنا تقريبا عشان حاسة ان دا بدأ يأثر علي حياتنا ونفسيتنا بالسلب زي أني أنا ابقي محتجاه معايا او حد يبقي جمبي يطبطب عليا زي اي عروسة ف اول حياتها ومن ناحيته هو كان ينفر ويبعد بشكل مش مباشر زي انه يقضي اغلب يومه برة البيت او عالموبايل او ادام ماتش ' فا حسيت ان حياتي بتتسرق وشبابي ' وبعد سنة بالظبط من جوازي خلفت ولد ' وطبعا اي راجل حتي لو عنده عجز او عيب جنسي يقدر يخلف عادي ** المهم من بعد ما خلفت الراجل دا ضمنني تماما وبدات تظهر حقيقته معايا يتجاهلني ، يعاملني معامله مش لطيفه ، ميحبش وجودي داخل غرفة النوم بحجة ان الولد بيصحي بلليل ، بيتعامل معايا كخادمة فالبيت اشوف كل طلباته ، كلامه معايا بقي قليل ، ولما بيخرجني بحس انه بيعمل معايا كدة غصب عنه ، لو حاولت اخد اي خطوة كويسة ف حياتي يوقفلي فيها وميخليهاش تتم أبدا ، بحس انه بيغير مني او لما بهتم بنفسي شويه او لابسه حلو مثلا يديني كلام ف جنابي من تحت لتحت ، بيوقع بيني وبين اهلي بطريقه ملحوظة جدا ' لدرجة اني لما أقوله سر زي اي زوج وزوجة يروح يفتن لأهلي ويخون الامانه ' برغم اني لما بتكلم معاه بصراحة كدة بتبقي داخل اوضة النوم يعني سر ميصحش أبدا انه يخرج بيننا .. المهم انه شخص غير امين بالمرة + انه مش كريم عليا ولما بيديني فلوس بيعايرني بيها ويفضل فاكرهالي ومش عايزني اطلب منه حاجة واكتفي بالقرشين الي بيطلعولي من شغلي فقط المهم ان عدت الايام وقولت لنفسي يابت عيشي لنفسك ولابنك واهتمي بنفسك وصحتك النفسية ومتشغليش بالك بيه ' فا طبعا ركنت موضوع العلاقة دا علي جنب ومبقتش اطلب خالص فا أصبح الوضع ممكن نكمل شهر واكتر من غير ما يلمسني ' روحت لدكتورة تخسيس ونزلت من وزني ٢٨ ك وروحت الچيم وبقيت مهتميه جدا جدا بأكلي الصحي وتمريناتي واخد فيتاميناتي ف وقتها وأصحي بدري واهتم ببيتي وبأبني ومش بسيب فرض ربنا المهم اني كل يوم بتطور اكتر وببقي احلي وأحسن وشخصيتي اهدي وأجمل وهو علي النقيض وزنه زاد جدا وبقي مهمل ف نفسه ومش بيروح البيت كل يوم قبل ٢ بليل ' وانا انصحه واقوله يا حبيبي خد بالك من أكلك بلاش تاكل بليل اهتمّ بصحتك وهو بردو ميستحملش مني كلمة ويبعد عني تماما لحد آخر فترة قعد شهرين قاطع الفلوس عن البيت مش بيجبلي طلبات خالص وانا كنت مديونة ف جمعية وطلبت منه اكتر من ٥ مرات وهو مش راضي وبتحوج لاهلي وبطل يجيب حاجة لابني والي زاد وغطي انه قطع النت عن البيت ولما اشتكيت حلف بالدين ما في نت هيشتغل فالبيت تاني ' لأنه معاه خط في نت unlimited في نت علي طول بتاع شغله المهم اني تأكدت تماما انه بش بيحبني واتخانقنا مع بعض خناقة كبيرة ومد ايده عليا وخدت ٣ شرايط برشام عشان انهي حياتي او أستغيث لأهلي يخلصوني منه لأنهم رافضين عشان معانا ولد ومن بعد الموضوع دا فات اسبوعين علي خروجي من المستشفى لا اتصل ولا جه ولا سال عن ابنه ولا بعت فلوس وعايش حياته بيخرج وبيتصور وشال من صفحته انه متزوج وشال اسمي وانا طبعا طالبة الطلاق وقررت اني مش هعيش مع البني ادم دا تاني ولا هضيع شبابي معاه بعجزه دا بس مرعوبة من اني أشيل مسؤولية ابني لوحدي وابقي بطولي مرعوبة من الي جاي ومن نظرة الناس مرعوبة من نفسي لاتغير للاوحش مرعوبة من الدنيا ممكن توديني علي فين وهو هيكمل حياته ولا هيشتغل دماغه بيا أنا وابني ملحوظة ** أنا بشهادة الكل جميلة من جوا ومن برةونظيقة جدا وأهلي ناس محترمين وهيعيشوني مرتاحة من الناحية المادية .. انصحوني اعمل ايه واسفة جدا جدا لو طولت عليكم 🤍 ...عرض المزيد

2 الدعم

9 نصيحة