"لأ مش رفض... دي حماية لنفسي"

Potato_63938 🇪🇬

منذ 3 أيام

شعور فخور

موضوع:

بتعرفوا تقولوا لأ على حاجه مش مناسبه ليكوا ؟

"أيوه، بعرف أقول لأ، لأن كلمة (لأ) مش دايمًا رفض... أحيانًا بتكون حماية. أنا مش بقول لأ علشان أصد الناس، لكن علشان أحافظ على نفسي من إنها تذوب في رغبات مش شبهي، أو تنجرف في طرق ما بتشبهش طريقي. 'لأ' هي الجدار اللي بحطّه بيني وبين التنازل، هي الحارس الأمين على حدودي النفسية. لأن لما أوافق على حاجة مش مناسبة ليا، بخون حقي في الارتياح، وباخدّل ذاتي اللي وثقت فيّ.

أنا مش ضعيف.. عايز أتغير وأبدأ خطوة بخطوة

أنا شاب دايمًا بفكر كتير، عايز أغير من نفسي، أبطل عاداتي الوحشة زي التدخين والتسويف، وعايز أكون ناجح، ذكي، حكيم، وجسمي مظبوط، بس دايمًا بتأخر، بقول “بكره”، وبلفّ حوالين نفس الدايرة. جوايا حِتّة دايمًا مش راضية عن نفسي، بحس إني ضايع شوية، ومحتاج حد يفهمني ويحبني ويغير عليا بجد. ساعات بحس إني لوحدي، وساعات بلوم نفسي على كل حاجه. أنا بطبعي متسرّع، عايز أوصل لكل حاجه مرّه واحده، بس الواقع بيصدم، وكل مره أبدأ وأقع، أرجع أقول “أنا مش قدّي الكلام ده”. بس الحقيقة؟ أنا مش ضعيف، أنا بس محتاج أثبت لنفسي إني أقدر، وأبدأ خطوة بخطوة، وأكسر الحلقة اللي أنا فيها. أنا مش محتاج أكون حد تاني، أنا محتاج أكون النسخة الجامدة اللي جوايا… وده اللي هعمله ...عرض المزيد

6 الدعم

2 نصيحة

اكتشفت إن التعامل من القلب غلط.. والحل في القناعة

انا اكتشفت حاجات كتير فى التعامل مع البشر فى الحياة العادية و كمان الشغل بحكم انى ما كان ليا علاقات كتير و كنت بحاول اسطح العلاقات على قد مقدر عشان كنت مقتنعة ان البعيد دايما حبيب ولكن مع الابتعاد عن البشر ده كنت جعانه تعامل بس اكتشفت ان فى كذابين كتير و ان التعامل من القلب ده غلط جدا و عشان تنجوا من هذة الحياة بأقل خسائر ان الانسان مايحبش و مايكرهش و مايفرحش و مايزعلش و ما يعوزش حاجة ، يعمل الى عالية وربنا يقدم الى فية الخير و يرضا بية ومايحولش يرضى حد ولا يخاف على نفسة من حكم حد علية ويحب هو نفسة ويكون واثق فيها وبس تبقا كل حاجه عادى جات خير ماجتش خير بس يجتهد عشان ربنا امرنا بكده ...عرض المزيد

7 الدعم

1 نصيحة

البرود ده مش اختيار.. ده درع بحمي بيه نفسي

بقيت بارد في كل حاجة، بارد ف ردّي، ف نظراتي، ف مشاعري اللي كانت زمان بتتحرق من أقل كلمة. مش لأني مرتاح… لأ، أنا بس تعبت. تعبت أفرّح، وتعبت أزعل، وتعبت أهتم. الناس بتفتكر إني قاسي، بس الحقيقة إني خلصت. خلصت من كتر الخذلان، من كتر الأسئلة اللي ملهاش رد، من كتر الندم. البرود ده مش اختيار، ده درع… بحمي بيه الباقي مني. أنا مبقتش أحب أشرح، ولا أبرر، ولا أرجع أعيش نفس الدوامة من أول وجديد. لو شُفتني ساكت، فاعرف إني كنت يومًا مليان، ولما فِضيت… قررت أبقى كده. ...عرض المزيد

3 الدعم

2 نصيحة